ممكن حد يفهمنى ايه اللى حصل بالظبط؟

**muslimah_dentist** · 14-01-2009 05:11 PM

السلام عليكم و رحمة الله و بركاته

أنا معايا ماروتى 2009 و عملت بيها حوالى 670 كيلو يعنى لسة ماوصلتش لصيانة الألف كيلو ، امبارح و أنا بأدورها لقيتها بعد ما سخنت عمالة تكركر و صوت غريب فيها فتحت الكابوت أشوف أى حاجة غريبة لقيت كل حاجة طبيعية ، النهاردة و أنا نازلة عشان أروح الشغل سخنتها و احاول أمشى بيها كل شوية عمالة تفصل ، تشتغل ثوانى و تفصل لوحدها ، المهم رحت ألحق زوجى قبل ما يروح الشغل يشوفلى فيها ايه فقالى : تقريبا البوجيهات عايزة تتغير و طبعاً العربية مركونة دلوقتى قدام البيت لأنك ماتعرفش تتحرك بيها متر لأنها كل شوية بتفصل.

ممكن يكون ايه بالظبط اللى حصل ، مع العلم انها لسة على الزيرو و لسة مامشتش بيها ألف كيلو حتى.

أرجو انكم تفيدونى

و جزاكم الله خيرا

**noni67** · 15-01-2009 08:10 AM

ما تقلقيش ما فيش حاجه جامدة ان شاء الله الموضوع ان البوجيهات عايزة تتنظف او الاحسن تتغير فيها رطوبة من الشحن البحرى
أتصلى بمودرن موتورز هيبعتوا لك عربية الصيانة المتنقلة تعملهالك تحت بيتك
وما تقلقيش دى عربية ممتازة مع مراتى من 2007 وماشية بيها 55 الف والحمد لله ولا الهوا

**muslimah_dentist** · 15-01-2009 10:34 AM

طيب أنا من الاسماعيلية أتصل بيهم هيجولى مخصوص و لا أوديها لأى ميكانيكى ..و لا ايه بالظبط.

**muslimah_dentist** · 15-01-2009 10:47 AM

يا ريت حد يرد عليا يا جماعة قبل ما أوديها للميكانيكى.......

**Islam_galal** · 15-01-2009 11:23 AM

السلام عليكم

لو حييجوا للإسماعيلية من القاهرة حتبقي التكاليف كبيرة بينما ميكانيكي عادي أو أي حد بيفهم شوية يقدر يغير البوجيهات
لو الميكانيكي قال علي حاجات أكتر من البوجيهات أو تغيير طقم كهرباء يبقي بلاش الميكانيكي يكمل و عليكي و علي التوكيل

**muslimah_dentist** · 15-01-2009 11:33 AM

طيب ممكن أسأل سؤال تانى ؟

معلش أنا لسة بأحاول أفهم فى ميكانيكة السيارات عشان أكون فاهمة عربيتى كويس ، هى البوجيهات ايه اللى بوزها أصلاً و أنا الحمد لله بأسوق من خمس سنين يعنى مش أول عربية أسوقها .

و جزاكم الله خيراً على ردوردكم و تواصلكم

**Islam_galal** · 15-01-2009 11:53 AM

بتكون مرطبة و ده مالوش علاقة بطريقة القيادة

**M.Mokhtar** · 15-01-2009 03:12 PM

معلش انا عايز استفسر عن حاجة
هى بتنتش منك ولا بتكركر؟؟؟
اصل فى فرق

لو بتحسيها بتفصل منك وترجع عادى تانى يبقى كده كهربا الى حد بعيييد
بتكركر يبقى كهربا او بنزين
اخبار البنزين عندكوا ايه؟
مايمكن اخر مره مونتى بنزين كان مضروووب؟؟؟

**muslimah_dentist** · 15-01-2009 07:01 PM

لأ هى بتكركر

هى بتفصل و مش بترجع تانى الا لو دورت العربية

أنا بأمولها بنزين 90

و قبل ما يحصل الموضوع ده فعلاً كان زوجى لسة مفولها بس من نفس البنزينة اللى علطول بنمول منها

أنا بصراحة مستنية زوجى يجى و يأخدها للميكانيكى عشان نعرف هى فيها ايه بالظبط

و جزاكم الله خيراً على ردودكم

**M.Mokhtar** · 16-01-2009 01:42 AM

اعتقد عيب بنزين

الموضوع: ممكن حد يفهمنى ايه اللى حصل بالظبط؟

LinkBack

أدوات الموضوع

عرض

ممكن حد يفهمنى ايه اللى حصل بالظبط؟ - انشر الموضوع فى :

-

-

-

-

-

-

المواضيع المتشابهه

حد يفهمنى موضوع الزيون اللى ب 1200 جنيه دة

ممكن حد خبير يفهمنى

ارجوكم حد يفهمنى ايه اللى حصلى دة؟

الكلمات الدلالية لهذا الموضوع

المفضلات

المفضلات

ضوابط المشاركة