سؤال بخصوص شكمان البيتل ؟؟؟

**ahit** · 17-01-2009 03:59 AM

السلام عليكم و رحمة الله و بركاته

إخوانى الكرام

من فترة صغيرة الشكمان عندى فيه صوت خبط و لما كشفت عليه قالولى المصفاه بتاعة الشكمان بايظة و مش بتتصلح و لازم الشكمان كلو يتغير و الشكمان عندى لحام و ليس فك و تركيب , و كمان من اسبوعين تقريباً إتخبط الشكمان فى الرصيف و انا برجع عشان أركن و صوت الصفارة راح و الديول دخلت لجوا و صوتها بقى عامل زى الجرار الزراعى و عدلتها بإيدى

فلو تكرمتم عاوز أعرف الآتى :
1- هل شكمان البيتل بيتصلح ولا لأ ؟ و عند مين ؟ و التكلفة كام؟
2- لو مش بيتصلح ثمن الجديد كام ؟ و عند مين ؟
3- هل لازم أسقط ماتور زى ما سمعت عشان أغير علبة الشكمان ؟ و لا ممكن من غير تسقيط؟
4- فيه ناس بتقول عشان ترجع صوت الصفارة فى الديول ممكن تغسل الديول بمياه ( المية تدخل من ناحية و تخرج من الديل التانى !!! ) و أنا مش مقتنع طبعاً , فما هو مدى صحة هذا الكلام؟

و شكراً جزيلاً

**adelmagdy** · 17-01-2009 04:40 PM

بص يا استاذ احمد في واحد متخصص شكمانات بيتلز اسمه ابو سريع قريب من شارع ال40 اللي ورا حديقة بدر الراجل ده الصراحة ما جربتوش في الشكمانات هوا كان وطالي الدنجل بس كل الناس بتروحلو علشان الشكمانات اما موضوع فك المكنة انا شوفتو مرة نزل شكمان من ميكروباص فولكس بالحام مانزلش المكنة بتهيالي هيبقي نفس الموضوع في البيتلز علشان المكنة بتاعتها نفس الفكرة اما بخصوص اسعار الشكمانات فكنت سئلت مرة ميكانيكي فولكس قديم قاللي انو غالي يوصل ل400 جنيه علشام الستنلس اللي فيه فحاول تحافظ عليه

**ihab** · 18-01-2009 10:21 AM

بص يا احمد انا لسه مركب شكمان عند ابو سريع و الراجل زى الفل
و كنت جربت من مدة الحاج فريد قريب من وكالة البلح بس ما عجبنيش شغله
- بالنسبة لابو سريع الشكمان ب 170 جنيه بالذيول ( الذيول لوحدها 50 جنيه ) و مش بيحتاج يسقط الموتور و بيتركب بنظام القفايز بدون لحامات و بياخذ ساعة او اقل بحاجة بسيطة
بالنسبة لصوت الصفارة فدى بتبقى مع الذيول البرازيلى و فى ناس بتفك المصفة الداخلية بتعتها و تشيل الحشو و تركب المصفة تانى فابتدى صوت الصفارة لكن موضوع المايه ده انا اول مرة اسمعه و مش محبذه

**ihab** · 18-01-2009 10:24 AM

نسيت اقولك على حاجة انى قبل ما اروح لابو سريع سالت علشان اشوف الشكمان الاصلى بتاعها سواء كان برازيلى او المانى و ما لقيتش بس بعد ما روحت و ركبت العلبة عند ابو سريع و صوت العربية فرق تماما الحمد لله

**ahit** · 19-01-2009 12:32 AM

السلام عليكم و رحمة الله و بركاته

شكراً جزيلاً للأستاذ/ عادل مجدى و الأستاذ / إيهاب
جزاكم الله خيراً

طالما إنتو بتشكرو فى أبو سريع فأنا إن شاء الله هاروحلو قريب عشان أشوف الشكمان عندى محتاج إيه بالظبط , بس يا ريت العنوان بالتفصيل عشان بصراحة بتوه فى جسر السويس.

شكراً لسرعة الرد و النصايح الهامة و أنا عاجز عن الشكر

**adelmagdy** · 19-01-2009 12:49 AM

لا شكر علي واجب يا احمد باشا بص يا سيدي انت حتمشي في جسر السويس لغاية متلاقي حديقة بدر تلف اليوتيرن وتخش من جنبها يمين حتمشي تلاقي مزلقان تعديه وتخش شمال حتلاقي مدرسة علس يمينك خش جنب المدرسة يمين تاني شارع شمال تلاقيه هو الوصف طويل حبتين بس اسهلك تسئل بعد ما تعدي المزلقان هو معروف هناك

**ahit** · 19-01-2009 01:00 AM

المشاركة الأصلية كتبت بواسطة adelmagdy

لا شكر علي واجب يا احمد باشا بص يا سيدي انت حتمشي في جسر السويس لغاية متلاقي حديقة بدر تلف اليوتيرن وتخش من جنبها يمين حتمشي تلاقي مزلقان تعديه وتخش شمال حتلاقي مدرسة علس يمينك خش جنب المدرسة يمين تاني شارع شمال تلاقيه هو الوصف طويل حبتين بس اسهلك تسئل بعد ما تعدي المزلقان هو معروف هناك

و الله انت بتحرجنى بزوقك و كرم أخلاقك و حسن تعاونك معايا.
الوصفة بتاعتك واضحة و سهلة و إن شاء الله هاكون عندو قريب و هاحكيلكو عملت إيه عندو.

شكراً على حسن التعاون و سرعة الرد

**ihab** · 19-01-2009 09:34 AM

انا بابقى يوم الجمعة قريب من هناك لو تحب اوديك ليه ان شاء الله

**ahit** · 20-01-2009 04:03 AM

المشاركة الأصلية كتبت بواسطة ihab

انا بابقى يوم الجمعة قريب من هناك لو تحب اوديك ليه ان شاء الله

السلام عليكم و رحمة الله و بركاته

يا أستاذ/ إيهاب ... و الله إنت راجل زوق و محترم
جزاك الله خيرا و يجعلو فى ميزان حسناتك إن شاء الله
بإذن الله حاروحلو خلال الإسبوع دا و لو ربنا ماقدرليش المرواح هاتصل بحضرتك و نتفق على ميعاد و نتقابل و نروحلوا بأمر الله.
بس أتمنى ما يكونش دا حمل تقيل و مجهود على حضرتك بالرغم من إشتياقى لمقابلتك و الله

شكراً لإهتمامك و مساعدتك و إحترامك

**ابوهاشم** · 20-01-2009 02:05 PM

استاذ احمد حسن
انا سالتلك واحد زميلى لسه مغير الشكمان بالكامل بالديول
عند واحد اسمه عبوده بتاع شكمانات هو فى نفس المكان ده برضه بعد المزلقان هتلاقى مدرسه على شمالك تلف معاها فى واحد اسمه عزب ميكانيكى بيتلز قدام المدرسه وعبوده جنبه وهو كلفه كله بالتركيب 190 جنيه

الموضوع: سؤال بخصوص شكمان البيتل ؟؟؟

LinkBack

أدوات الموضوع

عرض

سؤال بخصوص شكمان البيتل ؟؟؟ - انشر الموضوع فى :

-

-

-

-

-

-

-

-

-

المواضيع المتشابهه

سؤال بخصوص عفشة البيتل

سؤال بخصوص سنسور الحرارة فى البيتل ؟؟؟

إستفسار بخصوص العداد و أمبير البنزين فى البيتل ؟؟؟

سوال بخصوص عدادات البيتل ؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة