الموضوع: أى سؤال أو استشارة فى طب العيون

لو سمحت يا دكتور انا ابني عنده ٤ سنين ومن سنتين ظهرت نقطه حمره في عينه وبعد الكشف اخد قطرة مضاد حيوي مع قطرةfml واختفت النقطه لاكن بعد فترة ظهرت النقطه مع احمرار في العين الاخري وتم تكرار العلاج للعين الاخري وخفت وبعد ايقاف العلاج احمرت تاني .
المهم الدكتور قال انها حساسيه
بعد سنه في الصيف احمرت عينيه تاني فقلقت وذهبت لدكتور اخر فكشف قاع عين وكتب علي مضاد حيوي ومضادات التهاب وعند ايقاف العلاج يرجع الاحمرار تاني.
في النهايه قالي دي حساسيه وكتب علي مرهم وقت اللزوم.
السنه دي بقا عند بداية الصيف عينيه احمرت بطريقه صعبه وظهرت نقط فوق الدوران الاسود استخدمت المهم بس الاحمرار بيقل وعينه مش بتخف .
انا مش عارف اكشف تاني وفي نهاية المطاف بيقولي حساسيه ولا ايه الحل ؟؟؟؟
دي صوره لعينه النهارده...

السلام عليكم احب ان اشكر حضرتك مقدما
بلبس عدسات بقالى5 سنين ودلوقتى بعاني من احمرار خفيف عند لبسها ويعد نزعها بحس بحساسية فيها فلو ممكن تقولى على قطرة اداوم عليها علما انى باستخدم refresh tears و prefrin وخايفةاداوم عليهم يبقى خطر على عينيا
ولك جزيل الشكر

السلام عليكم دكتور
حبيت بس استفسر عن شيء مهم
انا سويت عملية بي ار كي ليزك قبل شهرين ونظري تمام بس لمى اشوف الحجات البعيده اشوفها زي الممسوحه شويه ولما اعمل فحص لنظر يطلع عندي النظر تمام بس ال cyl الي هو الانحراف يطلع في العين اليمين 50 والعين اليسار 75 فهل هذا طبيعي بعد العمليه وأيش اسوي اذا كانت مشكله

سلام عليكم

مش عارفة حضرتك لسة موجود وبترد على الاسئلة ولا اية
ومش عارفة كمان هل السوال اللى هسالة متعلق بتخصص العيون ولا امراض الجلدية
انا كنت بحط كحل في عينى وبنام بيه وفضلت على الحال دا حوالى ست او سبع سنين ومش كنت بشيلة لصعوبة دا وكسل منى
ولما قررت بعد سبع سنين اشيل الكحل فوجئت بعينى تقريبا كانها متنتفة ما فيهاش رموش ومظهرى كانى كبيرة اوى في السن ونظرة عينى كانى مريضة بسبب اصفراروضعف ما تبقي من الرموش
الحل اية دلوقتى ؟هل فيه مرهم او علاج لاعادة انبات الرموش اللى وقعت وكمان لتغذية الرموش الصفرة الضعيفة دى ؟

المشاركة الأصلية كتبت بواسطة Dr.SherifMansy

أولا شكرا للجميع و ده اقل واجب
و بعدين كلنا اخوة
بالنسبة لتدهور النظر و سمك العدسات فدى مسألة نسبية ، يعنى لو النظر بيتغير حوالى درجة كل سنتين او ثلاثة فده معدل مش غريب و شبه متوقع و بعدين حسب ابتدى يتغير من امتى ، فلو ابتديت تلبس نظارة من سن 5-6 سنين يبقى غالبا يثبت على العشرينات ، اما لو ابتديت تلبسها متأخر 16-18 سنة مثلا فمتوقع اما تجرى بسرعة (المقاس ينزل جامد) فى كام سنة و يثبت زى الحالة الأولى أو يفضل يتغير ببطء و لكن باستمرار و احيانا يوصل للثلاثينات و هو لسه بيتغير
زى ما قلت سمك العدسات مسألة نسبية ، يعنى ممكن واحد مقاسه يكون 4.00- و يقول عدساتى تخينة و لكن عادة بنقول تخينة من بعد 6.00-
بالنسبة لليزك فأنا لى تحفظ عليه و بصراحة مش باحبه (حد شاف دكتور عيون قلع نظارته ؟؟ خلونا صرحاء شوية)
من غير ما ازعل حد من الزملاء منى فأنا مش باحب الليزك علشان حاجتين
1- نسبة فقدان الأبصار منه 15% (نسبة خطيرة فى عملية اختيارية مش اجبارية)
2- لا يمكن التنبؤ بمن ستنجح معه العملية او من ستفشل (ممكن تعمل كل الفحوصات و تطلع زى الفل و تعمل العملية و تسيب سحابة على العين مثلا)
ده غير المضاعفات اللى ممكن تحصل
فيه مثل قديم بيقول
"لو كان فيه الخير ما كان رماه الطير"
لو الليزك حلو كنا احنا أطباء العيون اول ناس عملناه
و اللى مش مقتنع ممكن يدخل على اللنك ده و يقرأ بعينه
Life After Lasik
أو لو حد يحب كلام متخصص و طبى يدخل على موقع الأكاديمية الأمريكية للعيون"American Academy of Ophthalmology"
aao.org
المشكلة ببساطة ان احنا ماعندناش رقابة على الدعاية فكله واحد بيقول اللى هو عايزه و مش مهم صح و لا غلط
و تحياتى
بالنسبة للفيزيتة يا Totaa فمش هانختلف
كله شغال
بنزين ، قطع غيار ، اكسسوار ، ساندوتشات:k31: ... الخ الخ
كله ينفع

دكتور شريف ، تحياتي .. حقيقي استفدت من كلام حضرتك الموزون جدا .. نفسي اعمل زيك في تخصصي (روماتيزم وتأهيل) .. ومش عاوز لا سندوتشات ولا جبنة حادقة ;)