والله الواحد معندوش امل فى البلد دى خالص ... عليه العوض ومنه العوض
عرض للطباعة
والله الواحد معندوش امل فى البلد دى خالص ... عليه العوض ومنه العوض
شافعلاً الموضوع ده مظبوط و منتشراقتباس:
رع الهرم .. من أوله لأخره عشان كنت طالع دائري المعادي
و مرة انا وصحابي خطفنا واحد من دول ( كان عاند اول كازينو على ناصية شارع ضياء )و راميناه عند المسمار
( المسمار ده عبارة عن تبة في نزلة السمان جو الصحرا و عليها من فوق قبر )
حسبي الله ونعم الوكيل في بلد .............
فعلا مصر بدات تخوف
جهل وتسرب من التعليم
ومخدرات واهمال في كل مكان
ورشاوي للركب وفساد مستشري
وعدم تسامح في البيع والشراء
وبلطجية الميكروباص وزحمة
وغياب للدوريات في الشارع
ومستوى مستشفيات واسعاف متدني...وو
:120146b
شباب الحديث الشريف اللي نسمه جايباه واضح و صريح
انا اتعرضت لموقف بايخ من فتره في الشارع و انا مستني خطيبتي تنزلي علشان خارجين
جايه تركب العربيه و ماشيه علي الرصيف قامت جايه عربيه من جنبي فيها اربع بلاوي راكبين و قام الغندور اللي قاعد جنب الشباك معاكسها (مع العلم انها محجبه و لبسها محتشم,يعني عامله اللي عليها اهوه) الدم فار فيا و قمت طالع براسي من الشباك و بأعلي صوت عندي شاتمه شتيمه يستاهلها و سمعت الشارع كله و اول ما ركبت هيا قمت طالع زي المجنون وراهم بس حظهم انهم خدو اول ملف و انا كنت فاكرهم ماشيين علي طول
تفتكرو اني فكرت ولا حسبتها بالعقل؟
لو كنت فكرت او حسبتها بالعقل كنت قلت دول اربعه و انا واحد و انا مش ضرفه باب برضو
بس لازم دايما يكون الواحد عنده حاجات اهم من حياته
تفتكرو البلاوي اللي كانو في العربيه دول هيفكرو يعاكسو واحده ماشيه حتي ببدله رقص في الشارع ده تاني؟!!!
لو فعلا همنا ان الحال ينصلح في كل مكان لازم نبدء و نبطل جبن و سلبيه
اللي يشوف حد بيتسرق يتدخل و يبطل فرجه
اللي يشوف حد بيعاكس بنت يتدخل و يعتبرها اخته او مراته
و علي حس النقطه دي و مادام الشيء بالشيء يذكر فافتكر من شهر او اكتر و انا راجع البيت لاقيت عربيه واقفه جنب بنت عند محطه الاوتوبيس و كان واضح انه بيعاكسها
قمت وقفت ورا عربيته بطريقه خوفته و سابها و مشي و انا كملت طريقي عادي
ارجع البيت اكلم خطيبتي الاقيها بتحكيلي انها و هي راجعه البيت ركبت مكروباص و كان في واحد حيوان قاعد بيتلزق فيها و لما زعقتله قعد يقول انه قاعد عادي و معملهاش حاجه و برضو فضل علي ده الحال و محدش اتدخل خالص من الساده الركاب الا راجل قاعد مع مراته قام زعقله و نهره و قعد هو جنبه و جابها جنب مراته
بجد مبقتش مصدق
و قعدت افكر لو مكنتش حميت البنت اللي في الشارع كان ممكن ايه يحصل لخطيبتي و تأكدت ان اللي بيعمل خير بيلاقيه و ربنا دايما في عون العبد ما دام العبد في عون اخيه
يا شباب انا الموقف ده بتاع السرقه بالاكراه اتعرضله واحد صاحبي و كان كالتالي:
واقف بيسحب فلوس من صراف الي في يوسف عباس عند شركه مدينه نصر باليل دخل عليه واحد بيقوله معاك كبريت فقاله لأ لأنه ميبشربش سجاير
قام قله طيب ايه اللي في جيبك ده و قام حاطط ايده عليه( الموبيل) قالو الموبيل قاله هاته ده لازمني و ساعتها طلعو عليه اتنين كمان
للاسف صاحبي طلع الموبيل و اتاخدت فلوسه و اتضرب ضرب مبرح في وشه و جسمه قبل ما يسيبوه واقع علي الارض و يجرو
انا لما صاحبي حكالي الموقف اتنرفزت عليه لأنه كان لازم يدافع عن نفسه من اول ما الحرامي الاولاني دخل عليه و مسك الموبيل و هو في جيبه
بس هو فضل السلامه و اداهم اللي عاوزينه و سلامته كانت بعد حوالي اسبوع او اتنين لما الكدمات و التورم اللي في وشه و ضلوعه و جسمه راحت
انا عن نفسي مرضاش بكده
يا ريت كلنا نبطل سلبيه و كلمه انا مالي و احنا في الشوارع يا اما بكره هنلاقي الحيوانات دول ملو الشوارع بجد مدام محدش بيقفلهم
والله عندك حق يا دكتور amir سلبية الناس في المواقف دي ليها دور في انتشار السرقة و المعاكسات في الشارع المصري......
ولو الناس فعلا ما خافتش و بقت ايجابية المشاكل دي مش حتبقي منتشرة بالطريقة دي ابدا..... بس للاسف معظم الناس بتقول ( يلا نفسي ) .....