لسة شارى بيتل 1965 من اسبوع و عندى شوية استفسارات

**ahit** · 22-01-2009 02:59 AM

السلام عليكم و رحمة الله و بركاته

أهلاً و سهلاً بيك عضو جديد فى جماعة و أعضاء البيتل
و مبروك العربية مرة ثانية و ربنا يباركلك فيها
طبعاً البيتل من العربيات القديمة اللى تثق فيها جداً و تعتمد عليها و الحمد لله , و كمان من العربيات اللى ممكن تعدل و تغير و تلعب فى شكلها الداخلى و الخارجى بسهولة و كمان يبان عليها جداً و تلفت النظر حتى لو كانت فابريكة بس نظيفة.
و أتمنى إنك تراجع مواضيعنا و تشاركنا فيها و بمواضيع جديدة إن شاء الله .
و دا لينك للمقابلة القادمة إن شاء الله و نتمنى تواجدك معانا:
http://www.nilemotors.net/Nile/showthread.php?t=55840

و دا لينك لمواضيع البيتل مجمعة :
http://www.nilemotors.net/Nile/showthread.php?t=53757

و شكراً

**ihab** · 22-01-2009 09:14 AM

الف مبروك العربية
ربنا يديلك خيرها و يكفيك شرها ان شاء الله

**amo400** · 22-01-2009 07:25 PM

انهاردة عملت شوية صيانة هابقة احكيلكم عليها بالتفصيل و لا كد كده هانتقابل الجمعة

**ahit** · 22-01-2009 08:13 PM

المشاركة الأصلية كتبت بواسطة amo400

انهاردة عملت شوية صيانة هابقة احكيلكم عليها بالتفصيل و لا كد كده هانتقابل الجمعة

إن شاء الله نتقابل الجمعة القادمة يا أيمن باشا
بس المهم تحكيلنا اللى عملتو بالتفصيل علشان كلنا نستفيد بردو

شكراً

**amo400** · 29-01-2009 09:26 PM

شغل امبارح والنهاردة غيرت تيل الفرامل الخلفى و خرط الطنابير و بقى عندى فرامل اخيرا و الحمد لله و ظبت فرامل اليد و بطلت تخبط و غيرت الكاربراتير و غيرت بوجيهين و ركبت كاسيت و اربع سماعات و جبت معطر يعنى خلاص العربية بقت جاكوار

**ahit** · 30-01-2009 03:03 AM

المشاركة الأصلية كتبت بواسطة amo400

شغل امبارح والنهاردة غيرت تيل الفرامل الخلفى و خرط الطنابير و بقى عندى فرامل اخيرا و الحمد لله و ظبت فرامل اليد و بطلت تخبط و غيرت الكاربراتير و غيرت بوجيهين و ركبت كاسيت و اربع سماعات و جبت معطر يعنى خلاص العربية بقت جاكوار

السلام عليكم و رحمة الله و بركاته

ربنا يباركلك يا أيمن باشا فى عربيتك و فى اللى عملتو فيها.
و لكن إحنا بردو عاوزين نعرف ليه عملت الحاجات دى ؟ و عند مين ؟ و التكلفة ؟ و النتيجة ؟

معلش أسألة كتير بس الهدف منها توضيح سبب المشاكل و الصنايعية اللى تعاملت معاهم و التكلفة عشان كل الأعضاء تستفيد و يكون عندهم معلومات كاملة.

جزاك الله خيراَ

**amo400** · 31-01-2009 09:15 PM

تيل الفرامل و خرط الطنابير بــ60 جنيه و 40 جنيه تركيب يعنى 100 جنية سماعات 600 وات من غير جى ام [[320 جنيه و كاسيت جالى هدية [[ 1000 جنيه و سماعات شماسة [ 120 جنيه اما فرامل اليد كانت بتخبط و انا ماشى بتعمل صوت تخبيط و دلوقتى خلاص بقيت كويسة تركيب الكاسيت و السماعات 100 جنية بس يستهلهم الواد جن خرج السلك من الكبوت قصدى الشنطة ما يتشفش و عمل علبة بلاستيك للكاسيت يبات فيها و عمل صندوق خشب للسماعات و ربط الطفاية على الرف الخلى و عملت الرف احمر و الطفاية حمرا بقى الشكل جامد جدا مع السماعات السوداء عشان المرور وقفنى و قالى الطفاية لازم تكون فى متناول يديك لحسن تبقى مخالفة اخوزيا احمد دلوقتى بيجهزلى حجات لما تخلص هاتعجبكم قوى

اولا : علبة بغطاء بلاستيك سمك 1 سم للبطارية حماية تامة للتلامس و مية النار و لها مكان خروج الكابلات

ثانيا : تكملة التابلوه بلاستيك و به مكان عدادت ار بى ام و سرعة و بنزين و درجين صغيرين و مكان كوب شاى و درج يتسحب يتحط علية الاب توب مفتوح و يكون فى امان

ثالثا : كساحات امامية و خلفية بلاستيك 2 سم هاتعجبكم جدا لما تخلص و اصورهالكم

رابعا : المظلة الخلفية الى فوق كبوت الماتور عشان المي ماتخشش جوه ساعة الغسيل

خامسا : كل الحجات ديه انا جبتله صور ليها من على النت اول ما يخلص الحجات ديه و تشفوها هاقولكم تكلفتها كام

**ahit** · 31-01-2009 09:21 PM

المشاركة الأصلية كتبت بواسطة amo400

تيل الفرامل و خرط الطنابير بــ60 جنيه و 40 جنيه تركيب يعنى 100 جنية سماعات 600 وات من غير جى ام [[320 جنيه و كاسيت جالى هدية [[ 1000 جنيه و سماعات شماسة [ 120 جنيه اما فرامل اليد كانت بتخبط و انا ماشى بتعمل صوت تخبيط و دلوقتى خلاص بقيت كويسة تركيب الكاسيت و السماعات 100 جنية بس يستهلهم الواد جن خرج السلك من الكبوت قصدى الشنطة ما يتشفش و عمل علبة بلاستيك للكاسيت يبات فيها و عمل صندوق خشب للسماعات و ربط الطفاية على الرف الخلى و عملت الرف احمر و الطفاية حمرا بقى الشكل جامد جدا مع السماعات السوداء عشان المرور وقفنى و قالى الطفاية لازم تكون فى متناول يديك لحسن تبقى مخالفة اخوزيا احمد دلوقتى بيجهزلى حجات لما تخلص هاتعجبكم قوى

اولا : علبة بغطاء بلاستيك سمك 1 سم للبطارية حماية تامة للتلامس و مية النار و لها مكان خروج الكابلات

ثانيا : تكملة التابلوه بلاستيك و به مكان عدادت ار بى ام و سرعة و بنزين و درجين صغيرين و مكان كوب شاى و درج يتسحب يتحط علية الاب توب مفتوح و يكون فى امان

ثالثا : كساحات امامية و خلفية بلاستيك 2 سم هاتعجبكم جدا لما تخلص و اصورهالكم

رابعا : المظلة الخلفية الى فوق كبوت الماتور عشان المي ماتخشش جوه ساعة الغسيل

خامسا : كل الحجات ديه انا جبتله صور ليها من على النت اول ما يخلص الحجات ديه و تشفوها هاقولكم تكلفتها كام

ربنا يباركلك فيها إن شاء الله
بس عاوزين صور مع الشرح بردو عشان تكمل جميلك فى المعلومات دى.
و مستنيين الجديد بالصور و التكلفة بردو

شكراً