أى سؤال أو استشارة فى طب العيون

**Dr.SherifMansy** · 26-08-2015 12:57 AM

المشاركة الأصلية كتبت بواسطة gebreel

بقلك يا دكتور، انا عنيا بتحمر بشدة اول ما بصحى من النوم و احيانا في نص اليوم مع دموع مستمرة
رحت لكذا دكتور واحد في العيون الدولي و 3 في مغربي و التشخيص كان واحد و هو حساسية موسمية بالرغم من ان الموضوع ده مستمر معايا طول السنة مش بيهدا و يرجع ثاني
و كل الدكاترة يكتبولي على قطرة فيها كورتيزون لمدة اسبوع او 10 ايام مع دموع لنفس المدة بردو
ارتاح ا 10 ايام دول و اسبوع مثلا بعد مابطلها و يرجع الموضوع ثاني زي الاول بدون اي اختلاف

ألف سلامة على حضرتك.
لو ممكن حضرتك توضح لي اكتر المشكلة. ..
الاحمرار دائما عند الصحيان من النوم و لا احيانا.؟؟
هل بتحس باحساس جسم غريب او زي ما يكونوفيه رمش او رمل في العين؟؟
هل فيه احساس بالهرش او الحكة بالعين؟؟ حتی لو بتقاومه...
هل فيه إفرازات من العين؟؟؟ و شكلها و لونها... (دموع او مخاط او صديد... صفراء او بيضاء ... الخ الخ)
هل فيه وقت الموضوع ده بيزود اكتر من باقي الأوقات؟ ؟

في إنتظار الرد

و تحياتي

**gebreel** · 26-08-2015 05:10 PM

المشاركة الأصلية كتبت بواسطة dr.sherifmansy

ألف سلامة على حضرتك.
لو ممكن حضرتك توضح لي اكتر المشكلة. ..
الاحمرار دائما عند الصحيان من النوم و لا احيانا.؟؟
لأ مش دائما احيانا و احيانا بيظهر في نص اليوم
هل بتحس باحساس جسم غريب او زي ما يكونوفيه رمش او رمل في العين؟؟
لأ خالص
هل فيه احساس بالهرش او الحكة بالعين؟؟ حتی لو بتقاومه...
وقت الاحمرار اه بيبقى فيه اكلان في العين
هل فيه إفرازات من العين؟؟؟ و شكلها و لونها... (دموع او مخاط او صديد... صفراء او بيضاء ... الخ الخ)
لأ هي الدموع و بس
هل فيه وقت الموضوع ده بيزود اكتر من باقي الأوقات؟ ؟
لأ مش قادر الاقيله pattern بعينه
في إنتظار الرد

و تحياتي

الف شكر يا دكتور مقدما :)