عزالعرب عملها يارجاله

**husseinodeba** · 12-01-2009 10:16 PM

الحكايه انى رحت اعمل صيانه ال1000 طبعا كنت فرحان
عربيتى Gen2 2009 العداد كان عامل حوالى 1600
دخلت التوكيل وكل اللى كانت عربتى محتجاه هو تغيير الزيت والفلتر وكان فيه ححاجتين صغيرين شاغلين بالى وهم ان دواسه الفرامل كانت محتاجه تعلى شويه والفتيس كان بيعصلج لما كنت احب اجيب مارشدير
طبعا استنيت كتير لانه كان فيه زحمه
المهم استلمت العربيه وطبعا لانى جاهل فى الاستلام ولانى كنت مستعجل اخدت العربيه وخرجت
وفجأه ....رن جرس الموبيل ....طبعا لانى بحب التزم جدا بالقياده الامنه جيت موأف العربيه عشان ارد على الموبيل ....
بشد فرامل اليد.........مفيش
التوكيل عملها يارجاله

دخلت التوكيل وانا عربيتى سليمه خرجت وفرامل اليد مكسوره
طبعا رجعتلهم وانا متهيألى انهم نسيو حاجه جوه بطن العربيه مقص ,مشرط ,فوطه ...يعنى حركات الدكاتره ..مع الاعتذار
المهم ايه ياجماعه اللى حصل؟؟؟؟
الولى :ان فرامل اليد محتاجه تتغير
التلهم: بس انا ماشتكتش من فرامل اليد
الولى: احنا كل اللى عملناه تغيير الزيت والفلتر وتربيط العفشه
من الاخر فرانل اليد اتكسرت من التوكيل
طبعا الولى ان عربيتى فى الضمان وانهم هيبعتو يجيبو فرامل يد وانه هيتصلو اول ماتكون متوفره (مفيش قطع غيار)
طبعا خرجت من التوكيل وانا

**ringoo84** · 12-01-2009 10:23 PM

المشاركة الأصلية كتبت بواسطة husseinodeba

دخلت التوكيل وانا عربيتى سليمه خرجت وفرامل اليد مكسوره
طبعا رجعتلهم وانا متهيألى انهم نسيو حاجه جوه بطن العربيه مقص ,مشرط ,فوطه ...يعنى حركات الدكاتره ..مع الاعتذار
المهم ايه ياجماعه اللى حصل؟؟؟؟
الولى :ان فرامل اليد محتاجه تتغير
التلهم: بس انا ماشتكتش من فرامل اليد
الولى: احنا كل اللى عملناه تغيير الزيت والفلتر وتربيط العفشه
من الاخر فرانل اليد اتكسرت من التوكيل

طبعا الولى ان عربيتى فى الضمان وانهم هيبعتو يجيبو فرامل يد وانه هيتصلو اول ماتكون متوفره (مفيش قطع غيار)

طبعا خرجت من التوكيل وانا

دي مهزله فعلا وبعدين ليه حضرتك ماشدتش معاهم جامد وكنت تقابل المدير لان كدا ممكن الموضوع يطول ..............كان لازم تدلهم على دماغهم.......

وقلبي معاك وبالذات ان انا دمي بيتحرق بسرعه ..........

**Ayman_52** · 12-01-2009 10:38 PM

دا استهبال بجد...والمفروض فعلا كنت حضرتك قبلت المدير هناك...

وانا شكلى كدا وانا بعمل الصيانه مش هروح الصحراوى غير لو فى حاجه كبيره لقدر الله...عشان هناك بيكون زحمه وبيكون ساعات فى اهمال زى اللى حصل لحضرتك

وان شاء الله تتغير الفرامل بسرعه وترجع الجميله زى الاول ان شاء الله

ومبروك عاصيانة الــ 1000 وعقبال الــ 100000 ان شاء الله

**aapaap855** · 13-01-2009 02:10 AM

مش عارف اذا مكنش عندهم قطع الغيار امال هنجيبها منييييييييييين

**MohabSaeed** · 13-01-2009 02:32 AM

حضرتك لازم تتابع الموضوع مع مدير الصيانه م/ امر الكوافى مباشرتاً .
الحقيقه معنديش كلام اقدر اقوله على الى بيحصل ده !!

**mazagnge** · 13-01-2009 02:40 AM

بس غيروا الزيت و ظبطوا الليمون .... يا عم حسين وضع زي دة كنت قدمت لهم وصلة من وصلات فرقة رضا فى الفنون الشعبية مرفقة بصوت الرائع بفاروتي .
تروح توكيل و ينكسر لك فرامل .... عمو عز شكلة مش هايرجع عن الشقاوة
كام يوم و روح اعمل زيارة و لو أنت مؤدب و ملكش فى الخناق شوف حد من أصحابك اللى ليهم صولات و جولات فى الموضوع دة بس ظبطوا فى العشاء و البيبس

**hadota_masreya** · 13-01-2009 11:05 AM

سلام عليكم
بص يا باشا - انت مش لازم تسكت و لو اي حد فينا حصله الموقف ده مش لازم يسكت - احنا دافعين دم قلبنا - اللى مكيش من دمه و اللى مقسط من عرقه و فى الاخر ييجى ميكانيكى عديم الخبره و عديم الأمانه يبوظ حاجه فى العربية (الجديده - الزيرو) و بعدين يلبسونا السلطانية و قال ايه هانعملها علشان فى الضمان - لا المفروض يعملوها علشان هما اللى بوظوها - بلاش تلاكيك و قلة أدب- من الاخر كلم مهندس آمر و اشتكيله باسلوب شديد شويه من اللى حصل - و قوله مش معقول اكون داخل توكيل من المفترض انه محترم و من المفترض انه ماسك ماركات و توكيلات محترمه و اتعامل مع ناس بالاسلوب ده و استلم عربيتى الجديده السليمه بايظ فيها حاجه

انا اسف على اسلوبى - بس انفعلت بصراحه لانى حسيت ان كأنى انا اللى فى الموضوع ده و بعدين انا بجد مابحبش اسلوب التلبيس ده - ربنا معاك و معانا

**ahmedsiyam** · 13-01-2009 11:14 AM

لا تعليق

و اعذرنى انت فرطت فى حقك كده كان المفروض يكون رد فعلك اشد من كده بكتير

**momenhamdy** · 13-01-2009 11:26 AM

المشاركة الأصلية كتبت بواسطة ahmedsiyam

لا تعليق

و اعذرنى انت فرطت فى حقك كده كان المفروض يكون رد فعلك اشد من كده بكتير

فعلاً كان المفروض كان موقفك اشد من كدا معاهم
علي العموم ربنا معاك وزي ما الاخوه قالوا كلم الاستاذ امر و ان شاء الله خير

**husseinodeba** · 13-01-2009 09:32 PM

اولا انا متشكر جدا على تجاوبكم معى محاوله ارشادى الى الصواب
وبالنسبه لموضوع انى فرط فى حقى تأدرو تألولى ايه اللى كان هيحصل لو انى كنت عملتلهم هولليله
مفيش قطع غيار فى التوكيل يعنى لو اتشلت واتهبدت مفيش حد هيعملى حاجه
ولو انى مش محتاج العربيه كنت سبتهالهم فى التوكيل

الموضوع: عزالعرب عملها يارجاله

LinkBack

أدوات الموضوع

عرض

-

-

-

-

-

-

المواضيع المتشابهه

أي خدمه أو استفسارأخوكم شامي من مبيعات عزالعرب للسيارات

عزالعرب كلامه جر رجل

أرقام مهمة لعملاء عزالعرب و بروتون

عملها و مات

صور Gen2من توكيل عزالعرب في اسكندريه

الكلمات الدلالية لهذا الموضوع

المفضلات

المفضلات

ضوابط المشاركة