السلام عليكم و رحمة الله و بركاته
الى كل أعضاء نايل موتورز الكرام و ما يضمه هذا المنتدى الكريم من نُخب فكرية مُثقفة و واسعة الأفق أتقدم بعرض خدماتى عليكم كطبيبة أسنان فى أى استشارة طبية أردتم السؤال عنها.
و لكم منى جزيل الشكر.
عرض للطباعة
السلام عليكم و رحمة الله و بركاته
الى كل أعضاء نايل موتورز الكرام و ما يضمه هذا المنتدى الكريم من نُخب فكرية مُثقفة و واسعة الأفق أتقدم بعرض خدماتى عليكم كطبيبة أسنان فى أى استشارة طبية أردتم السؤال عنها.
و لكم منى جزيل الشكر.
جزاكم الله خيرا
و مشكورة على مجهودك يا دكتورة مقدما و فعلا المنتدى بيتقدم للاحسن بمشاركات الأعضاء الممتازة و ربنا يزيده ان شاء الله و تزداد المشاركات الفعاله زى مشاركه حضرتك
و شكرا
اووووووه يا مسلمة فكرة جميلة
بس ياريت تطبيق عملي هاتلاقيني زبونة مستديمة
أول استشارة :
انا اوقات لما بقوم من النوم بحس ان سناني زي ما هتكون هتتخلع مش عارف ليه ؟؟؟
تاني حاجة انا ولله الحمد في حياتي ما دخلتش عند دكتور اسنان فعاوز اسال هل لازم اروح انظف سناني ولا اكتفي بمعجون الاسنان لان فيه ناس قالت لي لازم كل فترة تروح ؟؟
و انا كان عندى استفسار لحضرتك انا كنت شيلت عصب لضرسى قبل كدة بس اصلا ما كنتش باكل عليه و قلت اشيل العصب و احشيه عشان استخدمه و برضه بيوجعنى و ما بعرفش اكل عليه
و شكرا
أولاً ممكن أسألك كام سؤال؟
انت من عادتك انك تجز على أسنانك ، يعنى لو اتضايقت ممكن تخبط أسنانك فى بعض؟
بتصحى من النوم مصدع؟
ممكن تشرب حاجة سُخنة أوى أو حاجة ساقعة أوى و لا بتعانى من حساسية؟
الأسئلة ديه اجابتها مهمة لأنك بالشكل ده بتعانى من الجز على الأسنان لأن ربنا سبحانه و تعالى جعلنا فرق طبيعى بيحدث بين الفك العلوى و الفك السُفلى أثناء النوم 3ملم عشان عضلات الفك ترتاح و لكن مشكلة اللى بيعانى من الجز انه مش بيوجد الفرق ده فبيحصل ارهاق فى عضلات الفك و مش بس كدة بيحصل تآكل فى طبقة المينا الخارجية مما يؤدى الى كشف طبقة العاج التى تحتوى على انابيب عصبية فعشان كدة ممكن تشعر بالحساسية و للأسف مشاكله كثيرة أوى ممكن يؤدى الى حدوث الصداع النصفى و يؤثر أيضاً على مفصل الفك .
علاج الجز شئ بسيط جداُ ان الدكتور يأخدلك مقاس و بنركب حاجة اسمها(nightguard)ديه بتبقى زى فاصل بيتركب على الفك السفل على الأسنان بتكون مٌنطبعة على شكل الأسنان و بتكون من مطاط عشان نقدر نوجد الفرق اللى انت مش قادر توجده و ده بيتلبس و انت نايم بالليل.
بالنسبة لزيارة طبيب الأسنان المفروض انه يبقى فيه زيارة دورية الى عيادة الأسنان كل 6 شهور.
بالنسبة لازالة الجير من الفم ، التراكمات الجيرية لا تستطيع أن تُزيلها فى المنزل و لا زم الدكتور هو اللى يشيلهالك .
أرجو انى أكون أفدتك ، و ياريت تجاوب على الأسئلة اللى سألتها عشان نتأكد بتجز على ضروسك و لا لأ.
الله عليكى يا دكتورة
ربنا يبارك فيكى و يجازيكى كل خير عن تعبك و مجهوداتك الجميلة
اطلب لكى التوفيق دائما و منورة المنتدى و العيادة الطبية
على فكرة انا كنت سبق و تقدمت للادارة باقتراح لفتح قسم خاص بالطبى يكون شامل كل التخصصات مجتمعة
لانة بالفعل اكتر من دكتور قدم خدماتة مشكوررررا لوجة الله
بس الادارة لم تستجب بعد
وانا من عيادة حضرتك بكرر الاقتراح ملتمسا ان يدخل حيز التنفيذ هذة المرة
بس بوصيكى لو نور جاتك اتوصى بيها مليح :3_3_102[1]: فى الروشتة علشان تصرفها من عندى
:36_1_2[1]:
علشان تبعد ام صلاح عننا خالص :k48::k48::k48:
بجد شكرااااااا لكى
ووفقك الله دائما
أولاً احنا مش بنحشى الضرس حشو عصب الا لو كان التسوس وصل للعصب
ثانياً:حشو العصب لو صحيح مش هيوجعك خالص.
نصيحتى ليك انك تعمل أشعة على الضرس اللى انتا حاشيه و تروح لدكتور شاطر يشوف الحشو مظبوط و لا لأ.
لو مش مظبوط الدكتور هيعيدهولك تانى و لو حشو العصب مظبوط خلى الدكتور يكشف عليك اذا كنت بتعانى من جيوب لثوية لأن الجيوب اللثوية بتألم مع الساقع و الحلوو ده بيحتاج تنظيف للجيوب اللثوية و علاج للثة.
و ألف سلامة على حضرتك.
شكرا بحجم الكون ايتها الدنتيسه القديسه
انت فى الكون قدوة .. انت فى الحب الرئيسه
شكراً للدكتورة / مسلمة
جزاكى الله خيراً
خااااالص مابتحصلشاقتباس:
انت من عادتك انك تجز على أسنانك ، يعنى لو اتضايقت ممكن تخبط أسنانك فى بعض؟
لا برضهاقتباس:
بتصحى من النوم مصدع؟
عادي جدااقتباس:
ممكن تشرب حاجة سُخنة أوى أو حاجة ساقعة أوى و لا بتعانى من حساسية؟
واضح عليكي انك طيبة اوي يا مسلمة :devil2:
لعلمك والله اسناني بتوجعني مجرد ما اشوف دكتورا سنانلاني زبونه مستديمة وعندي عقدة منهم ماعدا انتي يا جميل :devil2:
يااااااه صداقات الانترنت دي مفيدة جدا لغاية دلوقت طبيبة اسنان مجانية وصرف ادوية من عيادة دكتور اليشع مجاني لكل اعضاء نايل موتورز :36_1_2[1]:
عقبال باقي التخصصات .. اما نشوف نايل ستورم تخصص ايه عشان نضمه للفريق
اولا جزاكى الله كل خير
ثانيا استشارة
انا كنت عامل تقويم اسنان من حوالى 6 سنين كان عندى 16 سنة وخلعت 4دروس وعملت التقويم وخلصت واسنانى اتظبططت
حاليا 3 دروس العقل طلعهم والرابع منظرة بيفكر فضغطم على الاسنان لان الفك عندى صغير واتعوجوا تانى اية الحل ؟؟؟
وهل لازم اخلع دروس العقل؟؟واعمل تقويم تانى ولا اية
شكرا لحضرتك
والله الواحد مش عارف يقول ايه ولا ايه ولا ايه
اقول شكرا مش كفاية
اقول مليون شكرا مش كفاية برضو
اهنىء الاعضاء جميعا على تلك المبادرة الكريمة
والى المزيد من الرقى والتقدم والازدهار لهذا المنتدى المحترم
ولجميع اعضاءه
:verygood::verygood::verygood::verygood::verygood:
kemo0o
الحمد لله احنا اطمنا كدة انك مش بتجز على ضروسك بس ده ميمنعش انك تروح زيارة لطبيب الأسنان عشان تقوله المشكلة اللى انتا بتحس بيها أما تصحى.
أنا طول عمرى مش بأقتنع بدكتور المجلة اللى بيكشف على الحالة و يقول الاستشارة من غير ما يشوفها و يكشف عليها اكلينيكياً بس أنا قلت ممكن أساعدكم بحاجات بسيطة كدة بس ده ميمنعش انكم لازم تروحوا لدكاترة عشان الكشف الاكلينيكى مهم جدااا.
بالنسبة لاستشارتك أنا مأقدرش أفيدك فيها لأنى مش مُتخصصة تقويم و خلى بالك من النقطة ديه أوى اللى لازم تسأله يكون طبيب أسنان عامل ماجستير أو دكتوراة فى التقويم لأن فيه بعض الدكاترة بتفتونوا و يشتغلوا للعيانيين و يبوظوا الدنيا.
بس أنا ممكن أبقى أسألك حد من أصدقائى المُعيدين فى قسم التقويم و هأبقى أقولك.
الله يسلم حضرتك
شكرا على رد حضرتك بس هو ساعتها فعلا كان عمل الاشاعه و كل حاجه بس كان قالى اجى اعمل طربوش على السنه عشان بتبقى ضعيفه بعد حشو العصب لان مفيش دم بيغذيها تقريبا و انا ما روحتلوش تانى بصراحه
يمكن يكون ده السبب و لا بعيد
و شكرا لمجهود حضرتك
ضروس العقل زى أى ضرس فى الفم لو مش مسبب أى مشاكل فمش لازم يتخلع.
معلومة مهمة : فيه بعض الناس بتفتكر ان ضرس العقل مُرتبط بالنمو العقلى المعرفى و هذا أبعد ما يكون عن الحقيقة ، هو سُمى ضرس العقل لأنه يظهر فى التجويف الفمى عندما يبلغ الشخص السابعة عشرة أو الثامنة عشرة من عمره أى يكون متواكباُ مع النمو العقلى المعرفى و مرحلة النضوج.
سيدى الفاضل الضرس بعد حشو العصب يُفضل له أن نُغطيه بطربوش كى يحميه و هذا يعود لعدم وجود تركيب سنى كافى يحمى الضرس من الطحن عليه و لكن عدم وجود طربوش ليس سبباً للاحساس بالألم فمازالت نصيحتى لك أن تذهب الى طبيب آخر كى يطمئن على حالة حشو العصب فى هذا الضرس لأننى كما قلت سابقاً (لو الضرس معمول صح مش هيوجعك خالص).
و ألف سلامة على حضرتك.
كنت منذ زمن قمت بحشو الضرس الذى قبل ضرس العقل فى الجانب الايسر والاسفل فى الفم ومنذ ما يقرب 4 سنوات الحشو فقد من مكانه
ولدى الضغط الدم غير مستقر وذهبت لاكثر من طبيب والكل رفض علاجى خوفا لان الضغط كثير يكون منخفض جدا
واخاف ان يصيب القلب باى عدوى
طبيب القلب يقول اذهب الى طبيب اسنان والعكس كذلك طبيب الاسنان يخشى الاقتراب ماذا افعل
سيدى الفاضل أنت قمت بحشو عادى للضرس؟
طيب ايه المشكلة ، الحشو وقع...مفيش حد عايز يركبه ليه؟
طيب حضرتك بتقول انك عندك ضغط دم غير مستقر : يعنى حضرتك بتعانى من ضغط دم مرتفع و لا منخفض؟
حتى لو حضرتك بتعانى منه مفيش أى مشكلة الضرس ممكن يتحشى
حتى لو حشو عصب الموضوع مفيهوش أى مشكلة و ممكن يتحشى برضه
لو هما خايفين من عدوى فى القلب فهما خايفين من حاجة اسمها(infective endocarditis)و ديه بنخاف منها أما نتعامل مع مرضى القلب و لكن بغطاء من المضادات الحيوية قبل العمل لا نخاف من أى شئ و نستطيع أن نعمل فى أمان.
حضرتك بتعانى من أى حاجة غير الضغط؟
شفاك الله و عفاك و ألف سلامة على حضرتك
رابط موضوع د/أحمد سامى فى عيادة استشارية فى طب الأسنان
http://http://www.nilemotors.net/Nil...ad.php?t=12484
ماكنتش أعرف ان الموضوع مُكرر....المهم حصل خير.
السلام عليكم
انا الحمدلله سناني كويسة بس واحنا في رمضان في جتة صغيرة اتكسرت من سني وانا بفطر:p وبقيت حاسس السن كانو مبرد المهم كم يوم والاحساس ده خف
بعديها بشهرين تقريبا وانا باكل برضو حتة تانبة وقعت من سن تاني بس اكبر من الاولانية ولحد دلوقتي بحس ان الحتة دي بتكبر والسن كأنو مبرد
يا ريت اعرف ايه سبب المكشلة دي وعلى فكرة انا بشرب بيبسى كتير فممكن ده يبقى سبب ؟؟
وايه الحل
والف شكر ليكي مقدما
السلام عليكم انا كان عندى مشكلة فى ضروسى عند البرد الشديد احس بالم رهيب فى ضروسى وسعات احس بطعم دم فى دكاترة قالولى ان دة التهاب لسة فى دكترة تانية قالولى ان المشكلة دى من العصب وخت ادوية وحجات تانية كتيرة بس ما فيش فايدة على وللعلم انى بغسل سنانى مرتين يوميابلمعجون والموضوع دة فعلا عاملى مشكلة لان فى اوقات كثيرة بكون متواجد فى اماكن باردة خارج مصر وبارك الله فيكى وجزاكى كل خير
سيدى الفاضل حتة من أسنانك اتكسرت و انت بتأكل يبقى ، أكيد السن ده كان مسوس و ده اللى أدى من الضغط عليه أثناء قطع الطعام انه يتكسر.
و الدليل على كدة ان فيه حتة من سنة تانية اتكسرت يبقى انت لازم تروح لدكتور أسنان عشان يشوف أسنانك و يكشف عليها و ينظفها و يحشيها.
بالنسبة لشرب البيبسى ، البيبسى مش هتسبب وقوع الأسنان و لكن شرب السكريات مع عدم تنظيف الأسنان بالفرشاة سيؤدى الى التسوس و كثر شرب الكافيين(اللى موجود فالبيبسى زى الشاى و القهوة) يؤدى الى تكون صبغيات على سطح الأسنان الخارجى و ديه بتتشال بالتلميع.
أسأل بس كام سؤال قبل ما أرد
حضرتك قلت ان فيه دكاترة قالوا ان عندك التهاب فى اللثة طيب هل قام الدكاترة بفعل الآتى
علاج اللثة
الكشف على وجود جيوب لثوية ام لا.
حضرتك قلت ان فيه دكاترة قالوا ان المشكلة من العصب طيب حضرتك بتعانى من ألم أثناء شرب الساقع و السخن.
ممكن أسأل حضرتك اذا كنت بتعانى من الجيوب الأنفية ، أما تيجى توطى يجيلك صداع أو متقدرش تكون فى حالة السجود فترة طويلة.
محتاجة حضرتك تجاوبنى على الأسئلة ديه قبل أما أرد.
و شفاك الله و عفاك من كل سؤ.