السلام عليكم
احيكم واهنئ نفسي بوجود هذا المنتدي المتكامل عن السيارات
انا امتلك سياره لانسر هاف سبورت خليجي بدون ضمان واريد معرفه اسعار صيانه ال 40000 كم في توكيل مصريه
شامله قطع الغيار وياريت بالتفصيل اكون شاكر لحضراتكم
السلام عليكم
احيكم واهنئ نفسي بوجود هذا المنتدي المتكامل عن السيارات
انا امتلك سياره لانسر هاف سبورت خليجي بدون ضمان واريد معرفه اسعار صيانه ال 40000 كم في توكيل مصريه
شامله قطع الغيار وياريت بالتفصيل اكون شاكر لحضراتكم
أهلا بيك يا استاذ eltwansy معانا في المنتدى (هو حضرتك قريب الأستاذ عمرو الطوانسي هو لانسراوي برضه معانا في المنتدى)
صيانة ال 40 هي التقيلة وفيها تغيير حاجات كتير ويليها صيانة ال 80 زيها تقيلة وبيضاف لها تغيير مجموعة الكاتينة (سير الكاتينة والشداد والبلية)
بخصوص صيانة الأربعين
لو العربية اوتوماتيك هيكون فيه زيت فتيس
الصيانة نفسها حوالي 130 ج ميكانيكا و كهرباء
زيت موبيل 1 + فلتر زيت (ممكن تجيب الزيت معاك لو عايز شل أو غيره) حوالي 300 جنيه
بوجيهات 100 ج وسيور
فلتر بنزين (موديل البومه فلتر البنزين داخل التنك تحت الكنبه الخلفية وغالي) حوالي 400 جنيه
فلتر هواء حوالي 140 جنيه
تيل أمامي (لو العربية محتاجه 380 ج)
زيت فتيس أوتوماتيك (لو عربيتك أوتوماتيك) 300 ج
يعنى اجمالي حوالي 2000 ج
طب هل هما بيغيروا التيل على طول لو لقوه محتاج تغيير ولا بيسالوا العميل الاول، و هل لو العميل غير التيل برة يخرج م الضمان؟؟
و هل لو غير الزيت بره يخرج م الضمان برضه
جزيل الشكر للمهندس طارق زويل علي الأهتمام بالرد علي استفساري ودا طبعا شئ مش جديد علي أخلاق حضرتك
وعلي فكره انا مش قريب عمرو الطوانسي لكن يشرفني اني اتعرف عليه
بيتم طبعا اعلام العميل الأول ان العربية محتاجة تيل وهو صاحب القرار
لو العميل غير التيل بره مش هيخرج من الضمان ولا حاجه انما لو التيل اثر على الطنابير هيتم خرط الطنابير ودي عملية بسيطه بتتم والعربية مرفوعه على الكوريك عن طريق ماكينة خرط بتاخد 0.1 من المليمتر من سمك الطنبورة
كذلك تغيير الزيت بره لا يخرج من الضمان لكن المهم ان الصيانات الدورية كل 10 آلاف كيلو متر تتعمل في مركز خدمة معتمد
أنا عاوز أسأل لو أنا عاوز أجيب زينون من بره أركبه فى التوكيل يتكلف كاف تركيبه فى الفوجات؟؟؟
وهل العدسات اللى فى الانسر الexينفع يتركب فيها زينون؟؟
وشكرااا
هو بشكل عام في التوكيل لا يتم تركيب اكسسوارات مشتراه من الخارج (كاسيت - انذار - سبويلر - فوجات)
كل اللانسر EX المصري فانوسه الأمامي عادي بدون عدسات
العدسات بتنزل في الفانوس المتحرك في اللانسر EX الخليجي
اعتقد طبعا يركب عليها زينون بس الافضل تشوف حد متخصص
وممكن تسأل في منتدى الكماليات او تدور فيه
thank you ya basha
رجاء من المهندس طارق زويل اعادة رفع الجدول الموضح يه أعمال كل صيانة لانه اتحذف ... وشكرا على المجهود الرائع
تيل أمامي قبل كتابة امر الشغل الخاص بالسيارة بيسألوا لو فى تيل حيتغير نغيرة ولا يقوموا بأبلاغنا
سعر التيل الامامى فى التوكيل 350
+10% ضريبة
+30 تركيب
صيانة ال20000فى قليوب مع تغير التيل الامامى 840