السلام عليكم ...عايز اشترى عربيه ب42000... موديل فوق 2000 ...للانتقال المفرد...قليلة الاعطال ...مستوى راحه فى القياده معقول...سحب جيد../ترشحولى ايه؟
عرض للطباعة
السلام عليكم ...عايز اشترى عربيه ب42000... موديل فوق 2000 ...للانتقال المفرد...قليلة الاعطال ...مستوى راحه فى القياده معقول...سحب جيد../ترشحولى ايه؟
لانوس طبعا
ايه رأيكوا فى الشاهين1400
يا لانوس يا (بولووووووووووو) أو إبيزا
سيات ابيزا رسمي
اكسنت عمليه و قطع غيار رخيصه جدا و سحبها حلو و الموتور مفهوش تعقيد يعنى مش هيتعبك
و ربنا يوفقك للأصلح
متشكر على الردووووود...؟...لانوس..؟.ابي ا...؟.بولو....؟اكسنت....؟
لولا اختلاف الازواق لبارت........ العربيات:k48:
شخصيا ( ابيزا & جوليت ) ...
هى مطلوبة لايه
شخص مفرد او عائلة
فيه سفر ولا لا
ابيزا مفيش كلام غير كدة
اكسنت
او لانوس
:k48::k48::k48::k48::k48::k48:
هى الابيزا كربراتير و لا انجكشن
انا كمان كنت بفكر فى الابيزا بس مش عارف
ابيزا ايه الي الناس قاعدة ترشحها ؟ و بولو ايه ؟؟
انت بتقول سحب حلو !
الابيزا و البولو 1000 سي سي ! 50 حصان !
يعني لو واحد معاه 128 حرق حيطلع منها !
----
راي شوف اكسنت او لانوس
جوة القاهرة البولو و الابيزا احسن من اللانوس و الاكسنت وكفاية انها المانى مش كورى و بعدين 128 اية اللى تجيب المانى والعربيات دى 1000 سى سى بقوة تعادل 1300 سى سى مع توفير بنزين و اعتمادية وثبات عالى و بعدين فى حاجات كتير جدا فى البولو ارخص من اللانوس وانا كان معايا الاثنين كفاية ان اللانوس بتاكل بنزين
زود فلوسك حتجه بسيطه وعند الفيرنا ومفيش كلام بعدها زود اربعه بس
أكسنت او لانوس
لانووووووووس
احسن اختيار حتي لو لانوس وان
وعلي فكرة انا معايا لانوس وان وكل اسبوع رايح جاي من العريش عربية تمام بسعر مناسب بس عيبها انها خفيفة عند 130 وده بيظهر في الملفات والهوا الجامد
بروتون ويرا موديل 2004
في حدود المبلغ ده.
انا رأييي اللانوس...
وطبعآ بالمبلغ ده انت بتتكلم في لانوس 2.
سيارة اعتماديه جدآ.
وانا بصراحه من عشاقها.
لكن انا لو مكانك اصبر شويه واجيب فيرنا او لانوس شيفورليه زيرو .
او ادفع اللي معايا مقدم والاقساط حتبقي حاجه بسيطه.
يبقي ولا مستعمل ولا جديد... لازم تكون بتسوق الأول قبل ماتفكر تجيب عربيه. بدل ما تتبهدل.اقتباس:
متشكر على كل الردود.وشايف ان فيه شبه اجماع على اللانوس. انا لسه متعلمتش السواقه....المستعمل احسن بالنسبالى؟
وعلي فكره احنا بنتكلم في اللانوس. هي اينعم مستعمله بس من العربيات الصفوة من وجهة نظري...
واي عربيه موديل حديث مش بتاعة بهدله... ولو فكرت تجيبها وتتعلم عليها السواقه حتتبهدل منك وتزه منها بسرعه وتبقي عاوز تغير.
لكن لو انت مصمم. برده تبقي اللانوس.
ده رأيي الشخصي.
http://img186.imageshack.us/img186/3074/sorsarfk3.gif
[QUOTE=Drift_Lover;608990]يبقي ولا مستعمل ولا جديد... لازم تكون بتسوق الأول قبل ماتفكر تجيب عربيه. بدل ما تتبهدل.
وعلي فكره احنا بنتكلم في اللانوس. هي اينعم مستعمله بس من العربيات الصفوة من وجهة نظري...
واي عربيه موديل حديث مش بتاعة بهدله... ولو فكرت تجيبها وتتعلم عليها السواقه حتتبهدل منك وتزه منها بسرعه وتبقي عاوز تغير.
لكن لو انت مصمم. برده تبقي اللانوس.
ده رأيي الشخصي.
:اولا/ شكرا على الردود.......ثانيا/مش شرط ان الواحد علشان لسه بيتعلم انه يجيب عربيه128 تطلع عينيه....:N_no[1]:
مادام مستعمل يبقى تجيب عربية مستعمل
و تكون مش فابريقة من برا يعني راشة
علشان لو اتخبطت منك لا قدر الله مت خسرش فلوس لما تيجي تبيعها و تجيب حاجة احسن لما تتقن السواقة
و مش لازم بال42 الف جنيه كلهم
يعني شوف حاجة كويسة كده و تبهدل فيها و تستحملك
انا ارشحلك سكودا فيليشيا
بس تكون حالتها حلوة و متبقاش برضه فابريقة من برة اسمع الكلام
علشان حتة دهان المصنع ديه متسمعهاش و انتابتبيعها
انا مش قصدي تجيب عربيه تطلع عينك.اقتباس:
:اولا/ شكرا على الردود.......ثانيا/مش شرط ان الواحد علشان لسه بيتعلم انه يجيب عربيه128 تطلع عينيه
بس صدقني والله عن تجربة.
زهوتك و فرحتك بالعربيه الجديده (بالنسبة لك حتي لو مستعملة ) حتنطفي لو قابلتك مشاكل كتير وانت لسه بتتعلم.
نصيحه اتعلم السواقه الاول ( مش لازم تكون محترف يعني ) بس تكون عندك الاساسيات اللي تخليك تسوق العربيه لوحدك.
بص حضرتك ب42000 الف متخرجش عن اكسنت او لانوس او فيات سيينا
الانوس : موديل 99 او2000 (تكييف -باور-زجاج) 1500cc انجيكشن
الاكسنت: 1500سي سي من موديل 99 الي 2001 نفس مواصفات الانوس
لو1300سي سي ممكن تجيب لحد موديل 2005 (تكييف فقط) كاربراتير
السيينا:1400 سي سي 2000 لحد2003 نفس مواصفاتهم بس نص انجيكشن (كاربراتير كهرباء)
وفي منها 1600 سي سي بس مالوش سوق لانه فيه مشاكل
وترتيبي للعربيات دي:1-لانوس 2-اكسنت 1500 3-سيينا 4-اكسنت 1300
وربنا يوفقك..................
برغم كلام الاخوه جميعا وده انا بحترمه اولا ثانيا فكر فى اوبل استرا واسعارها نزله دلوقتى ودى فرصه تركب المانى وتجرب الثبات والتحمل والامكانيات بس لو جربت تركبها معنتش هتعرف تركب العربيات الشعبيه زى الانوس والاكسنت وخلافه بس هتعطيط اشياء كتير جدا مقابل سعر نازل وعلى فكره قطع غيرها متواجده فى كل المحافظات والاورجنال بسعر رخيص وجيد
الاخوى اللى بيرشحوا اللانوس
ممكن الافادة عن استهلاكها للبنزين
وهل غيه مشاكل فى الطلمبة ولا لا
فيلشيا طبعاً
يا جماعه الراجل بيتكلم في رينج 42 الف بتقولوا ليه فيليشيا.
الفيليشا كبيرها 32 الف دي لو شركه.
ياريت اللي يتكلم يكون فاهم اسعار السوق والوضع عامل ايه. ماتغرقوش الراجل.
ومش معني كده اني مش بحب الفيليشيا. بالعكس دي من العربيات المحترمه. بس احنا بنتكلم في فئه سعريه.