بتجيب لبسك منين؟؟؟؟؟

**3mr Farrag** · 15-08-2007 04:27 AM

انا عارف انه سؤال غريب.....بس بعد انتشار توكيلات اللبس و المحلات بقي في انواع كتير من الاختيار لللبس من كوتشهات او بنطلونات او تي شرت .......
و الفكره جاتلي لأني لاحظت لن بقي صعب الواحد يجيب حاجات كويسه حتي لو ماركه معروفه ....لأن بقي كلو صنع في مصر و الخامات و التشطيب بقي تعبان و الاسعار عاليه اوي .....ما عادا الكوتشهات طبعا اللي هي مش مصري ....
بس الاسعار بقيت غاليه علي الفاضي....يعني بدل ما كان تجبلك اجدع كوتش بي 300 جينه تلاقي بقي اقل حاجه 300 و حاجات مش قد كده في بعض التوكيلات....

لو حد بيجيب اي نوع من اللبس من اماكن اخري غير التوكيلات بأسعار اقل و ماركات كويسه ياريت يشارك و يقولنا....

**modux** · 15-08-2007 09:07 AM

ana banzael portsaid bageeb 7agat kowyesa mn tawkelat gamda aweeee

w as3ar 7wela

**Karim_Monir** · 15-08-2007 10:56 AM

ممممممم
سؤال محرج مووت بس اقولك على لعبة اتعلمتها من واحد امريكي كان في زيارة لمصر شوية

باجي اخر الموسم الشتوي مثلا اول التخفيض ما يبدأ اروح المحلات الكبيرة اللي بتبع ماركات وبس لانها بتبقي عاملة تخفيضات فوق ال 50 % وبتبقي تخفيضات حقيقية وكذلك في الكوتشيات والشوزيز وكدة
افتكر مرة محل بتاع ماركة بيست موشن كان عامل عرض رهيب البنطلون اللي ب 450 وانت طالع حطهم كلهم على اتنين استاند
بسعر 110 و 150
تخيل بنطلون ب 600 تاخد ب 150
وهكذا
المضحك بقي لما تجيب كوتش كان ب 500 وشوية ب 300 في التخفيض تيجي بعد التخفيض ما يخلص لو موضتة لسه شغالة وعلية طلب تلاقية رجع تاني 500
ها ها ها
حصلت معايا مرتين في كاتربلر

نصيحة اخيرة
لو هاتشتري في تخفيضات راعي حاجتين
تنزل تشتري اول التخفيضات عشان الحاجة الحلوة والمقاسات بتخلص بسرعة والاستاف بيبعتو قرايبهم يشتروا ويبعوه لحسابهم
ثانيا لازم تبقي عارف سعر الحاجة كام عشان في محلات بتضرب فوق وترجع تنزل تاني وما تخسرش

طبعا كل الكلام السابق ما ينطبقش غير علي الماركات الكبيرة والمحلات المحترمة غير كدة انسي

**Hossam_Hassan** · 15-08-2007 11:21 AM

فيه مصانع فى 6 أكتوبر و العاشر بيبيعوا انتاج التصدير و أسعارهم كويسة و بعضهم ما بينزلش انتاجه السوق المصرى أساسا

**Abdallah** · 15-08-2007 03:53 PM

بالطبع فى بورسعيد حاجات كويسة واسعارها معقولة وعن نفسى انا بحب البس تى شيرتات voiki او le coq sportif والاثنين دول بيريحونى جدا فى اللبس وخامتهم جيدة جدا وبالنسبة للبناطيل بفصل القماش وبشترى الجينز من بورسعيد برضة والكوتشيات على حسب المحلات والصناعة بس توكيلات الكوتشيات واللبس عموما سفاحين فمتشريش منهم حاجة الا فى موسم الاوكازيون.

**3mr Farrag** · 15-08-2007 04:06 PM

شكرا يا جماعه علي الردود.....
و علي فكره انا بقيت احيانا بعمل زيك كده يا بشمهندس كريم......
بس اكتر حاجه تعباني بصراحه في اللبس هي الكوتشهات لأني عندي فلات فوت و ماينفعش اجيب اي كوتش لازم يبقي فلات.....و الغريب ان الكوتشهات زمان العاديه كلنت بتكون من جوه فلات و من بره عاديه مش شكل الحاجات الفلات.....دلوقتي بقوا مش بيريحوني خالص
فلو حد يعرف محلات جامده عندها كوتشهات فلات جامده ياريت يقول...لأن معظم التوكيلات بقي الكوتشهات عاديه جدا و تلاقيها بي 600 جنيه و بصراحه الواحد بقي بيستحرم غير انه مش بيكون عاجبني .........

**Karim_Monir** · 15-08-2007 11:42 PM

جرب كات
لانهم بيعملو كوتشيات للخدمة الشاقة وغالبا بتبقي واسعة ومريحة من جوة
انا كل كوتشياتي منها بصراحة مريحة وقماش من فوق لاني بتني رجلي تحت المكت وانا قاعد
وما بيريحنيش غير الكوتش القماش

**3mr Farrag** · 16-08-2007 01:19 AM

هو مافيش حد تاني بيجيب لبس ولا ايه :lol:

يعني لو حد يعرف اماكن تانيه غير التوكيلات فيها انواع كويسه ياريت حد يقولي...لأني بجد بقيت اتعب من موضوع اللف .....و بالذات الكوتشهات

الموضوع: بتجيب لبسك منين؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

عربيتى بتجيب زيت مش عارف منين ؟؟

موضوع احصائى : بتجيب قطع غيار الاصلية لعربيتك الدايو منين

:: محدش يعرف وطنية اللى فى المعادي بتجيب المواد الكيماوية منين ..؟؟ ::

بتجيب منين قطع الغيار

الناس دي مش عارف بتجيب الكلام ده منين

الكلمات الدلالية لهذا الموضوع

المفضلات

المفضلات

ضوابط المشاركة