صوت فى العفشة - مطلوب عفشجى فى مدينة نصر

**aratux** · 17-01-2009 03:47 PM

بقى عتدى صوت مزعج و انا ماشى حتى لو ماشى فى طريق مستقيم, صوت كدة زى تخبيط قدام فى الحوض و بيزيد لو الطريق مش ممهد
شكيت إنها الكبالن, بس و انا رافعها النهاردة علشان أربط العفشة لقيت مافيش زيت أو شحم عليهم

فيه عفشجى كويس و متجرب فى مدينة نصر؟ يفضل فى الحى التامن أو العاشر

**ihab** · 18-01-2009 10:12 AM

لو الصوت و انت ماشى فى خط مستقيم يبقى مش الكبالن
ممكن تكون المساعدين او البطاحات او المقصات و ممكن تبقى حاجة مش مربوطة كويس و ممكن تبقى قواعد
يعنى احتمالاتها كثير و محتاجة حد يشوفها
هل لما ربطت العفشة كشفت على جلب المقصات و البطاحات و المساعدين ؟؟؟

**aratux** · 18-01-2009 10:20 AM

الراجل اللى بيربط ماكانش يعرف
قالى روح لعفشجى
انا كنت باربط العفشة فى محطة بنزين موبيل, و حط Wd-40 على كل حاجة من تحت

**umoussa** · 18-01-2009 09:46 PM

دي مساعدين تعبت وبوظت بلية البطاحة

حضرتك محتاج جوز مساعدين وبليتين واحتمال بطحتين

علشان تعرف بنفسك

افتح الكبوت اضغط على الرفرف اليمين أو الشمال لتحت ولفوق هز العربية يعني وشوف راس المساعد لو اتحركت يبقى زي مقولتلك لو متحركتش يبقى شوف بيض المقصات

الكبالن الداخلية لو مبوشة تعمل غربلة في الطارة على الطوالي وصوت كركرة لك ما تزود بنزين تحس بيه تحت رجليك والخارجية طبعا بطقطق في الملفات

**umoussa** · 21-01-2009 10:21 PM

المشاركة الأصلية كتبت بواسطة aratux

الراجل اللى بيربط ماكانش يعرف
قالى روح لعفشجى
انا كنت باربط العفشة فى محطة بنزين موبيل, و حط Wd-40 على كل حاجة من تحت

WD-40 دا للصدأ وفك المسامير مش للتزييت يعني هو عمل غلط أفضل حاجة التشحيم وشحم بترومين وإمارات مصر هما الأفضل

**aratux** · 18-01-2009 11:02 PM

شكرا يا باشا
هاجرب الصبح و أشوف كدة

إيه هية الكبالن الداخلية دى؟
عموما فى الطوالى, ماعنديش مشاكل فى الطارة

حضرتك عندك فكرة المساعدين و البلى و البطاحتين يعملوا كام للانسر 2002؟

**umoussa** · 19-01-2009 12:21 AM

المشاركة الأصلية كتبت بواسطة aratux

شكرا يا باشا
هاجرب الصبح و أشوف كدة

إيه هية الكبالن الداخلية دى؟
عموما فى الطوالى, ماعنديش مشاكل فى الطارة

حضرتك عندك فكرة المساعدين و البلى و البطاحتين يعملوا كام للانسر 2002؟

نقل الحركة من الفتيس للعجل بعتمد على الكبلن الداخلي وعمود الوران والكبلن الخارجي

الكبلن الخارجي راكب على الالشمعدان إلي شايل الطنبورة بتيل الفرامل الكبلن الخارجي مربوط في عمود الدوران والناحية التانية من عمود الدوران (الأكس) راكب الكبلن الداخلي الي رابط على الفتيس الكبالن الداخلية لما تبوش تسمع صوت كراكة تحت رجليك كل متزود بنزين على اي نقلة وتحس بغربلة في عمود الدركسيون (القطمة)

بالنسبة للأسعار معلش أنا آسف معنديش فكرة بأسعار الياباني بس أظن في الحنين

**aratux** · 19-01-2009 09:47 AM

المشاركة الأصلية كتبت بواسطة umoussa

نقل الحركة من الفتيس للعجل بعتمد على الكبلن الداخلي وعمود الوران والكبلن الخارجي

الكبلن الخارجي راكب على الالشمعدان إلي شايل الطنبورة بتيل الفرامل الكبلن الخارجي مربوط في عمود الدوران والناحية التانية من عمود الدوران (الأكس) راكب الكبلن الداخلي الي رابط على الفتيس الكبالن الداخلية لما تبوش تسمع صوت كراكة تحت رجليك كل متزود بنزين على اي نقلة وتحس بغربلة في عمود الدركسيون (القطمة)

بالنسبة للأسعار معلش أنا آسف معنديش فكرة بأسعار الياباني بس أظن في الحنين

ألف شكر يا باشا
مازلت فى إنتظار عنوان عفشجى نضيف فى مدينة نصر (أصلى متعقد من الصنايعية عموما)

**umoussa** · 21-01-2009 10:18 PM

المشاركة الأصلية كتبت بواسطة aratux

ألف شكر يا باشا
مازلت فى إنتظار عنوان عفشجى نضيف فى مدينة نصر (أصلى متعقد من الصنايعية عموما)

بص للأمانة مفيش حد في مدينة نصر عدل كله طرشجية

وبالمناسبة، لاقيت راس المساعد بتتحرك؟

شوف هو فيه مركز في شارع المقريف ممكن يكون كويس في صنيعي هناك شاطر بس بصراحة مش فاكر اسمه أيه
بس أسعارهم في الحنين

**tananybasha** · 19-01-2009 12:09 AM

طيب انا فى الطوالى من 90-100 كم / ساعه
رجرجة فى كل العربية مع انى مرصص عجل قدام لدرجة ان عداد السرعة بيتهز
اعمل ايه
الكاوتش كان مقاسه 195-60-14 غيرتة 185-70-14 تويو يابانى بدل كونتناتال المانى الأصلى بتاع العربية وحساس ان السرعة بتخرف قوى يمكن بتدى 50% زيادة و لا انا خرفت
طيب يا باشوات
انا كان عندى مقاس العربية الأصلى 195-60-14 و جت عجلة ضربت و مالقتيش نفس النقشة
عموماً للظروف الأقتصادية كان عندى كاوتش تويو بتاع تويوتا كرولا 2006 جبتها و غيرت الكاوتش و خليت القديم عندى هو مقاسة 185-70-14
حاس ان عداد السرعة مخرف يعنى 20 كم تبقى قرب 35 - 40 كم ممكن اقل ساعات
احساسى صح و لا غلط و هل المقاس ده غلط على العقشة
اوبل فيكترا 1995

الموضوع: صوت فى العفشة - مطلوب عفشجى فى مدينة نصر

LinkBack

أدوات الموضوع

عرض

العرض المتطور

صوت فى العفشة - مطلوب عفشجى فى مدينة نصر - انشر الموضوع فى :

-

-

-

-

-

-

-

-

المواضيع المتشابهه

عايز عفشجى كويس فى مصر الجديدة او مدينة نصر

حادثه و مطلوب اسم عفشجى كويس

مطلوب عفشجى كويس فى الاسكندرية

عايز عفشجى م الاخر فى مدينة نصر

العفشة عبارة عن إيه و ما الفرق بين العفشة العادية و العفشة الرياضية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة