هو مش المفروض ان الحكومه رفعت سعر البنزين علشان ارتفاع سعر برميل النفط عالميا وان ده يا حرام شيء مش بأيديهم :36_6_3[1]:
طيب دلوقتي السعر وصل النص تقريبا
فين حقنا بقي ؟
ولا دي كمان هنفضل ساكتين عليها ؟ :confused:
عرض للطباعة
هو مش المفروض ان الحكومه رفعت سعر البنزين علشان ارتفاع سعر برميل النفط عالميا وان ده يا حرام شيء مش بأيديهم :36_6_3[1]:
طيب دلوقتي السعر وصل النص تقريبا
فين حقنا بقي ؟
ولا دي كمان هنفضل ساكتين عليها ؟ :confused:
يا راجل عيب عليك ده أنا بقول عليك شبراوي يعني فاهم النظام
بلاش تتكلم في الموضوع ده ليغلى
أنا خايف يغلوه ربنا يستر
الله يمسيك بالخير يلي في بالي
عملوا مرة موضوع عن كلام الريس (لا زيادة في أسعار البنزين)
كان له رد جميل
قال (يبقى أكيد هيغلى)
وحصل بالظبط
بيقولك بيلوموا واحد سواق تاكسي راح إسرائيل يسألوه ليه كده؟
قالهم أصل الغاز هناك أرخص من هنا
بس حرام والله انا كنت مظبط نفسي بالعافيه ولما غلي بقيت متسوح
انت عارف بقي ان الواحد لسه طالب ويادوب بيظبط نفسه بالعافيه
لا لا الموضوع مش كده مش ممكن ينزل لسبب بسيط انك مش بتشتريه بسعره العالمي
بعني ببساطة قبل الازمة لما كان برميل البترول ب 100 دولار كان لتر البنزين في المانيا بحوالي 2.7 يورو واليورو وقتها كان ب 8.2 جنيه يعني لتر البنزين ب 22.4 جنيه مصري
دلوقتي سعر اللتر ب 1.6 يورو واليورو ب 7.25 جنيه يعني سعر اللتر العالمي ب 11.6 جنيه مصري.
انت بقي بتدفع كااااااااام؟
معني كده ان نسبة الدعم اللي بتتحملها الدولة من سعره قلت لكن الدولة لسة بتخسر في سعر البنزين وبالتالي مش ممكن ترخصه عن كده
واحد يقولي يا موحا ما الناس في المانيا دخلها عالي ... اقوله لالالالالالالالا
البنزين زي الحديد زي الذهب زي الزيت مواد خام وسلع عالمية سعرها واحد في العالم كله ملهاش دعوة بالدخل يعني انت بتشتري الحديد زي الالماني ما بيشتريه وبالمثل البنزين
هرااااااااااااااااااء
متوسط سعر جالون البنزين في امريكا الايام دي 1.8 دولار (كان وصل 1.5 دولار من اسبوعين )
الجالون فيه 3.78 لتر تقريبا
يعني سعر اللتر تقريبا يساوي 0.47دولار
يعني 2.5 جنيه للتر البنزين في محطات البنزين في اميريكا
علما ان سعر الجالون في امريكا وصل 4 دولار في شهر مايو 2008
يعني اللتر كان وصل عندهم
ل 000000
الحكومة مازالت تدعم البنزين حتى مع أنخفاض أسعار الخام عالميا
كلام الأستاذ موحا موحا مظبوط
بس عايز أقول أن سعر البنزين في أوروبا بيختلف من بلد لبلد بسبب اختلاف سعر الضرائب في كل بلد عن التانية
يعني البنزين في أنجلترا
من 1 جنيه أسترليني إلى 1.5 حسب الأزمة العالمية
و دلوقتي تقريبا هو بجنيه أسترليني واحد فقط
يعني 8 جنيه مصري .........
و محدش يقولي السعودية علشان السعودية حاجة تانية خالص
يا شباب مينفعش الواحد يبصلها كده خالص
عشان البلاد اللي بتكلموا عليها متوسط دخل الفرد عالي جدا فطبعا كل حاجة لازم تبقي عاليه
ممكن نبص علي سعر الهدوم مثلا اديداس ماركه عالميه شوف السعر هنا كام و بره كام بره طبعا بره سعر التيشيرت اضعاف سعره هنا
و ليا ناس قاعدين في امريكا لما بينزلوا مصر بيتهبلوا من الاسعار و بيشتروا بغباء
يا تري مصر برضه بتدعم الهدوم برضه
الاسعار بتبقي علي حسب اولا الاسعار العالميه ثانيا متوسط الدخل عشان بيبقي في تكلفه اجور العاملين و كده غير الضرائب.
قيس علي كده فمينفعش خالص خالص نقول اصل اللتر بره ب 11 جنيه مصري و 8 جنيه مصري
تكلفه البنزين علينا و عليه واحد بس الفرق بيبقي في المصاريف اللي جنب سعر البنزين
غير ان تكلفه النقل بتاع البنزين من الدول العربيه و غير البنزين المحلي تعتبر مختلفه تماما عن بره يعني التكلفه مفروض في مصر اقل كتير جدا
يعني في المعني الحالي ممكن اصلا الحكومه متكونش بتدعم البنزين خالص بعد اسعار البنزين العالميه يا ريت اكون وضحت للشباب
و اكبر مثال لو واحد سافر يشتغل بره هيلاقي نفسه مثلا بياخد 15000 جنيه مصري و فرحان ورايح جاري عشان يشتغل بره و تلاقيه اخر الشهر صارف بتاع 12000 جنيه علي ايجار الشقه و الاكل و خلافه المعيشه بره غير هنا خالص
و السلام ختام
في النهايه لازم نعرف ان السعر هنا وبره واحد الفرق في مستوي المعيشه للفرد الواحد
طيب لو قلنا أن الحكومه لسه بتدعم البنزين ... هل زيوت السيارات الحكومه بتدعمها برضه ؟ لا أعتقد .
يعنى الزيت كان ال عبوه 4 كيلو موبيل 1 من 4 سنين ب 100 ج النهارده ب 250 جنيه ؟ مش دى مشتقات بترول يعنى على الأقل لازم ترخص مع أسعار البترول
ياتري نقدر مانشتريش بنزين لمدة أسبوع واحد فقط ؟؟؟؟؟
و نشوف بقي ساعتها أيه اللي ممكن يحصل
بفرض انه حصل مش حياثر ادني تاثير
يا سلام ده ما حب علي قلب الحكومة انك تعمل كده حتي توفرلهم شوية يا اخي
اللي حيتضر اصحاب المحطات والعاملين الغلابة اللي فيها بس
ومتنساش ان مصر بتستورد البنزين لان معندناش مصافي نفطية تكفينا
وبنستورد السولار ووقود الطائرات والديزل والمشتقات الخفيفة بوجه عام
البترول ومشتقاته خامات وسلع عالمية ثابتة القيمة ولا تتغير بتغير الدخول
لكن بعض البلاد منخفضة الدخول ومستوي المعيشة بتدعمها علشان تبقي في متناول المواطن
يعني لو مفيش دعم حضرتك حتركب التكسي من التحرير لرمسيس بحوالي 150 جنيه
وحتبقي تذكرة المترو بحوالي 30 جنيه زي اوروبا
والحكومة لما بتحسبها بتلاقي انها لو شالت الدعم حتضطر ترفع المرتبات للمستويات الدولية وبما ان معظم الناس (6 مليون) بيشتغلوا عند الحكومة وزيهم في الوزارات حتلاقي نفسها اتكلفت اكتر بكتير من قيمة الدعم
وبالتالي تقدر تقول ان الحكومة بتعمل كده علشان معندهاش حل تاني مش علشان سواد عيونا
كلامك مضبوط بالنسبة للزيوت
بس هو عمرك شفت في مصر أي حاجة ... أي أي حاجة، سعرها بينزل (غير الطماطم طبعا بقي الكيلو بجنيه الأسبوع ده)
دي أتجاه عام في السوق المصري، المصنع أو المورد اللي بيطرح بضاعة في السوق لما بيرفع التمن لايمكن ينزله تاني ، لانه مدم المستهلك رضي يشتريه بالسعر ده بيقي أنزله تاني ليــــــــــه ؟؟؟!! و رد فعل المستهلك السلبي جدا خلي المصنعين أو الموردين يعملو "رباطية" علينا زي ما بيحصل في الأسمنت و خلافه ...
و طبعا الجمارك و الرقابة علي الصادرات عاملين "مانع" للمنتج الأجنبي "الشرق أسيوي خاصة" أن ينزل ينافس في السوق براحته
يعني لا يرحموا .. ولا يسيبوا رحمة ربنا تنزل
لكن بالنسبة لموضوع دعم الطاقة ده حقيقي .. وكمان الغاز الطبيعي و أسطوانات البوتجاز مدعومة ... و للأسف الناس بتسئ أستخدام الحاجات دي ، عندك مثلا ناس بتسيب البوتجاز مولع طول النهار عشان يدفي البيت بدل الدفاية بحجة ان الغاز ارخص من الكهرباء .. و كمان بتوع رش الدوكو اللي بيستخدموا ضغط انبوبة البوتجاز بدل اسطوانة الكومبرسور
و ربك يصلح الحال
زيوت السيارات مش كلها مشتقات بترولية
كثير منها تخليقية كيماوية ملهاش علاقة بالبترول اصلا زي موبيل 1 وشيل الترا وغيرها كتير
وفي جيل تاني هجين او خليط جزء بترولي وجزء تخليقي
والجيل القديم زي منتجات التعاون وغيرها بترولية المنشا لكن بيضاف ليها اضافات تانية والاضافات دي هي اللي بتشكل الفارق بين منتج واخر وبتخلي نوع يعيش جوة الموتور مدة اكتر من التاني
زيوت المحركات البترولية المنشأ تستوردها مصر في شحنة واحدة لكل الشركات
يعني بتاع موبيل وشل والتعاون وغيره وغيره من نفس الشحنة ونفس المركب ويمكن نفس التنك كمان
انما كل شركة لها سر صنعتها في نوع ونسب الاضافات اللي بتستخدمها لرفع كفائة الزيت وتحديد خواصه
والاختلاف في السعر راجع اساسا لعاملين
1- نوع وتكلفة تلك الاضافات
2-الماركة واسم الشركة المنتجة اللي احيانا بيكون له تمن كبير زي حالة موبيل 1