الموضوع: أيه هل كل عيوب بيجو 305 ؟؟ ياريت ذكرها بصراحة

موتور بالعرض
سحب مش جر يعنى على كبالن

العربيه كأداء ممتازه وأعطالها قليله لكن قبل ما تشتريها لازم تعمل حسابك على ما يلى :
1- العربيه دى بتتعب أى حد يبخل عليها يعنى ماتستخسرشى فيها حاجه اديك مثال احتجت ليها جنوط استيراد لقيتها بسعر 170 الواحد جبتلها ثلاثه انضبطت تمام - والكاوتش جايبه بريدج ستون وتجنبت الانواع الرخبصه وصدقنى بيفرق جامد - المثال الاخر لما حبيت اعمللها عمره موتور جبت القطع الاصلى وعملتها عند احمد عماره فى عين الصيره
2- لازم تعمل ليها صيانه عند واحد متخصص بيجو بيفهم فيها لان اى ميكانيكى موش متخصص يلعب فيها هيبوظهالك وهتتعبك
3- لازم تعرف حته قريبه تجيب منها قطع الغيار الاستيراد لان فيه حاجات موش هتقدر تجيبها جديده مثل الديتامو والمارش وقواعد الفوانيس
لكن اطمنك العربيه ممتازه وفى راىى انها افضل من اللادا والشاهين اللى على الزيرو

أشكرك أخي aymansaad

طيب هي فيه مشكلة لما الماتور يكون بالعرض ؟ و تكون العربيه سحب أمامي ؟
مع ان علمي ان اكتر العربيات الجديده حالياً كلها سحب أمامي


أخي hesham_shousha

أشكرك كثيراً ردك طمأني .. طيب هل هناك فعلاً مشاكل بالموتور بتاعها كعيوب تصنيع ؟ بتسبب فيما بعد ان الموتور يبوظ و تحتاج تعمله عمره و ده حل مؤقت ؟
لأن فيه أخ عزيز نصحني و قالي ان موتورها فيه عيب تصنيع و هيقرفني فيما بعد

فأنت ايه رأيك ؟

انا معايا واحده موديل 79 أهم نقطه فعلا إنك ما تبخلش علي العربيه بحاجه العربيه أكتر من ممتازه سواء في السحب أو في الراحه وقت السواقه الموتور الي بالعرض رخم شويه في الوصول للقطع زي المارش والدينامو
وكمان عشان الموتور بالعرض فيبان إن حوض العربيه ضيق هيه علي عكس ال 504 الدفع خلفي وموتورها بالطول وكمان بسوست ورا

ال 305 زي كل العربيات الجديده سحب أمامي وموتورها بالعرض ومن غير سوست شكلها بيكون مش حلو من ورا
أهم حاجه إن يكون الصنايعي الي هشيتغل ف العربيه فاهم في البيجو كويس وبإذن الله ما تقلقش إنما الموتور جميل ولما بيتزبط العربيه ما بيكونش لها صوت خالصصصصصصص وسحبه جميل جدا بالنسبه لقطع الغيار فهي قليله فعلا شويه بس بتكون أصليه أو إستعمال خارج فما تقلقش منها طول ما إنت محافظ علي العربيه هتحبها كل يوم أكتر من الي قبله
أنا من رأيي هات الي ب 16 ألف لو هيه فعلا نظيفه وتوكل علي الله إنت الي كسبان بإذن الله

أشكرك جداً أخي kzizo .. ردك ريحني جداً

لو ممكن الايميل بتاعك ترسلوهولي علي الخاص لو عندك وقت ندردش شوية بخصوص الموضوع ده

الموتور مافيهوش عيوب تصنيع - العربيه معايا من سنه 84 والموتور مافيهوش عيب ده موتو بيجو
الموتور على العكس ممتاز سير الكاتينه مثلا جنزير مابيتغيرشى خالص
ماشتكيتشى مره من المشاكل اللى بيشتكى منها السيارات المثيله زى مثلا ضرب جوان وش السلندر
كمان العربيه عمرى ماشتكيت من زوايا العجل أبدا طول السنين دى وبعد ماركبت الثلاث جنوط اللى قلتلك عليهم ورصصت الدركسيون ماعدشى بيتهز وبقت 100%
قطع الغيار معمره حتى لو لم تكن أصليه
أخيرا أوأكد لك عشان ترتاح معاها لازم يكون عندك إستعداد تصرف عليها وماتخليش أى ميكانيكى يلعب فيها الا لو كان متخصص
رأىى إن شكوى الناس من العربيه دى راجع لإن ثمنها رخيص وبالتالى اللى بيشتريها غالبا بيكون على قده ومعندوش إمكانيه يصرف عليها وبالتالى بيروح لاى حد " يمشيهاله وخلاص " والأسلوب ده فى الصيانه يبوظ العربيه دى وتبدأ المشاكل
أنا بصرف على العربيه لإنى موش باحط فى دماغى هى سعرها كام لكن باحط فى دماغى مستوى الأداء اللى بتوفرهولى والعربيه صالونها جميل جدا وواسع ومريح وياريت تقارنه بعربيات كتير مماثله لبها

انا عايز اعرف احمد عمارة دي فين بالضبط ان امكن
وشكرا

أشكركم جداً جداً جداً ، أان اشتريت العربيه الحمد لله .. ما شاء الله حاجه ممتازه جداً . صليت صلاة استخاره و الحمد لله اخترتها .. العربيه قوية و ثبات قوي و امكانيات أجمل ، و صالون وااااسع