الموضوع: نيسان صنى أوتوماتيك ولا كيا سيراتو أوتوماتيك -سؤال للخبراء

اعتقد ان النيسان افضل من السيراتو
مش عشان معايا طبعا
ودة لان العمر الافتراضى للنيسان احسن
(انااعز العمر الافتراضى اوى هههههههههه)

الساده الأعضاء برجاء إلتزام قواعد المنتدى وعدم شخصنة الحوارات

ل ف م 2

المشاركة الأصلية كتبت بواسطة amrehab

ودخلنى فى موضوع العربية 2 كامة وفهمته يعنىايه 2 كامة.وانا بقول تانى التقفيل المصرى دا فى صالحنا من ناحية الفلوس بدل ماالحاجة بتيجى من برة وتخوش فى سكك جمارك والكلام دا.انما الاصل يابانىىىى وكفاية انها made in sunny

سؤال على الماشي بعد اذن حضرتك
هو أيه دخل موضوع 2 كامة بالتكييف ؟؟؟؟؟
و هي 2 كامة راكبة مخصوص علشان التكييف ؟؟؟؟؟

المشاركة الأصلية كتبت بواسطة abou_ruqi

يا استاذ عمرو انت بتقول


هل انا قلت ان العربية علشان متقفلة هنا تبقي وحشة ؟؟؟

قلتها فين ؟؟؟


انما قلت انا العربية المتقفلة هنا ، اسمها متقفلة هنا !!

وبعدين موضوع البي ام اللي كل ماحد يتكلم يجيب سرته حد جربها وجرب نفس العربية الماني ؟؟


انا عندي ذكري مؤلمة مع X3 مصري وكان بسبب ان حتة كولية خرطوم المياة بتاع الراداتير حته كوليه نحاس بتلاتة جنية عمل مصيبة في عربية عاملة ٥٠٠٠ كيلو في ١٠ شهور من تاريخ شراءها زيرو
انا بضرب المثل ردا علي كل اللي بيقولوا كل شوية الـبي ام الـبي ام

وللمرة المليون انا برده مقولتش علي الصني المصري وحشة ، انما هي مختلفة بلا شك عن اليابانية

أبو رُقية .... تحياتي
أنا أعرف ناس معاها عربيات بي ام دبليو جاية من ألمانيا رأسا و فيها موتور بعد 4000 كم ( موتور محتاج يتغير )

المشاركة الأصلية كتبت بواسطة Ahmed20_08nubira

اعتقد ان النيسان افضل من السيراتو
مش عشان معايا طبعا
ودة لان العمر الافتراضى للنيسان احسن
(انااعز العمر الافتراضى اوى هههههههههه)

تحياتي يا أستاذ أحمد
بس معلش برضه
أنت عرفت ازاي ان العمر الأفتراضي للنيسان أحسن ؟؟؟
مع أن أنا أعرف ناس معاها عربيات كيا و شغالة بأمتياز لغاية دلوقتي و عاملين بيها فوق 200 ألف و 300 ألف .



---------------------------
تسمحولي أقول رأيي في الجدال الدائر هنا كأخ لكم جميعا
أولا تحياتي للدكتور أمير و أبو رُقية و الأستاذ أحمد نوبيرا بما أنهم أكثر ثلاثة منخرطين في هذا الجدل الدائر حول هوية السيارة

فيه بس نُقطة أحب أوضحها
أبو رُقية لم يتحدث عن جودة السيارة أو عدم جودتها هو تحدث فقط عن بلد المنشأ . ( و دي النقطة اللي أغلب الحوار كان مبني عليها و تم فهم مقصده بطريقة أخرى مما سبب الخلاف في الرأي حول حقيقية من الحقائق و ليس رأي شخصي )

النيسان صني سيارة يابانية يتم تجميعها في جمهورية مصر العربية تحت إشراف كامل من شركة نيسان لأن المصنع مملوك لنيسان حاليا و ليس لشريك مصري كما في السابق .
السيارة بها مكونات مصرية ( نفخر بذلك ) و بها مكونات يابانية من الشركة الأم و هذا طبيعي .
و عندما نتحدث عن السيارة نقول أنها تجميع مصري ... و لكن لا نقول أنها تصنيع مصري حيث أن أغلب المكونات الأساسية تأتي من اليابان أو مصانع التغذية الخاصة بنيسان حول العالم أو من اليابان نفسها . ( و ياليتها كلنت صناعة مصرية بالكامل فهي سيارة ممتازة)

أبو رُقية أعطى عدة أمثلة كفولكس فاجن البرازيلي
و أسمحولي أقول أن المثال هنا مختلف
لأن المحرك يتم تصنيعه في مصانع الشركة في البرازيل ... بإشراف كامل من فولكس فاجن .. هل هذا عيب ؟؟ طبعا لاءة و لكن الشعب المصري مغرم بحاجتين ( اليابان و ألمانيا )
و أيضا نفس الموضوع ينطبق على الفيات القادم من ا لبرازيل أو الصين ( فالسيارة بالكامل تصميم أيطالي و لكن التصنيع يتم خارج أيطاليا و لكن بإشراف كامل من أيطاليا )
الناس مش فاهمة أن الشركة الأم مش هاتضحي بأسمها و سمعتها مقابل سيارة رخيصة قليلة الجودة .

الُمهم ما أقصده هو أن أبو رُقية لم يتحدث عن الجودة نهائيا
و الدكتور أمير كان يتحدث في الأساس عن الجودة و هو هنا ما أظهر نقطة الخلاف في الرأي .
حيث أن الدكتور أمير ... و الأستاذ أحمد يحاولون إظهار جودة السيارة و لكن في رأيي بطريقة خاطئة ( و هو انكار المكونات المصرية التي فيها ) .
أنا أرى العكس .... السيارة جودتها عالية لأن شركة نيسان بتنتقي و بتختار الشركات اللي هاتورد ليها مكونات لسيارتها
و بعدين مالها مفكو حلوان ؟؟؟ يا أبو رُقية ؟؟؟ و بعدين مفكو حلوان دي بتاعة أثاث منزلي و ليس للسيارات .

نقطة تانية .... الدكتور أمير ( الأسكودا عمرها ما كانت ألماني دي ماركة تشيكي مملوكة لفولكس فاجين )
و طيب و ده يقلل من الأسكودا ..... طبعا لاة خالص .
لأن الصح أن أحنا نتكلم عن ماركات في الأساس و ليس بلاد منشأ

في النهاية هدوا النفوس يا رجالة و أحنا هنا كلنا أخوات

طيب ممكن بعد أذن حضراتكم أدلوا بدلوي في الموضوع
الراجل بيسأل عن السيراتو و الصني
بصراحة الواحد حيران لأني بحب الأثنين
و أنا شايف أن الفروق بينهم مش كبيرة و لكن بتتفوق السيراتو في الفتيس الأوتوماتيك ذو التكنولوجيا العالية
و الصني بتتفوق في الإنتشار و سهولة البيع ؟

و أنا لو مكانك كنت هابقى حيران قوي قوي قوي
بس في الأخر ... قلبي كان هايميل للصني علشان صناعة مصر

-----------------

نقطة تانية للناس اللي بتتكلم عن الصني المصري بطريقة مستفزة
هل أنت جربتها ؟؟؟ و هأقول اللي بيقول مصري و خلاص و يطلع كلمة مصري فيها عيب.... بيبقى مش مجرب للآسف و يقول أي كلام و خلاص .

تعالوا كدا نفكر في الموضوع بتآني شوية
لما كل واحد يسيب الصناعة المصري و يشتري المستورد
هانقفل كل المصانع .... و نقعد كلنا عواطلية و في الأخر مش هانلاقي فلوس لا نشتري مصري و لا مستورد ..

أتقوا الله فيما تقولون .......... أتقوا الله فيما تقولون ... ده أقتصاد الوطن بحاله يعني الموضوع كبير

أتكلم عن المنتج اللي أنت جربته و طلع وحش و حذر الناس منه
إنما منخليهاش زي اللبانة في بؤنا دي مصري يبقى ما تشتريهاش
حرام علينا كدا .

الكلام ده موجه للناس اللي بتعيب على الصناعة المصري عموما بدون تجربة .( أحسن أبو رُقية أو الدكتور أمير أو الأستاذ أحمد يأخدوا الكلام عليهم )
و الله العظيم تلاتة ده كلام عام يا أخواني

حاجة كمان
كل الأخوة اللي شاركوا في الموضوع على رأسي من فوق و ليهم كل أحترام .

أنا بدعوا أخي الدكتور أمير و الاستاذ أحمد نوبيرا و الأستاذ أبو رُقية ( بارك الله فيكم جميعا )
بترك الخلاف جانبا .... و نسيان ما حدث في هذا الموضوع ( لأن إن شاء الله لم يحدث شئ )

بالتحلي بالصبر .......... و التمسك بالأخوة أكثر و أكثر ....فأنتم كلكم ... أعضاء محترمة و جميلة و نعتز بزمالتها على المنتدى
لذلك .... أرجوكم .... أنسوا ما حدث .... و نحن كلنا أخوة ... نُحب بعضنا البعض و إن أختلفنا في الرأي .... لا نخسر بعضنا أبدا

تحياتي لكم جميعا و بارك الله فيكم و في سيارتكم و في حياتكم إن شاء الله تعالى

( ده أنتوا ما شوفوتوش مواضيع الجين 2 بقى )