السلام عليكم ورحمه الله وبركاته محتاج المشوره

**rabet007** · 15-01-2009 08:45 PM

ازيكم يا شباب عاملين ايه انا محتار جدا نفسي اجيب البيجو الايرانى 405 وفيه ادامي الفيرنا الفول اوبشن الناس تقولي طلع الغيار وايرانى والكلام ده ممكن النصيحه بارك الله فيكم

**gebreel** · 15-01-2009 08:58 PM

والله بص انا لامعايا دي ولا دي بس اللي اعرفه هقوله و يارب محيركش اكثر

بالنسبة للفرنا هي عربية جميلة و سحبها تحفة و موتور شديد و رخيصة و قطع غيارها هتلاقيها -على حد قول واحد صاحبي- عند بياعيين الكبدة هيونداي بقى المهم هي محترمة بس المشكلة فيها في حاكتين سمعتهم اول حاجة ان الوكيل اللي هو غبور التوكيل بتاعه زحمة و في منو مشاكل تانية الحاجة التانية هي ان فيه شوية مشاكل خفيفة جدا في التقفيل مش حاجة ميكانيكية ولا في الكهرباء ولا حاجة من دوول لاكن يقولك الاسلاك مش عارف باينة فين و حاجات كدة ممكن اي حد من الاعضاء يفيدك فيها لاكن هي كويسة جدا و انا اصلا بفكر اشتريها

البيجو بقى ..... انا عاشق ليها بشكل كبير و و بصراحة رايي ان البيجو الايراني مش هتختلف كتير عن الفرنساوي الا في التقفيل انا معرفش معلومات كثيرة زي مقلتلك لاكن انا كنت بفكر في البيجو ال206 و كانت قطع غيارها غالية الى حد ما علشان اسمع انها مش موجودة غير في التوكيل و عمتا اللينك ده فيه راي ناس يعرفوا اكثر منني في البيجو و خصوصا الايراني

http://www.nilemotors.net/Nile/showthread.php?t=29799

**Mahmoud_405** · 16-01-2009 04:19 AM

ابعد عن الايراني الروا ... مش زاي بيجو تماما مختلفه كليا ...هي شبها بس غير كده موتور انجليزي صناعه ايراني تعبان والفتيس تقيل والخامات غيرها... ده كلام عن ثقه علشان مع واحد صحبي.
البارس احسن طبعا لانها فرنساوي وفيها بعض الاجزاء ايراني وتقفيل مصري انما الموتور فرنساوي العفشه كمان بس انا الصراحه مركبتهاش انما الروا لا لا لا

**the-hero** · 16-01-2009 07:05 AM

زى ما الاعضاء قاله
أبعد عن الايرانى وغنيله
لأن العربيه الروا ملهاش أى علاقة بال 405 غير نفس الشكل من برة ومن جوه بس لكنها دفع خلفى وبكرونه وعلى سككين ورا زى النص نقل مش مساعدين واى كلام فى كتاف علام وماتور منعرفش منين وتقفيل نص لبه بس بصراحة شكلها حلو من برة لانها زى الفرنساوى واغلب الناس بيتخدعوا فيها

**ahmed1981** · 16-01-2009 09:06 AM

المشاركة الأصلية كتبت بواسطة rabet007

ازيكم يا شباب عاملين ايه انا محتار جدا نفسي اجيب البيجو الايرانى 405 وفيه ادامي الفيرنا الفول اوبشن الناس تقولي طلع الغيار وايرانى والكلام ده ممكن النصيحه بارك الله فيكم

البيجو ال 405 الروا الإيراني فشلت فشلاً ذريعاً في مصر
والوكيل تقريباً سمعت إنه نزل منها دفعه واحده ومش عارف يخلصها

والحقيقة حسب كلام سبعاوي فهي عبارة عن سيارة إسمها بيكان وتم تقفيلها بالشكل الخارجي للبيجو 405 بتصريح من بيجو
والموتور الذي بها هو من إنتاج بيجو أيضاً
لكن قطع الغيار نادرة

عموماً رأيي شيل ال405 الرواء الإيراني من حساباتك خالص
وفي نفس الحدود السعرية والحجم بص بصة على :
الرينو لوجان
الانوس
الفيرنا
الأفيو
الإسبرانزا A5
BYD F3
الجيلي