مطلوب سيارة تكون للبيع في حدود 10000 جنيه للضرورة

**m000dy** · 13-01-2009 10:01 PM

ومن قبل ماتتصل عشان ماتتصلش وتضرب مشوار لحد السويس على عماك وتعطل نفسك يوم ادى صوره للعربيه لقيتها وانا بقلب فى الموبايل قلت انزلها وابعتهالك ( عشان ماعندناش عربيات تتصور وتنكشف على حد ) ههههههه وانت مش اى حد واما تنوى تيجى قوللى قبلها بيومين تلاته عشان اجمعلك كام واحد من الناس اللى عاوزين يبيعوا عربياتهم باسعار متقاربه او حتى نمر تليفوناتهم عشان تبقى نزوله مره واحده وتقضى مشوارك يمكن تلاقى حاجه منهم وتكون اللى انت عاوزها
الموضوع مش انك تشترى منى الموضوع انك تلاقى اللى انت عاوزه والاساس اننا نساعد بعض
ولا اييييييييييييييييه ؟

**mh_montasr81** · 14-01-2009 09:03 AM

والله باين عليها عربية جميلة بسم الله ما شاء الله ربنا يباركلك فيها ويجنبج شرها
طبعا اكيد اننا نساعد بعض بس انا كنت مفكرك في القاهرة معرفش انك في السويس
بس انا ليا قريب عايش في السويس ممكن انزله في يوم واتصل بيك ان شاء الله انت راجل محترم وانا مبصوط انى اتعرفت بيك يا محمد

**eys3** · 23-01-2009 03:22 PM

اريد عربيه فى حدود 14 الى18 الف وتصلح للسفر

**m000dy** · 24-01-2009 02:36 PM

انت ياباشا بالمبلغ ده ممكن تجيبلك حته بولونيز موديل 86 وانت طالع بس هتاكل منك بنزين كتير لانها 1500 وكربراتير
وتجيبلك 128 حلوه بس لو هاتسافر اكشف على دورة التبريد بتاعتها كويس قبل ماتاخدها عشان الردياتير دلوقت ب 380 جنيه
وممكن تجيبلك لادا موديل 82 شغاله بردو بس مش فاكر هى 1200 ولا 1500
او ممكن تزود 2000 كمان وتوقعلم ماروتى هى ضعيفه بس لو حالتها حلوه مش هاتقول لآ فى السفر
وال 125 فى حدود ال 13 الف ل 14 الف وبردو مكنه 1500 وبتسافر بس هات البولندى ام فوانيس مدوره وابعد عن الايطالى ام فوانيس مربعه لحسن حاجتها مش موجوده
وكمان ال 127 شغاله بس تكون حالتها ايه ون عشان السخونه

**أحمد سالم** · 27-01-2009 05:48 AM

انا رائى عن تجربه لو ماجبتش بيتلز هتندم
البيتلز افضل عربيه مناسبه للسفر وللطرق المصريه المكسره ولو كانت بتسحن او فيها مشكال مكانتش هتعيش لغاية دلوقتى فى اغلب دول العالم
نصيحه ابعد عن الفيات