طالب النصيحة-بخصوص مازدا 323

**mohamed10** · 15-08-2007 01:27 PM

ياجماعة حبيت اخد راييكم فى حاجتين
1- اننى امتلك سيارة مازدا323 والمساعديين الخلفيين عايزيين يتغيروا فانا محتار بين المساعدين KYB اليابانى او المونرو ، وهل اذا جبت المنرو لازم اغير الاماميين كمان ولا لا.
2- ساعات بحس انى مخنوق من العربية وعاوز ابيعها مع العلم انها جيدة نوعا ما وابقى محتار انى اجيب ايه مكانها لدرجة اننى ساعات اضع فى اعتبارى استبدالها بسيارة شاهين لانها تتحمل حالة الشوارع وارتفاعها عن المطبات بس خايف اننى اخد الخطوة ديه واندم عليها لانى مش عارف هل هناك فارق فى القيادة بين اليابانى وفيات ام لا ، وساعات اخرى اقول بدل مااشترى شاهين اظبط فى عربيتى واركبلها تكييف وزجاج كهرباء امامى مثلا بس انا عارف ان الحاجات هاتدخل فى حدود 5 الالاف والعربية عند بيعها مش هاتجيب تمن الحاجات اللى انا بعملها ، مع العلم اننى تهمنى متانة السيارة من حيث الصاج الخارجى وارتفاعها عن الارض وسهولة صيانتها ورخص قطع غيارها وعائلية ، وعلى فكرة انا فكرت كذا مرة فى الفيرنا بس بصراحة شفت ليها حوادث وبحس بعدم ثباتها وهى ماشية امامى على الطريق بالاضافة الى انها بيبان عليها البهدلة بسرعة فى شكلها الخارجى . فما هو راييكم خصوصا انا محتار قوى

**Abdallah** · 15-08-2007 02:16 PM

المونرو مش هيظبط معاك لانه ناشف وممكن يبهدل العربية خاصة انك هتضطر تغير الأماميين كمان بمونرو انصحك بال KYB وبالنسبة للنقطة الثانية طالما عربيتك مريحاك متغيرهاش وفى وجهة نظرى ان ال 323 عربية ناعمة وكويسة ولا يعيبها الا قدم الموديل والتكنولوجيا المستخدمة فى الموتور ولكن هى عربية جيدة فى فئتها السعرية وهى انسب من لاشاهين نظرا لنعومتها.

**Karim_Monir** · 15-08-2007 02:42 PM

انا رايي تخليها وتظبطها وما تصرفش كتير عشان زي ما بتقول مش هايجيب
ظبط علي القد وحط في دماغك انك تستمتع وتركب بقدر اللي صرفتة
عربيتك حلوة واستهلاك بنزينها حلو وتكييفها زي الفل ركب واد اصلي او استيراد وربنا يباركلك
اللي تعرفة احسن من اللي ما تعرفوش في العربيات بالذات

**Karim_Monir** · 15-08-2007 03:31 PM

تم النقل وتعديل العنوان بمعرفتي

**boody2** · 28-10-2007 07:46 PM

المشاركة الأصلية كتبت بواسطة خالد فتحي عبد الفتاح

يا سلام نفس السؤال عاوز اسأله بس ياريت حد يرد ;)

العربية دي انا ركبتها لمدة 7 سنين و انا اخدتها من والدي لانه كان ضابط و هي معاه من 82 من ايام الجيش و العربية دي جميلة وناعمة و نصيحة اوعي تفرط فيها ز

المساعدين الخلفيين ركبهم kY و ممكن تجيبهم من محل محمد نصر في جسر السويس عند التجنيد جنب بنزينة تام اويل و الراجل ده اسعاره رخيصة و حاجته اصلي و انا كنت بجيب من عنده دايما . حاول تحط علاية علشان العربية تعلي سنة . ممكن تركبلها جنوط .لا انصح بالتكييف لانه حيقصر عمر الموتو و لكن لو عايزه اشتري من ساندن ب 3000 جنيه و بعدين احنا داخلين علي الشتاء .

و لو عايز اي نصيحة انا تحت امرك ...

**Adham** · 28-10-2007 08:11 PM

كل اللي راكب ياباني عارف زي ما الاخوان قاللوا ان المونرو ناشف عالعربيات الياباني و بيخليها تدب و مش مريحه

هات ال KYB افضل

بس انا رأيي بلاش العلايات لأنها ممكن تضر المساعد لانها بتقصر مشوارة و كمان بتعللي العربية و الكامبر بتاع العجل يقفل شوية و بالتالي بيأثر عالثبات بتاع العربية في السرعات و الملفات

ورأيي تشتري تكييف مازدا استيراد من بورسعيد, فية واحد في بلوك 68 او 69 في بنك الاسكان عندة على ما اذكر
أحسن من الساندن و اقوى

وموتور المازدا مع أحترامي اصلا بينزل بتكييف و هو موتور 1300 و احيانا 1500 ياباني قوي يستحمل التكييف سواء كان ساندن او الاصلي اللي بينزل فيها

**خالد فتحي عبد الفتاح** · 14-11-2007 09:32 AM

طب معلش انا عاوز اعرف احسن طريقة اقلل بيها استهلاك البنزين بالنسبة طبعا للمازدا 323 وهل تغيير الكاربراتير يجيب نتيجة

**Adham** · 14-11-2007 10:04 AM

المازدا 323 اصلا مش بتستهلك بنزين كتير و من اكثر العربيات الموفرة في البنزين اساسا, لو مظبوطة

و أوعى تغير الكاربراتير بتاعها ب كاربراتير فيات 127 زي الميكانيكية بيعملوا لأنة حايخنق العربية قوي و يبرجل موتورها

شوف لو كان الكاربراتير عندك محتاج تنظيف و أكس و باب و كدة او اشتري واحد استيراد

و لو الموتور خفيف حط اضافة زيت ريسورس او ريستورر

غير بوجيهات لو قديمة و اضبط تاكيهات

و هي مش محتاجة توفير