من فضلكم ساعدوني " نوبيرا 2002 "

**goofy_in_love** · 16-01-2009 01:43 AM

السلام عليكم
كنت عايز رايكم يا شباب في نوبيرا 2002 اوتوماتيك العربيه ماشيه 90 الف كيلو و هيا فابريكه من الداخل و راشه الجنبين بس نضافه يعني السقف و الشنطه و الكبوت فابريكه دا زي مابيقول صاحبها تفتكروا تعمل كام ؟؟
و ايه رايكم في موضوع الاوتوماتيك دا انا سامع مشاكل كتير قوي في الاوتوماتيك بتاع النوبيرا ياريت تقوليولي ايه رايكم في اسرع وقت ؟؟؟؟

**goofy_in_love** · 16-01-2009 04:23 AM

**kliken** · 16-01-2009 04:25 AM

انا بصراحه سمعت كتير عن مشاكل فى النوبيرا الاتوماتيك و برضه اتأكد من اصحابها

**hmmosman** · 16-01-2009 12:11 PM

انا عندى نوبيرا مانيوال موديل 2001 وفابركه بالكامل من الاكصدام للاكصدام ولونها فضى وعارضها للبيع بـ 51500 لكن معرفش الاتوماتيك تعمل كام دلوقتى اما بالنسبة للاتوماتيك بتاع النوبيرا فهو مريح جدا ولكن طبعا فيه مشاكل لكن بيرجع لحالة العربية وعلى العموم ماتخافش لان مصاريف اصلاح اتوماتيك النوبيرا ارخص بكتيير من اى عربية تانية يعنى طفم الاصلاح الكامل ودى اكتر حاجة ممكن تغيرها بـ 1500 جنيه ولكن تعمل حساب العطلة واحتمال ان العطل لازم له ونش يشيل العربية ونصيحتى لو انت مش فارقه معاك مانيوال ولا اتوماتيك خاليك فى المانيوال

**goofy_in_love** · 16-01-2009 12:18 PM

مكدبش عليك انا رجلي اتهرت من المانيوال دا عايز اريح رجلي شويه كفايه تعب بقي :k49: و هوا فعلا رخيص كدا صيانتها يعني لو حبيت اغير الفتيس كله مثلا بواحد جديد دا لو حسيت ان فتيس العربيه في الضياع و لو بعد فتره ممكن كله يتكلف كام ؟

**Hussein_Ramdan** · 16-01-2009 01:15 PM

بلاش اتومتيك نوبيرا انا ولدى كان معاة واحدة وبعد ماا قرفتنا بعد سنيتن من شرائها بيعانها

**hmmosman** · 16-01-2009 04:39 PM

انا ماعرفش ثمنه استيراد كام بالظبط بس اللى انا متأكد منه انه مابين 3000 او 4000 جنيه ومتوفر يعنى هتلاقيه عند اى حد وربنا يوفقك فى عربية يكون الاتوماتيك بتاعها مافيوش مشاكل