الحلم الجميل

**matrix7570** · 12-01-2009 10:10 AM

زي ما بيحصل كدة و الناس قعدة تتفرج علي ماتش كورة علي قهوة أو في النادي و أول ما المهاجم يضيع كورة كان ممكن يجي منها جول أكيد و يروح طالع واحد و يقول بعصبية ( يييييييه دا أنا لو كنت مكانه كنت اديتها بالكعب كده و جبت الجول .....)
لو أنت بتحب مصر (مصر الارض يعني البيت و الشارع و الحي و المدينة و الاهل ) و فجأة لقيت نفسك مسئول كبير جدا و لك مطلق و كافة الصلاحيات يعني أنت تأمر بس و تجد طلبك مجاب .
ممكن تعمل ايه علشان تصلح من حالها.
و الاجابة بشروط :
1- بدون سب في أي شخصية.
2- بدون سرد مشاكل فقط بدون حلول

**matrix7570** · 12-01-2009 11:01 AM

طيب اسهلها شوية مش لازم تعمل خطة اصلاح كاملة علشان دي حتأخد وقت في الكتابة ممكن تحكي عن مشكلة قابلتك و تقترح الحل.

**مدحت منيب** · 12-01-2009 11:15 AM

الغاء الدستور الذى وضعه السادات

**matrix7570** · 12-01-2009 11:42 AM

ممكن توضّح أكثر الاسباب لعلك ممكن تلفت نظر واحد ممكن يلغيه...

**mohamed hatem** · 12-01-2009 11:57 AM

الغي مجانية التعليم في الجامعات .........وافرض ضرايب و رسوم كويسة على الجامعات الخاصة .....واخد فلوسها واصرفها على التعليم لغاية ثانوي .......بحيث يبقى تعليم متطور وحضاري ويطلع ناس فاهمه صح ويقدرو يشتغلو فعلا ويبقو كوادر
لان شهادة الجامعة العادية ملهاش لازمة في حياتنا ...بنطلع نلاقي مفاهيم تانية واساليب مختلفة ....ونرجع ناخد كورسات بفلوس كتير عشان نقدر نواكب .....يبقى ملهاش لازمة الجامعه اللي ببلاش ...واطلع من ثانوي فاهم وقادر اشتغل ...ولو معايا فلوس اكمل ...وطبعا ممكن نظام المنح

النظام ده طبعا شبيه باوربا و امريكا .....وطبعا مش هقولكم انهم فارقين عنا اد ايه

**matrix7570** · 12-01-2009 12:23 PM

و لو حد من الاخوة عاشوا خارج مصر شاف نظام عجبة في دولة ثانية ممكن يكلمنا عليه.
يعني مثلا في قطر أول ماتوصل البلد في المطار بتأخد رقم تأشيرة حتلاقي أنك أول ما تستلم الاقامة هو نفس رقم الاقامة و لما تيجي تطلع رخصة القيادة حتلاقي نفس الرقم علي الرخصة و بالتالي البطاقة الصحية و هكذا.
و اذا ضاعت منك اي حاجة في دقائق ممكن تطّلع بدل فاقد.
غرمات المرور رهيبة مثلا كسر الاشارة في بعض المناطق قد يصل الي 120000 ريال و طبعا مافيش عسكري مرور واحد في البلد كلها لان عند كل اشارة كاميرا بتصورك علي طول لو عملت حاجة غلط و ماتعرفش تقول مش أنا.
و المخالفات ممكن تدفعها عن طريق النت بالفيزا مش لازم تقف في طوابير.
اما عن التأمين الصحي فهو أكثر من رائع من أول مره تروح المركز الصحي اللي انت تبعه بيتعملّك ملف بيتسجل فيه كل و اقل حاجة اصبت بيها حتي درجات الحرارة و اسماء الادوية اللي خدتها و سجل كامل بحالتك الصحية.

معلومة هامة (80% من المديرين و رؤساء الاقسام في المراكز الطبية مصريين)
لو عندهم اي وظيفة محتاجة حد يفكر بيجيبوا علي طول المصريين.