أى سؤال أو استشارة فى طب العيون

**Ahmed73** · 03-07-2009 09:39 PM

ازيك يا دكتور شريف مش عارفين نقول ايه على التعب ده غير ربنا يكرمك
أولا اخر كشف نظارة عرفت انه يوجد استجماتيزم وعنيى تقريبا -1.75 الاثنين (الكشف مش معايا) كان من حوالى سنتين
من فترة بسيطة وخصوصا اثناء القيادة باحس ان عينى بتغمض وتفتح كتير جدا بمعدل مرة كل ثانيتين أو ثلاثة بصورة لفتت نظرى ونظر زوجتى لما بتركب معايا - الموضوع ده ظل حوالى شهر ونصف وبعد كده راح.
ثانيا نفسى اعمل كشف نظارة اقتنع بيه واحس انى مرتاح فعلا - دلنى على الطريق
وبارك الله فيك

**Dr.SherifMansy** · 13-07-2009 01:03 PM

المشاركة الأصلية كتبت بواسطة ahmed73

ازيك يا دكتور شريف مش عارفين نقول ايه على التعب ده غير ربنا يكرمك
أولا اخر كشف نظارة عرفت انه يوجد استجماتيزم وعنيى تقريبا -1.75 الاثنين (الكشف مش معايا) كان من حوالى سنتين
من فترة بسيطة وخصوصا اثناء القيادة باحس ان عينى بتغمض وتفتح كتير جدا بمعدل مرة كل ثانيتين أو ثلاثة بصورة لفتت نظرى ونظر زوجتى لما بتركب معايا - الموضوع ده ظل حوالى شهر ونصف وبعد كده راح.
ثانيا نفسى اعمل كشف نظارة اقتنع بيه واحس انى مرتاح فعلا - دلنى على الطريق
وبارك الله فيك

الحكاية دى لها اسباب كثيرة جدا

ممكن حاجة كانت عاملة لك حساسية و المسبب زال و بالتالى الحكاية دى بطلت
ممكن توتر عصبى
ممكن كنت بتشغل مكيف العربية مباشرة على الوجه و بالتالى الدموع بتنشف بسرعة فتحصل الحكاية دى لتعويض الجفاف الوقتى الحاصل

لو ما اتكررتش تانى يبقى مافيش داعى للقلق
لكن لو بتتكرر يبقى لازم الفحص لتحديد السبب و علاجه

بالنسبة لكمشف النظارة فأنا تحت أمرك ، راسلنى على الخاص لتحديد المكان و الموعد
و تحياتى