عربيتي الكرولا-2007

**أبو عبدالله** · 03-09-2007 08:44 PM

ربنا يعطيك خيرها ويكفيك شرها امين ان شاء الله

جميلة ما شاء الله ربنا يباركلك فيها

**fahd_628** · 05-09-2007 03:40 AM

الف الف مبروووووووووك على العربية و بالعكس انا شايف ان الحتت النيكل الى على الفوانيس جامدين جدا جدا جدا و الفرش برضة على الطبيعة جميل جدا جدا غير فى الصور اصلى شفت لانسر قبل كدة عاملة نفس لون الفرش و كان رائع بصراحة

الف مبروووووووووك تانى مرة و ربنا يحفظهالك

**Sharky** · 05-09-2007 02:10 PM

أخى كريم الف مبروك على العربية و ربنا يبارك لك فيها

1- الوشوش النيكل اللى انتا حاططها حوالين الفوانيس الأماميه و الخلفيه شكلها مش قد كده و أعتقد عدم وجودها أفضل .

2- لون الفرش الداخلى ( النبيتى ) غير متلائم إطلاقا مع العربيه .

دى بتيقى أذواق ياباشا يعنى فيه ناس بتحبها و فيه ناس مابتحبش تحطها
لولا إختلاف الأذواق لبارت السلع

**Karim_Monir** · 16-09-2007 11:04 AM

المشاركة الأصلية كتبت بواسطة oshy

الأخ الأكبر كريم منير ليا تعليقين على عربيتك :-

1- الوشوش النيكل اللى انتا حاططها حوالين الفوانيس الأماميه و الخلفيه شكلها مش قد كده و أعتقد عدم وجودها أفضل .

2- لون الفرش الداخلى ( النبيتى ) غير متلائم إطلاقا مع العربيه .

و الله أنا بقولك كده عشان لو دى كانت عربية أخويا الكبير كنت قلت نفس الكلام وانا بعامل الجميع هنا على انهم اخواتى الكبار و ياريت متكونش زعلت منى

بس و الله العربيه عامة هايله و ربنا يديلك خيرها و يكفيك شرها ..

شوف يا اوشي انا لا ازعل من النقد اطلاقا طلما نقد بناء مش هادم
هيا فعلا حتت اذواق بس انا اقولك
النيكل بتاع الفوانيس لو على لون عربية غامقة زي الكحلي والاسود بحسه بيئة جدا
لكن مع عربية فضي مفيش كونتراست عالية لكن ماتشينج نيكل وفضي
اما الفرش لو كنت شوفت العربية الفولكس EOS في اتوماك اللي فات كنت عاتعرف قصدي ولو شوفتها في الشارع اقف جنبها اتفرج عليها وانت تعرف قصدي
العربية بتبقي فضي ودواخلها كلها رمادي زي عربيتي والفرش بتاعها نفس درجة اللون النبيتي اللي انا عاملة او بمعني اصح قلدتة منهم
بعد كدة شوفت بيتلز كابرولية عاملة نفس الفرش وعربيات تانية كتير
وفي النهاية احييك على رايك بس هيا مسالة اذواق فعلا
زي ماتشوف واحد صاحبك لابس كرافت على بدلة مش عاجباك وتقول ايه القرف ده يكون هو جايبة مثلا من بير كاردان وتكون اخر موضه نزلت
صباح الخير

**Karim_Monir** · 16-09-2007 01:25 PM

يا نهار ابيض يا عم انا مقدرش على الكلام الحلو ده
أخجلتم تواضعنا
لما تنزل مصر لازم اشوفك ولو مش فاضي اقدم استقالتي واجي اظبطلك العربية بنفسي
بس ما تنساناش في بغبغان زنجباري كدة ولا فهد صغير بيدو يلعب بيه :lol: :lol: :lol:
اما عن كنزي ده انا اظبطهالك واوديهالك لحد البيت احنا يكفينا فخرا مناسبة حضرتك

**amrtalaat** · 16-09-2007 08:03 PM

كريم باشا سؤال لو سمحت........
الديفيدى اللى مكان الشماسة (ماشاء الله تحفة) هومنين وبكام وهل منه أنواع وإمكانيات وكدة ولا هو نوع واحد؟؟؟
أسف انا بتقل عليك بس دة لثقتى فى إختياراتك....
وربنا يباركلك

**amrtalaat** · 24-09-2007 02:23 PM

كريم باشا سؤال لو سمحت........
الديفيدى اللى مكان الشماسة (ماشاء الله تحفة) هومنين وبكام وهل منه أنواع وإمكانيات وكدة ولا هو نوع واحد؟؟؟
أسف انا بتقل عليك بس دة لثقتى فى إختياراتك....
وربنا يباركلك