اصوات غريبه

**yaskhl** · 18-01-2009 09:40 PM

معلش انا باتدخل فى الموضوع الاصلى بس هو يتعلق بالكرونة برضه. انا معنديش ونه بس بأحس بصوت خشونه جاى من ورا مع السرعة وفيه ساعات صوت زى طقه لما باشيل رجلى من على البنزين وتنميله قد تصل لرعشه. غيرت صلايب عمود الكردان وتم مراجعه كل شئ ولم نتوصل لشئ.
رجاء المساعدة لمن مر بهذه المشكلة. مع العلم ان السيارة شاهين.

**samirayad** · 18-01-2009 10:29 PM

لازم تكشف على الكرونة.......دا بوش تروس أوفية ترس مشوه.....وهو دة اللى بيعض أو بيطق معاك عند رفع القدم فجائيا من على البنزين.......

**ahmedmok** · 19-01-2009 02:11 AM

شكرا بجد لكل اللى شرفونى بالرد. رجعن للمكانيكى و قالى ان ان الونه دى مش حتسمعها الا بعد سرعه 100 كم و مع الوقت حتختفى خالص لان التروس حطبع على بعض مع المشى .هل هذا الكلام صحيح؟؟؟؟

**ahmedmok** · 19-01-2009 02:21 AM

نسيت اقول ان المشكله اصلا انى مش عارف دى ونه فتيس ولا كورونه ...بس الميكانيكى قالى دى كورونه و حلها و لم البوش اللى كان بسيط جدا على حسب كلامه ....و بسمع صوت تروس الفتيس من عند العصايه واحد ميكانيكى برضه قالى ان الجلد اللى على العصايه مش محكم ....مع انى شايفه فابريكه .....و الله الواحد حيتجنن من مشاكل العربيات و من الميكانيكيه اللى معندهمش ضمير ....الواحد كان مرتاح من العربيات و مشاكلها ...و كنت زمان بحسد اللى معاه عربيه و دلوقتى بحسد اللى معندهوش عربيه .

**yaskhl** · 19-01-2009 04:16 AM

هل ممكن اصلاح بوش التروس فى الكرونة. انا سمعت ان الاصلاح فيها لا يجدى.

**samirayad** · 19-01-2009 07:17 PM

المشاركة الأصلية كتبت بواسطة yaskhl

هل ممكن اصلاح بوش التروس فى الكرونة. انا سمعت ان الاصلاح فيها لا يجدى.

لما بيكون البوش قليل بيتم التغلب علية مؤقتا بتغيير لزوجة الزيت لدرجة أعلى أما لو البوش كبير فلابد من تغيير الكرونة....أو التروس الداخلية ان أمكن ذلك.....ولكن تغيير الكرونة بيكون أفضل

**yaskhl** · 20-01-2009 01:02 AM

شكرا أ/سمير
هو الميكانيكى قالى ماينفعش فيها الاصلاح وهى مافيهاش ونه وحالتها كويسه وممكن السبب يكون الجنوط.
معلش استفسار اخير هو ممكن يكون الكردان متركب غلط فى الكرونه؟
او تكون كاوتشه الفلانشه بتاعه الكردان ناشفه؟
وتعمل الخشونه وصوت الطقه دى.

**samirayad** · 20-01-2009 08:10 PM

المشاركة الأصلية كتبت بواسطة yaskhl

شكرا أ/سمير
هو الميكانيكى قالى ماينفعش فيها الاصلاح وهى مافيهاش ونه وحالتها كويسه وممكن السبب يكون الجنوط.
معلش استفسار اخير هو ممكن يكون الكردان متركب غلط فى الكرونه؟
او تكون كاوتشه الفلانشه بتاعه الكردان ناشفه؟
وتعمل الخشونه وصوت الطقه دى.

طالما فية طقة فهو وارد حدوثها من صلايب الكردان......