مساعدة في شراء سيارة من 60~70 الف

**asbeats** · 16-01-2009 09:28 PM

السلام عليكم

انا بقالي 3 شهور في حوار شراء السيارة لما خلاص جبت آخر.
كنت هاشتري زيرو وبعدين لما حملة خلوها تصدي بدأت تراجعت عن الشراء دعما للحملة
بس انا بجد محتاج عربية كويسة وبدور في المستعمل ومش عارف اوصل لحاجة

يا ريت يا جماعة حد يساعدني في الموضوع ده,ويارب يكون انسان امين واوصل لحاجة في الآخر

انا مليت الاستمارة بتاعة طلب الشراء:

المبلغ المتاح / يفضل (60000 ~70000) وممكن يزيد لو العربية تستاهل
نوع العربية / مستعمل
خبرتك فى السواقة وسكك الصيانة /متوسط
شكل العربية /سيدان وتكون واسعة
الموديل / فوق ال 2006
إستخدام السيارة فى الاغلب /خارج المدينة فى سفريات
انتقالاتك بالعربية / فى الاغلب لوحدك
الكماليات المرجوة / جميع الكماليات
إستهلاك البنزين / يفضل قليل
قطع الغيار / فى المعقول
اماكن الصيانة / توكيل او ميكانيكية
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلة
سعر إعادة البيع / مش عايز تخسر كتير
اهم حاجات بتدور فيها على العربية /
- قوة تحمل
- قلة اعطال
- اتساع المساحة
يفضل ان تكون ملاكي القاهرة او الجيزة وان تكون الرخصة سارية لمدة مناسبة

**mo7a_mo7a** · 16-01-2009 11:15 PM

المواصفات دي صعبة شوية خصوصا في السعر ده
ومتنساش ان مفيش عربية كاملة
الكمال لله وحده
يعني مثلا ممكن انصحكك بالماتريكس
واسعة وثابتة ومريحة في السفر لكن استهلاكها للبنزين عالي

وممكن انصحك بتويوتا ياريس
قليلة الاعطال واعتمادية عالية وموفرة في البنزين لكن قطع غيارها غالية

وممكن انصحك بسيارة الماني زي الاوبل فكترا او الاسترا
اعتمادية عالية ومناسبة لاغراض التنقل الطويل واعطالها محدودة لكن سعرها عالي نسبيا

وممكن اقولك هات حاجة زي الفيرنا
محلي وقطع غيارها مناسبة واستهلاكها للبنزين يمكن تحمله واعطالها معقولة لكنها تقفيل مصري ودي مشلكة لو مكنش صاحبها اللي انت حتشتريها منه واخد باله منها ومراعيها ومغيرلها الحجات المصري

بصراحة القرار صعب خصوصا انه واضح انك تعبان في الفلوس جدا زي اغلب الناس هنا

علي العموم انا اقدر اديك نصيحة واقتراح
رتب اولوياتك في السيارة
مثلا تقول اهم حاجة الاعتمادية ودي تساوي 10 نقط
يليها استهلاك البنزين ودي تساوي 10 نقاط
يليهما اسعار قطع الغيار ودي تساوي 5 نقاط
يليهم الاتساع الداخلي 5 نقاط
يليهم الثبات 8 نقاط
...... الخ

ثم رشح عدد كبير من المركات والموديلات
وابتدي اعمل جدول وحط نقط لكول موديل وجمع
ثم اختار اعلي 3 سيارات في عدد النقاط
واختار منهم اللي ترتاحلها

دي النصيحة اما الاقتراح
انا لو مكانك حروح اجيب فيرنا استعمال علي اساس انها مفهومة ومحفوظة وممكن تكشف عليها في اي بنزينة قبل الشراء وقطع غيارها رخيصة نوعا ومتوفرة الي جانب ان سعرها معقول وايضا سعر اعادة بيعها مضمون
وبعد 6 شهور ممكن تبتدي تعيد تقييم الموقف اذا كنت راضي عنها ولا تحب تغير
ولو كان قرارك التغيير وقتها تكون اسعار الجديد نزلت والرؤية اتضحت وساعتها تبتدي تفكر بالمعطيات الجديدة

خالص تمنياتي لك بالتوفيق والهداية
ومتنساش تحكيلنا علي التفاصيل

**mo7a_mo7a** · 18-01-2009 03:18 AM

المشاركة الأصلية كتبت بواسطة asbeats

اولا الف شكر لmo7a_mo7a

معلوماتك وطريقة عرضك -ما شاء الله- ممتازة وربنا يبارك فيك

انا بعد تقريبا بدأت اميل لشراء الأوبل
عربية محترمة واعتمادية واعتقد ان رينج السعر مناسب اني اشتريها بس مش عارف موديل سنة كام هيكون افضل وعلى قد الفلوس

وربنا ييسر والاقي عربية كوسية وميضحكش عليا فيها لأن زي ما حضرتك قلت (الفلوس دي مش جاية بالساهل)

انا افضلك الفكترا لانها اقوي وتصميمها افضل كتير من الاسترا ومصنعة بالكامل في المانيا
الاسترا تصميم شركة جنيرال موتورز ولحد كبير جدا تشبه الدايو لانوس وليها نفس المحرك ونفس الشاسيه مع تعديلات

**mo7a_mo7a** · 18-01-2009 03:19 AM

الف شكر علي اطرائك وربنا يوفقك في حاجة كويسة
بس ابقي تابع معانا وقولنا علي التفاصيل

**mo7a_mo7a** · 20-01-2009 03:56 AM

ابقا بلغنا بالتطورات
ومتبخلش علينا بالتفاصيل

**د./اليشع ثابت** · 20-01-2009 05:21 AM

المشاركة الأصلية كتبت بواسطة asbeats

والله موضوع شراء عربية ده طلع موضوع مقرف ومحير قوي

على العموم انا استقريت على الأوبل فيكترا 2003 بس لسه مش عارف 1600 ولا 2000 cc

وربنا يكرم بحاجة كويسة ان شاء الله

افضل لك ال 1600 لاسباب كتير جدا
اهمهم التوفير فى استهلاك البنزين طبعا مهم قوى
كمان علشان شريحة الضريبة السنوية فوق ال 1600 بتزيد جدااا
لانها تحاسب كرفاهية
وشكراااااااا و ربنا يختار لك الافضل

الموضوع: مساعدة في شراء سيارة من 60~70 الف

LinkBack

أدوات الموضوع

عرض

-

-

-

-

المواضيع المتشابهه

مساعدة فى شراء سيارة

مساعدة فى شراء سيارة

طلب مساعدة في شراء سيارة مازدا 3

طلب مساعدة فى شراء سيارة

مساعدة فى شراء سيارة!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة