قوائم مقاطعة المنتجات الأمريكية و الصهيونية ( منقول للإفادة )

**مؤمنة** · 19-01-2009 01:13 PM

جزاك الله خيرا

**r0xer** · 19-01-2009 01:39 PM

انا كمان مقاطع الحمد لله من سنة ونص. أحيانا بتزنق في منتجات امريكية ولكن بحاول قدر المستطاع ملجألهاش غير في الطوارئ وعدم وجود البديل.

عاشت المقاطعة.

**احمدعبدالعزيز** · 20-01-2009 01:42 PM

المشاركة الأصلية كتبت بواسطة مدحت منيب

اضف لقائمة البنوك الامريكيه : سيتى بنك

طبعت القائمه لاحتفظ بها فى جيبى فى تحركاتى

و شكرا

انا كمان طبعت القائمة

**r0xer** · 20-01-2009 03:32 PM

هو مش سيتي بنك ملك للوليد صحيح ولا انا معلوماتي خاطئة؟

**casperinoo** · 05-02-2009 01:41 AM

المشاركة الأصلية كتبت بواسطة Demirell

أنا عاوز بس أحكي على حاجة غريبة حصلت معايا من كذا سنة عشان نبقى عارفين اللي بيحصل في بلدنا واحنا مش دريانين أو دريانين ومطنشين!
من كام سنة كنت في جنينة مول ورحت لمحل هدايا هناك أجيب حاجة...لقيت في الفاترينة دبدوب كبير شكله جميل جدا وعجبني قوي قمت داخل وسألت الراجل على سعره قاللي بستين....رحت مطلع الفلوس ومديهاله وأخدته على طول من كتر ما كان عاجبني!
المهم لما روّحت جيت أبص عالتيكت اللي متعلق فيه لقيت الكلام اللي مكتوب فيه بالعبري! طبعا أنا ما صدقتش وقلت يمكن تكون دي أي لغة تانية...فضلت بتاع ربع ساعة أدقق في الكلام والحروف اللي مكتوبة انما في الآخر الكتابة للأسف طلعت فعلا بالعبري!
طبعا أنا صعقت.....أنا كنت زمان لما بسمع ان اسرائيل بتحاول تهرّب بضايع ليها بطريقة مستترة للبلاد العربية ما كنتش بصدق...انما ساعتها صدقت بعد ما شوفت بعيني
والكلام ده كان في أواخر 2002 قبل ما يعملوا اتفاقية الكويز والاختراعات العبقرية بتاعت شيمون بيريز دي! طبعا الواحد ممكن يتخيل الوضع دلوقتي بقى عامل ازاي!
وبما ان الشيء بالشيء يذكر...فا مرة (من كام شهر) كنت قاعد ومشغل البرنامج الأوروبي في الراديو فا لقيتهم راحوا ذايعين أغنية لمغنّي اسرائيلي كنت سمعتها بالصدفة عالنت قبل كده...
ولا تعليق!

في البيت عندنا كانو شاريين هدوم وكانت خامتها عاديه جدا المصري الجيد افضل منها..قولت ابص علي التكيت لقيتmade in israelطبعا خدتها ورجعتها..صاحب المحل بيقولي ليه يافندم..مسكتهاله من التكت وقولتله مبتعملش مع اليهود

...
اتكتم واداني الفلوس