الموضوع: أمثلة على تهجيص بتاع شركات تقفيل العربية في مصر و يا ريت إلي عندو أمثلة يزود

المشاركة الأصلية كتبت بواسطة SuccessCre8or

With all your respect, what've mentioned is not NEWS

Car dealers here, in Egypt, have greater profit margins than those of drug dealers!!

Thanks :)

يا سيدي الفاضل إنت فهمت الغرض من الموضوع غلط ، أنا عندي أماكن تانية خالص عشان إللي أقوله يكون أخبار تكسر الدنيا والناس تصفق لي .

إللي أنا فهمه إن المنتدى دة مكان عشان نفيد بعض و نعلم بعض . و أنا اتعلمت من مواضيع كتير و في مواضيع تانية أنا شفتها مش أخبار جديدة أو تكسر الدنيا ومع ذلك اتعلمت منها برضه .

دة كان غرضي من الموضوع دة ولو أنا حققته مع فرد واحد بس أنا راضي و لو مع أكتر من فرد يكون بركة وفضل من الله .

و أنا قلت لو الناس حاسة إن الموضوع ملوش لازمة ممكن إطلب من الإدارة تمسحه بس أنا شايف إن في ناس استفادت و أنا كمان استفدت .

و لو المعلومة اللي بقولها غلط أكون برضه استفدت أني أصحح معلوماتي و كسبت أصدقاء جدد محترمين كلموني على الخاص .

ممكن حضرتك تقوللي إيه الفايدة من كلامك لهذا الموضوع. دة غير إن كلامك غلط إن تجار العربيات بيكسبوا أكثر من المخدرات . في تجار ممكن يكونوا محترمين برضو بس الطمع زايد عندهم شوية وإحنا بنطالب بتصحيح الأوضاع مش بنطالب بتخريب بيوت الناس . التاجر اللي حاسس إن احنا مش من حقنا كدة هو حر برضو بس حيخسر فلوسه لما الوعي يزيد .إيه تأثير كلامك على الوعي العام في هذا الموضوع اللي أنا عملته عشان كلنا نستفيد .

يا ريت الزملاء يعرفوا إن مش معنى أني مأدب (من قبل مئسافر كندا) أو أني عايش في كندا أني غلبان أو معرفش أرد أو أني ضعيف . أنا مصري وأبويا مصري وصعيدي كمان .

يا ناس خلنا مركزين على هدفنا الرئيسي وهو اننا نفيد بعض . اللي موضوع مأفدهوش أو شايف إنو مش هيقدر يفيد يشوف موضوع تاني يفيد سهلة أعتقد . دة أفضل كتير من أنك تخش على الموضوع وتقول دي مش أخبار جديدة مدام في ناس تانية شايفة أنها جديدة أو بتتناقش فيها .

لو هي واضحة جداً أنها مش جديدة كان الكل قال كدة. وساعتها أكون أنا استفدت إن معلوماتي قديمة و دي مش معناها أني فشلت في حياتي لما أغلط .

عارف إيه اللي مضايقني إن الوقت اللي خدته عشان أرد على حضرتك كان ممكن استفيد بيه أحسن من كدة .
أسف للإطالة