آسف على التأخير فى الرد بس مواعيد رمضان ملخبطة جدا معايا
يكفينى ذوقك ولفتاتك الطيبة تجاه الجميع وان حضرتك بترد على الاخوة الزملاء والاعضاء لوجه الله وبجد جزاك الله خير الجزاء .
الله أكرم ، و الف سلامة على الوالدة
المفروض ما دامت العملية عدى عليها شهرين يبقى مافيش مشكلة
سبب الدموع ماقدرش احدده بالضبط ، هل البخار و الحرارة عملوا حاجة لسطح العين ولا لأ ،
هل العين حمراء بصفة مستمرة ؟؟
الله يسلمك يا دكتور شريف اول حاجة العين والحمد لله لا يوجد بها احمرار غير العادى فى حالة الاجهاد او عدم النوم .
هل فيه افرازات مع الدموع مثلا ؟؟ و لو فيه افرازات ... لونها ايه ؟؟ و هل لها وقت معين من اليوم ؟؟
مجرد دموع بدون اى افرازات اما الدموع فتحدث عند التعرض للحرارة سواء الشمس او بأبخرة المطبخ عند الطهو .
هل الدموع مستمرة (زى ما حضرتك قلت) يعنى نازلة على الخد مش
بتبطل و لا بسيطة كل شوية كام نقطة؟؟ ولا العين مرغرغة بس ؟؟
هى بسيطة مش مستمرة والعين احياناً بترغرغ ولما تغلق عينيها تنزل دموع بي برده بسيطة .
فيه نقطة مهمة جدا بالنسبة لى ... ليه الوالدة لسه ماشية على القطرات لحد دلوقت ؟؟؟
حضرتك قلت Predfort و Oflox و دول قطرات ، و لكن Tobradex هل هى قطرة ولا مرهم ؟؟
و بتحط منهم كام مرة فى اليوم ؟؟
المفروض ان تكون الأدوية وقفت خلاص و كده انا ممكن احط الأستمرارية على القطرات كأحد اسباب الدموع ..
تم وضع القطرات اول اسبوع 3 مرات فى اليوم وثانى اسبوع مرتين فى اليوم وثالث اسبوع مرة واحدة يومياً بس مش عارف سبب تضارب مواعيد القطرات وسبب استمرارها وعموماً هى خلصت القطرات من يومان و الـ tobradex قطرة وكان الدكتور كتبلها artelac eye drops تمشى عليها علطول بس لسه مستعملتهاش فى اى مشاكل بالنسبة لاستعمال القطرة دى ؟؟؟ وهل لو اتخذنا استمرارية القطرات كسبب اتمنى يكون رئيسى فى الدموع العين ترجع لطبيعتها فى خلال وقت قد ايه وهل فى خطوات يجب عملها ؟ .
اتمنى اكون وضحت الامور ومرة تانية شكرأ جزيلاً لحضرتك ولك تحياتى .