أيه هل كل عيوب بيجو 305 ؟؟ ياريت ذكرها بصراحة
السلام عليكم
أخواني الكرام
أنا من فتره و انا عايز أشتري عربيه بحدود 16 ألف جنيه بحد أقصي
و قدامي عربيات كتير في الرينج ده أهمهم الفيات و البيجو
أنا نفسياً مبحبش الفيات !
و شد انتباهي بيجو 305 لعدة أسباب أهمها الاسم كفايه انها من شركة بيجو . ثانياً الشكل و الامكانيات مقارنة مع الفيات
بالنسبه لقطع غيارها فيه ناس قالتلي انها غاليه . انا قلت مش مشكله لأنها بتبقي قطع غيار معمره . يعني مش كل شوية هبقي عند الميكانيكي و ده اللي انا بدور عليه (راحة البال)
و في نفس الوقت فيه ناس بتذم في العربيه .. فانا متحير
فياريت الكل يذكرلي عيوب بيجو 305
خاصة اني قدامي عربيتين واحده 305 موديل 79 معدله تابلوه تياره و كراسي تياره و 5 عجلات تيوبلس و امكانياتها حلوه بحدود 16 ألف
و فيه واحده تانيه 305 موديل 80 بس عاديه مفيهاش تابلوه تياره ولا كوتشات تيوبلس و بحدود 15 ألف
فعايز رأيكم برده
و شكراً :) ،