شكراً يا أستاذ / هاشم ... على الإهتمام
إن شاء الله هاعدى عليه و على أبوسريع و أشوف هل ممكن يتصلح ولا لازم يتغير و الأفضل أعملو إن شاء الله و هاقولكو على النتيجة لما أخلص بإذن الله.
جزاك الله خيراً
عرض للطباعة
السلام عليكم ورحمة الله وبركاته
استاذ احمد حسن هل صلحت الشكمان ؟؟؟؟؟
ارجو ان تخبرنا بتجربتك مع الصنايعيه اللى رشحوهم الاخوه
السلام عليكم و رحمة الله و بركاته
متشكر جداً يا جماعة على إهتمامكم و سؤالكم , جزاكم الله خيراً .
انا إمبارح الأربعاء روحت لأبوسريع اللى خلف حديقة بدر و شاف الشكمان و سمع الصوت و قالى لازم يتغير و مش هاينفع يتصلح و الأسعار كالتالى :
170 جنية علبة شكمان ( صناعة أبو سريع ) من غير ديول ( شامل 2 أفيز و 2 جلبة سخان )
60 جنية ديول جديدة من عند بتاع قطع الغيار
50 جنية ديول جديدة من عند أبو سريع
10 جنية ديول مستعملة ( عشان خاطرى )
وقت التركيب ساعة بالكتيير
* الملخص من عند ابو سريع 230 جنية الشكمان كامل بالديول الجديدة.
العنوان : 7 ش على حسين الشربتلى - منشية السد العالى - جسر السويس
تليفون : 0104119526 - 22965556
---------------------------------------
بعد كدا روحت لعبوده بتاع الشكمانات بردو بص على الشكمان و سمع الصوت و قال نفس كلام أبو سريع لكن بصراحة الراجل حس إنى مش جاهز و مش معايا المبلغ فقالى أنا ممكن ألحمهولك مؤقت لغاية لما تنوى تشترى جديد بس مش هايكون زى الجديد لأن العلبة بتاعة الشكمان عندك تعبانة جداً , و بعد الفصال و المناهدة إتفقنا على 25 جنية بعد 30 جنية هو كان طالبهم ( راجل محترم و عجابنى أوى إنو قالى مش بيحب يعمل شغل إلا لما يكون راضى و مبسوط) و بدء الشغل و خلال ربع ساعة تقريباً كان ملحم و معدل و مظبط ديول و زى الفل , و بعد ما سمعت صوت العربية حسيت إنى مبسوط جداً و الصوت أهدى بكتيير من الأول و أحلى كمان و الحمد لله .
بس دا طبعاً لا يغنى عن إنى إن شاء الله هاغير علبة الشكمان بس قدام شوية و هايكون عندو بإذن الله لأنى حسيت إنو سعافنى و خدمنى بصراحة و الله أعلم بردو النصيب هايكون فين.
* الملخص من عند عبودة 230 جنية الشكمان كامل بالديول الجديدة.
العنوان : محمود دسوقى - من كمال حجاب - منشية السد العالى - جسر السويس
تليفون : 0181698570
و المنطقة هناك مليانة صنايعية بتوع بيتل سواء ميكانيكية أو سروجية أو كهربائية أو قطع غيار أو سمكرة و دوكو أو شكمانات , و إن شاء الله بفكر أروح يوم و ألف المنطقة و ألم معلومات عن غالبية الصنايعية الكويسين فى البيتل.
منتظر رأيكم و إقتراحاتكم بإذن الله
حمدا لله على سلامة عزيزة و فعلا الشكمان بعد ما بتعمل فيه شغل سواء لحام او تغيير العلبة بتتمزج بصوت العربية الجميل
الف مبروك يااحمد باشا
والله انا لما بلاقى واحد من اصدقائنا فى المنتدى بيشتكى من حاجه فى عربيته بحس انها عربيتى انا وانها مشكلتى وبفرح جدا لما بيخلصها
والحمد لله انك لقيت الحل للشكمان وكويس اننا كسبنا واحد بتاع شكمان كويس وستفادنا من تجربتك معاه بالطبع وهو ده الهدف ان احنا نفيد بعض بتجاربنا ومانبخلش على بعض باى معلومه او تجربه مع الصنايعيه
علشان ماحدش يستغلنا واحنا بالفعل كلنا اخوات وجميل اوى انك جبت اعنوان بالتفصيل فكره جميله
ايه حكاية تطويل الشكمان انه يلف من تحت العربية ويوطى صوت الماتور
انا بسأل طبعا سمعت المعلومة ديه حد عنده فكرة ؟؟؟؟؟؟؟؟؟؟؟؟؟؟
استاذ هاشم ممكن حضرتك تشوف الموضوع ده
http://www.nilemotors.net/Nile/showt...352#post613352
اللى بيميز البيتل الصفارة اللى فى الشكمان القديم