مطلوب مساعده فى عالم الميكروسوفت

**eng/muhamad** · 17-01-2009 10:40 PM

يا جماعه الجهاز عندى بطييييييييييييييئ جدااااااااااا
عملت format لكل حاجه على الجهاز
و عملت نسخه ويندوز جديده بعد ما الهارد بقى نظيييييييييييف ابيض يا ورد
و لسه الجهاز بطييييييييييييئ ايه الحل؟؟؟

**kemo0o** · 18-01-2009 12:17 AM

هو كده العيب بقى بعيد عن الويندوز ولكن انصحك تعمل سكان على الهارد ديسك لان احتمال يكون فيه Bad Sector

**فادى** · 18-01-2009 02:33 AM

هحتاج لبعض الأسئلة عشان نعرف السبب:
- هل قمت بتركيب نسخة ويندوز جديدة؟ مثلا فيستا, لو الجهاز مواصفاته قديمة الفيستا هيخليه بطىء.
- فى بداية تشغيل الجهاز, هيعمل كشف على الرامات, لاحظ العدد و قارنه مع الرامات اللى عندك فعليا, لو العدد أقل, يبقى فيه رامه بايظة, و ده هيتسبب ببطء شديد فى الجهاز, حصلت عندى مرة.
- ممكن يكون السبب فيروس موجود فى النظام, و منتشر فى الملفات الموجودة على أماكن أخرى خارج اطار الC: الى اتعمله فورمات, و بمجرد تشغيل احدى هذه الملفات, نشط الفيروس مرة أخرى.
حاول تشغيل Task Manager, من خلال الضغط على Ctrl-Alt-Del فى الاكس بى, و شوف استعمال المعالج CPU Usage, لو الاستعمال 100% فى معظم الوقت, يبقى فيه برنامج يتسبب فى استهلاك موارد الجهاز, ساعتها افتح الصفحة التانية Processes و رتب القائمة على أساس خانة الCPU بالضغط عليها, البرنامج أعلى القائمة هو الأكثر استهلاكا لموارد الجهاز و هيديك نسبة استهلاكه من ال100, حاول توقف تشغيله بواسطة Right Click -> End Process.

**elhdry2000** · 18-01-2009 03:15 AM

عملت format لكل حاجه على الجهاز. الهارد بقى نظيييييييييييف ابيض يا ورد

كلام الراجل واضح يا جماعة بلاش ندوخة
اولا يا باشا اعمل اللى هقلك علية وادعيلى
1 - فى حجر صغير كدة عامل وزى حجر الساعة شيلة من المازر بورد وشغل الجهاز واما يفتح الجهاز شيل فيشة الباور عشان ترجع الاعدادت الافتراضية للجهاز وبعدها ادخل وندوز وشوف
2- لو المشكلة لسة موجوة غير الفانة بتاعة تبريد البروسسور (المروحة)احتمال تكون شغالة ببطىء ودة بيولد حرارة عالية جدا على المعالج بيفقد قدرة كبيرة من صلاحياتة
3- اعمل فورمات من الدوس للهارد وشوف لو علية باد سكتور
وادعيلى يا جميل

**M.Mokhtar** · 18-01-2009 11:54 AM

المشاركة الأصلية كتبت بواسطة elhdry2000

كلام الراجل واضح يا جماعة بلاش ندوخة
اولا يا باشا اعمل اللى هقلك علية وادعيلى
1 - فى حجر صغير كدة عامل وزى حجر الساعة شيلة من المازر بورد وشغل الجهاز واما يفتح الجهاز شيل فيشة الباور عشان ترجع الاعدادت الافتراضية للجهاز وبعدها ادخل وندوز وشوف
2- لو المشكلة لسة موجوة غير الفانة بتاعة تبريد البروسسور (المروحة)احتمال تكون شغالة ببطىء ودة بيولد حرارة عالية جدا على المعالج بيفقد قدرة كبيرة من صلاحياتة
3- اعمل فورمات من الدوس للهارد وشوف لو علية باد سكتور
وادعيلى يا جميل

كلام مش منطقى اوى

المهم الاول قولنا منزل انهى وندوز؟
البروسيسور بتاعك ايه؟
الرامات قد ايه؟
الهارد قد ايه؟
الpartition اللى عليه الوندوز مساحته قد ايه وفى قد ايه free space
منزل برامج كتير ولا جربت الوندوز من غير برامج ولا العاب وكان برده بطئ؟