نيسان صنى أوتوماتيك ولا كيا سيراتو أوتوماتيك ياريت حد يقول رأيه بصراحه بموضوعيه ودون تحيز خاصه أن دى أول مره هشترى عربيه وعلى فكره الاوتوماتيك خيار أساسى بالنسبه لى ولكم الشكر وجزاكم الله خيرا
نيسان صنى أوتوماتيك ولا كيا سيراتو أوتوماتيك ياريت حد يقول رأيه بصراحه بموضوعيه ودون تحيز خاصه أن دى أول مره هشترى عربيه وعلى فكره الاوتوماتيك خيار أساسى بالنسبه لى ولكم الشكر وجزاكم الله خيرا
اعتقد اتوماتيك يابانى افضل من اتوماتيك كورى
لو اتوماتيك خليك فى اليابانى
اانا افضلك نيسان صنى سوبر صالون
اشتري كيا لانها موفره جدا في البنزين اما النيسان فهي غول بنزين
والله يا اخى انا عندى نفس الحيره لدرجة انى تخيلت ان الموضوع ده انا اللى كتبته ... يا ريت حد ينصحنا بسرعه بس يا ريت تكتبوا الاسباب للاختيار وياريت تكتبوا العيوب قبل المزايا
انا لو مكانك وعايز اتوماتك واريح دماغى ومخافش من حاجة
يبقى صنى
لكن كسيارة عموما فهى السيراتو
والله انا محتار بين العربيتين اخر حيره
الصنى عربيه بسيطه أوى وقويه جدا وقطع غيارها رخيصه جدا بره التوكيل
صنى= انتشار واسع +عدد كبير جدا من مراكز الصيانة+توافر قطع الغيار خارج التوكيل+تصميم غير معقد=سهولة فى تملك اوستخدام وصيانة السيارة=طلب جيد عليها عند اعادة البيع
انا شايفها معادلة رابحة لمن يبحث عن سيارة عائلية مريحة،
اتوماتيك الصنى هيبقى افضل على ما اظن
اسمع كلا م المهندس /سبعاوى
وان شاء الله مش هاتندم
واستخير ربنا
وما خاب من استشار
البريليانس
الأسبيرانزا
كيا بيكانتو
cerato is much better
العربيتين حلوين بجد بس انا فى رايى اسمى راكب يابانى ولا اكون راكب كورى
استخير ربنا و العربيتين فعلا كويسين
انا رأيي السيراتو متور تكنولوجيا اعلى اقوى امكانيات اكتر ستيب ترونيك شكل جديد قطع غيار ارخص
خامات احسن و افضل طريقة للمقارنة شوف الاتنين و هم واقفين جمب بعض هتحس ب الفرق بدون كلام كفاية انها تقفيل كورى مش تقفيل مصرى و فيها 25% صناعة مصرية دة غير ان النيسان بتشرب البنزبن شرب ..
لو سمحتوا لمبه الزيت بتتاخر فى الانطفاء ساعه الصبح بس ايه المشكله
عايز تعرف حقيقة السيارات كلها اللي في السوق المصري ادخل الموقع ده و هتستفاد كتير اوي
http://dvd4arab.maktoob.com/showthread.php?t=1380917
سؤال صغير
انتوا بتحكموا على جنسية العربية من بلد المنشأ أو التجميع ولا بلد التصميم ولا بلد تصنيع القطع الأساسية ؟
أنا ملاحظ في المنتدى تخبط شديد في الموضوع ده
الصني ياباني إزاي بس ؟؟؟
زي ما الأفيو عربية كورية مش أميريكية
وزي ما الأوبل عربية ألمانية مش أميريكية
وزي ما الفورد فوكس عربية أسبانية مش أميركية
وزي ما السوزوكي ماروتي عربية هندية مش يابانية
وزي ما الأفانزا عربية اندونيسية مش يابانية
وزي ما السيتي عربية تايلاندية مش يابانية
وزي ما البولو عربية برازيلية مش ألمانية
يبقى لزم تكون الصني عربية مصرية مش يابانية ! ده كفاية إن الكراسي مفكو حلوان !!!
i think sunny super saloon is the best in this category related to the price ,options and performance
اتفضلووووو اهو عضو اهو عايز يقول ان الصنى عربية مش يبانى :U_thin1[1]:
يا جماعة حرام بقا
يعنى اية الصنى يبانى ازاى بس
انا اقولك ازاى يا باشا
النيسان صنى اللى بتتجمع محليا (بتتجمع)
موتور يابانى وعفشة يابانى والتابلوة والعدادات حتى يابانى
اما تقفيلها مصرى
واعتقد الكلام دة معروووووف واتشاف كتير فى المنتدى دة
عرفت ازاى هيا يبانى
(بس انا اول مرة اعرف ان مصر بتصنع عربية اسمها نيسان ):Zb_sor1[1]:
يا سيدي ولا مصري والا الياباني
العربية ٣٠ ٪ منها مصري و ٧٠ ٪ منها ياباني (واسآل لو مش مصدقني) يبقي ازاي تقول انها ياباني بصورة مطلقة وتساوي بنها وبين التيدا مثلا !!
لما هي ياباني الكراسي مصري ليه ؟؟؟
لما تكون قعدتها مش مريحة حتقول كراسي العربيات الياباني مش مريحة ؟؟ والا حتقول العربيات التقفيل المحلي مش مريحة ؟؟؟
سؤال صغير السوزوكي آلتو ؟ عربية هندية والا يابانية والا الاتنين ؟؟؟
نقطة صغيرة
العربية دي لو تم تصديرها للسودان ، حيتكتب في بلد المنشآ اليابان والا مصر ؟؟
فكر في ضوء اللوجان اللي حتيجي من المغرب حيتكتب بلد المنشآ فرنسا والا المغرب ؟
منشا اية بس يا باشا وسودان اية
حضرتك عايزها مصرى its ok
ولا يهمك
ياجماعة هو مش قفش والله انما دي الحقيقة
في عربيات ياباني وفي عربيات ياباني مصر !
ليه الناس بتهرب من الحقيقة ؟
اشمعني اي دولة تانية بتقفل بتقولوا علي العربية مصنوعة في بلد التقفيل مش التصنيع ؟
انا ضربتلك امثلة بالهبل بس ممكن ادلكم كمان
السيفيك ياباني
السيتي تايلاندي
ليه ما بتقولوش علي السيتي ياباني بالمثل ؟؟؟
دي مواصفات العربية, إيه علاقة ده باللي أنا بتكلم فيه ؟
لأ بيجى من بلدة متقفل
يا سيدي الفاضل
اديك لقيت المكونات المصري في العربيه
المكونات المصرية فى السيارة: الموكيت، الكراسى، الزجاج، الكاسيت والسماعات، كاوتش الأبواب، الخراطيم، ضفيرة الكهرباء، الردياتير، البطارية ، الشكمان
ايه بقي العيب في الحاجات دي؟
ده حتي لو هتتحط اسوء خامات مصريه من الحاجات دي مش هتفرق معاك
و بعدين العربيه زي الفل
و ده مش بس كلام علشان معايا
و لو العربيه مش عجباك خلاص مش عجباك
و من قبل الصني كان معايا فيليشيا
و الفيليشيا الماني متقفله في التشيك
هل معني كلامك ان الفيليشيا كمان مش الماني؟
يا جماعة انتوا بتردوا علي حاجات انا ما قولتهاش !!
انا مجبتش سيرة الكوالتي خالص!
ومجبتش سيرة ان التقفيل المصري وحش او حلو خالص!
انتوا ليه مش بتقروا اللي انا بكتبه و بتردوا عليه ؟
يا جماعة بغض النظر عن بلد المنشأ لانها افتكاسة الناس اخترعتها هنا فى مصر وصدقتها وعايشاها
اولا هنعمل مقارنة بسيط عشان الناس تقدر تحكم (المقارنة دى من وجه نظرى )
الموتور: (السيراتو)
السيراتو _ تكنولوجيا حديثة (موتور النترا) واستهلاك بنزين اقل و 122 حصان
الصنى _ تكنولوجيا قديمة شوية واستهلاك بنزين اعلى بسيط و 118 حصان
الفتيس: (السيراتو)
السيراتو ستب ترونيك تحفة طبعا ولحد دلوقتى من غير مشاكل
الصنى اوتو عادى ومعروف ان الاوتو فى اليابانى ملهوش مشاكل
العفشة : (السيراتو)
اليابانى العفشة ملهاش حل والثبات تحفى اوى دا الصنى رغم انها ممكن تكون ناشفة شوية
اما السيراتو انعم من الصنى بس الثبات برضو حلو جدا جدا ودا بسبب وزن العربية
الصالون : (الصنى)
الصنى صالونها كويس يعيبو فقط قدم التصميم وعيوب تقفيل بسيطة
السيراتو تابلوه احدث رغم ان اضاءة التابلوه بالعدادات قديمة دا ول قرناها بالالنترا
التقفيل: (السيراتو)
السيراتو كورى 100% ومحدش اشتكى من التقفيل
الصنى تقفيل مصرى بس للاسف فيه عيوب تقفيل بسيطة وكمان فيه عيوب فى البطاريات
التوكيل والضمان: (السيراتو)
الاتنين توكيلها حلو ومفيش مشاكل بس ضمان السيراتو اعلى 100 الف كيلو او 5 سنوات
شكل العربية:
دى ازواق
بس الصنى الشكل القديم كان احسن لكن الشكل الجديد بقى مش بحبو حتى شكل السيراتو مش بحبو
دى بقى عملية ازواق
الاعتمادية والعمر الافتراضى : (الصنى)
الصنى طبعا معروفة مش محتاجة كلام
والسيراتو طبعا مفيهاش مشالك بس اعتقد ان الصنى تتفوق بس مش الفرق الشاسع
متانة الصاج : (الصنى)
الصنى صاجها قوى واعتقد انو احسن من السيراتو
استهلاك البنزين : (السيراتو)
السيراتو تكنولوجيا موتور اعلى واستهلاك بنزين اقل
سعر اعادة البيع : (الصنى)
الصنى اعلى فى اعادة البيع (الشعب بيحب اليابانى)
الامان : (الصنى)
الصنى بالتعديلات الجديدة تتفوق 2 اير باج وفرامل Abs
لكن لو هتجيب سيراتو بنفس الموصفات هتجيب اعلى فئة وبكدة هيفرق معاك فى السعر ودا طبعا لصالح الصنى
الرأى الاخير
الســـــــــــــــــــيرا تو
بس لو تستنى الشكل الجديد تبقى كدة ملك واه بقى لو نزلت بنفس السعر مش هيبقى ليها حل
واسف للاطالة
حضرتك طبعا حر في رآيك الشخصي
وانا راي الشخصي
ان البدلة الايطالي لما بتتقفل في مصر بيبقي اسمها ايطالي متقفلة في مصر ودي ليها سعر تاني في السوق غير الايطالي اللي جاية من ايطاليا
واعرف ان العربية الياباني المتقفلة في مصر بيبقي اسمها ياباني متقفلة في مصر ودي تفرق كتير عن الياباني التانية وبيبقي ليها سعر تاني في السوق المهم محدش بيقول ابدا انها يابانية ويسكت انما بيتقال ياباني متجمعة في مصر
ودي في نظري حقيقة واضحة وضوح الشمس حتي عند اصحاب العربيات نفسهم حتلاقي الافيو المصري ليها سمعة و سعر غير الافيو الكوري وهكذا
انا وضحت وجهة نظري بما فيه الكفاية في امر مفروغ منه اصلا وانتهي كلامي
وشكرا
حضرتك طبعا حر في رآيك الشخصي
وانا راي الشخصي
ان البدلة الايطالي لما بتتقفل في مصر بيقي اسمها ايطالي متقفلة في مصر ودي ليها سعر تاني في السوق غير الايطالي اللي جاية من ايطاليا
واعرف ان العربية الياباني المتقفلة في مصر بيبقي اسمها ياباني متقفلة في مصر ودي تفرق كتير عن الياباني التانية وبيبقي ليها سعر تاني في السوق المهم محدش بيقول ابدا انها يابانية ويسكت انما بيتقال ياباني متجمعة في مصر
ودي في نظرا حقيقة واضحة وضوح الشمس حتي عند اصحاب العربيات نفسهم حتلاقي الافيو المصري ليها سمع و سعر غير الافيو الكوري وهكذا
انا وضحت وضحهت نظري بما فيه الكفاية في امر مفروغ منه اصلا وانتهي كلامي
وشكرا
كيا سيراتو
كيا سيراتو في رايي لانها 100% كوري:S_thum1[1]:
مش زي النيسان اللي 40% منها مصري:dontudear: والباقي ياباني تقفيل مصري:dontudear: