صيانة اللادا

**saber2000** · 15-01-2009 03:14 AM

اشكركم جميعا مقدما انا عندي لادا 2105 وعملتلها صيانة كهربا عند كهربائي ممتاز وعايز اعملها صيانة ميكانيكا ياريت حد يقوللي صيانة ميكانيكا يعني يعمل اية بالظبط ويشيك علي اية
ارجوكم يا اصحاب الخبرة

**H.ibrahim** · 15-01-2009 05:46 PM

اولا: اهلا وسهلا بيك معنا فى منتدى اللادا .
ثانيا :
1-غسيل الموتور من الداخل ( بموتور فلاش - فى البنزينة )
2- تغيير فلتر الزيت و زيت الموتور .(البنزينة )
3-تغيير فلتر البنزين .(الميكانيكى )
4-تنظيف الكرباتير بالكامل و تغيير فلتر الهواء .(الميكانيكى )
5-ظبط التكيهات للموتور .(الميكانيكى )
6-الكشف على سير الكتينة و الشداد سير الكتينة ومجموعة السيور بالسيارة ( وان كنت افضل تغييرمجموعة السيور علشان ميحصلش موقف غلس لا قدر الله )(الميكانيكى )
7- الكشف على زيت الباكم الخاص بالدبرياج و الفرامل و مراجعة الخراطيم الموصلة منهم واليهم .(الميكانيكى )
8- الكشف على زيت الفتيس و تزويده اذا احتاج الامر ( البنزينة )
9- الكشف على زيت الكروونة و تزويدها اذا لزم الامر ( البنزينة )
10- الكشف على تيل الفرامل الامامى و الخلفى و تغيرهم اذا لزم الامر (الميكانيكى )
11-تغيير البوجيهات والابلاتين والكوندنسر و ضبط كهرباء الموتور مع نوع البنزين المستخدم . (الميكانيكى )
انا عملت كده مجرد ما اشتريت العربية علشان اكون مرتاح نفسيا و لا اضطر الى الاتصال بالميكانيكى فى اى وقت الا للضرورة القصوى و ربنا يبارك لك فيها باذنه تعالى و اهم حاجة للعربية هى المتابعة فى الصيانة .
ارجو المعذرة لطول المداخلة و ارجو ان يستكمل باقى الاعضاء و الخبراء النقص ان وجد .
و تقبل تحياتى .

**محمد جلال** · 15-01-2009 07:22 PM

الكلام ده 10/10

**saber2000** · 17-01-2009 01:03 AM

اشكرك جدا علي التوضيح الرائع وفاضل حضرتك تقوللي صيانة الميكانيكا دي تكلف كام تقريبا مش لازم بالتحديد بس تقريبا كام
ولما اغسل الموتور في البنزينة اوديها للميكانيكي علطول ولا استني يوم لما تكون نشفت
وفين احسن قطع غيار ليها وباسعار كويسة
انا طولت عليك واسف ولكن ربنا يكرمك والله انتة انسان كلك عطاء وجدعنة