الحقيقة التي أغفلها التاريخ حول فلتر هواء السيريون

**MoToRiZeR** · 12-01-2009 11:46 PM

يا جماعة من الأخر السيريون ينفع يركبلها فلتر سبورت ولا لأ ؟

و لو ينفع .. يتركب إزاي ؟ و لو حد عنده صور يبقي جميل أوي.

انا لقيت فلترات عالنت بس للموتور ال 1000 سي سي بس .

يعني عيب الناس اللي لسة هتجيب العربية بالموتور الجديد تركب و إحنا قاعدين كدة .

**أبو عبدالله** · 13-01-2009 12:05 AM

ينفع يا محمود ولكن لازم تشيل العمه بتاعت الفلتر كلها وتحطه على جسم الماتور نفسه علشان ميحصلشي تنفيس للهواء من العلبة
لأن فلتر السيريون الأصلي بيبقى له حواف علشان يفصل بين غطاء العمه والعمه نفسها

اما بخصوص الفلتر بتاع الماتور 1000 سي سي ده
فده خلي بالك تيربو مش عادي لأن هتلاقي وصلات تانيه كده زي الصورة هنا

**NaderNabil** · 13-01-2009 12:10 AM

المشاركة الأصلية كتبت بواسطة أبو عبدالله

ينفع يا محمود ولكن لازم تشيل العمه بتاعت الفلتر كلها وتحطه على جسم الماتور نفسه علشان ميحصلشي تنفيس للهواء من العلبة
لأن فلتر السيريون الأصلي بيبقى له حواف علشان يفصل بين غطاء العمه والعمه نفسها

اما بخصوص الفلتر بتاع الماتور 1000 سي سي ده
فده خلي بالك تيربو مش عادي لأن هتلاقي وصلات تانيه كده زي الصورة هنا

ده مش فلتر يا أبو عبدالله...ده Inter cooler...و ده عامل زي الردياتير بس للهواء...

عشان يبرد الهواء السخن اللي طالع من التربو قبل ما يخش تاني علي الموتور

**MoToRiZeR** · 13-01-2009 12:13 AM

شكراَ علي الرد السريع يا أبو عبد الله!
ده المنتدي 5 نجوم و الله اللي بتعملوه ده يا جماعة

طب بس هوا ده مش غلط إن أشيل العمة و هل ده هيأثر علي حاجة علي المدي الطويل ؟

و لو عندك فكرة أعمل إيه بعد ما أشيلها يا ريت تقولي عشان الصورة توضح أكتر يا أبو عبد الله .

بالمرة اسأل كام سؤال علي السريع .

كنت بفكر أغير لمبات الكشاف الأمامي إلي اللون الثلجي :

1- هل فيه لمبات ذات مواصفات معينة لازم أجيبها ؟
2- ينصح بإيه ؟ و هل التغيير عادي ؟ يعني مش هيسبب مشكلة مع التوكيل مثلاَ ولا دي حاجة صغيرة ؟ و ينفع أعملها في التوكيل ولا لأ !؟
3- فك الفانوس سهل ولا أصرف نظر خالص ؟
4- تعتقدوا ممكن واحد ناصح يوقفني و يقولي ده زينون ؟

و شكراااااا .

اه و نفس الأسألة للمبة الإشارات في الفانوس الخلفي عايز أخليها أبيض .

**bmya** · 13-01-2009 01:45 AM

محمود باشا ابقي تابعنا بالتطورات بتاعت الفلتر اصل انا كمان عايز اركب فلتر اسبور ومش عارف

**askoda** · 13-01-2009 10:49 AM

http://www.youtube.com/watch?v=0_o67...eature=related

Check this video :)

**أبو عبدالله** · 13-01-2009 10:59 AM

سبحان الله

طيب وحد قالك يا محترم ان انا قصدت الكولر ان ده هو الفلتر

اكيد يعني وواضح جدا ان الفلتر تحت العمة اللي مكتوب عليها X4

سبحان الله

شكرا يا نادر
ولكن انا حبيت اوضح لمحمود لأنه قال انه شاف الفلتر الأسبور بتاع الماتور 1000 سي سي
ودي صورة الماتور 1000 سي سي اللي موجوده على النت
لأنه بيبقى تيربوا

وان كنت فهمتني غلط
فمن الواضح ان العمة اللي مكتوب عليها X4 لها مدخلين للهواء واحد مباشر من الهواء وواحد جاي من التيربوا

وشكرا لك يا نادر
وربنا يهدينا