الموضوع: صوصوة في الدبرياج..!

أنا لسه الموضوع ده حاصل معايا بالظبط .. أول ما أدوس دبرياچ ع الأخر بسمع صوت .. صوصوه أو صفير

وبمجرد مأشيل رجلي حاجة بسيطه الصوت يروح والكلام ده إتقالي إنه بسبب البلية بتاع الدبرياچ

بس بيحصل حاجة تانيه مش عارف ليها علاقه بالبليه ولا لأ :
وهي إنه الـ Rpm عالي عن معدله الطبيعي يعني مثلا التاني أخره 55 60 والخامس 140 145

والخامس علي 100 بيبقي الـ Rpm علي 3500

وإتقالي إنها محتاجه طقم دبرياچ كامل بس مش عارف إذا كان صح ولا لآ

المشاركة الأصلية كتبت بواسطة r0xer

بالظبببببببببط كدا.

عموما انا حجزت صيانة وهسيبهالهم و هما يعيشو فيها .

متهيألى ...كدة ان الدواسة بتاعة الدبرياش عاوزه اعادة ضبط وتحديد مشوارها.........لأن صعب يكون فية حاجة فى ملحقات الدبرياش

ايييييه خلاويص المشكلة خلصت.

المشكلة كانت تاااافهة...الراجل مجرد حط سبراي wd-40 وانتهت المشكلة و الدواسة بقت ناعمة جدا و لذيذة ومبتقولش لا..ولابتعمل صوت ولاغيره

ياريتني كنت عملتها بنفسي بدل صداااااع التوكيل.

المشاركة الأصلية كتبت بواسطة umoussa

بص أنا حريحك، بتحس ان دوسة البنزين بتاعتك مفروض تجري العربية اكتر مهي بتجري فعلاً وان صوت العربية بيعلى على الفاضي مع ان الصوت ده مفروض يكون على سرعة اعلى من كده؟

بالظبط كده .. و بمعني أخر الغيارات قصيرة مبتجيبش سرعات المفروض إنها تجيبها

الموضوع ده حصل عندي في العربية شاهين موديل 2008 اول ماجبت العربية كانت كويسه وبعدين قبل ما اكمل الف كيلو حصل الصوت ده وكانا موجود باستمرار طول ما هي ماشية العربية بس لوضغط دبرياج ولو سنه بسيطه يروح الصوت .
ورحت التوكيل علشان الضمان قبل 1500 كيلو ومعرفش عمل ايه في الدبرياج وبعديها مفيش يومين حدث الصوت تاني .
رحت لميكانيكي راح قلي هات مسمار 13 وبعدين ربطه وضغط بيه على دواسه الدبرياج اللي انت بتضغط عليها برجلك بس حسيت ان العربية مش بتسحب وصوتها علي رحت شلت المسمار وسألت اصدقائي عن الصوت فقالو لي روح للبشمهند المكانيكي سيد مرسيدس رحت وياريت ما روحت .
قالي ده من البليه لازم تتغير اول ما سمع الصوت رحت جبت بليه دبرياج جديده وركبها الباشا بع ما أخد 5 ساعات وهو يفك في الدبرياج علشان ينزله وبعدين غير البليه كام ياباشا خلاص هات بس 50 جنيه و 10 جنيه للاولاد وخت عربيتي ومشيت والصوت راح وفرحت لاكن يا فرحه ماتمت اسبوع والصوت رجع تاني
رحت انا قلت ما اشوف ايه سبب الصوت لقيت انه في سوسته ماسكة الدواسه من الداخل ف الدواسه مش حرة الحركة قلت لما اشيل السسته ده واشوف وفعلا شلت السوسته وراح الصووووووووووووووووت اخيراً بس عند ملامسه الدواسه برجلي يجي الصوت ويروح اول ما ادوس واغير الحمد لله