طيب ممكن تفهمونا واحدة واحدة --يعنى اية تسجيل سيارة وبنسجلها فين وبنسجلها لية--افضل من الخلافات --
عرض للطباعة
طيب ممكن تفهمونا واحدة واحدة --يعنى اية تسجيل سيارة وبنسجلها فين وبنسجلها لية--افضل من الخلافات --
أستاذ جنيدى طبعا سؤالك هو بسيط بس إنت مش عارف الإجابة لأنك عايش بره مصر أم الدنيا :) بس بوضح عشان الأعضاء إللى ميعرفوش
الإجابة :
إنت لما بتروح تشترى عربية مستعمله و ليكن منى أنا فعشان تثبت ملكية السيارة و تنقلها ليك ؟ بتعمل إيه ...حاجة من 2 يا بعملك توكيل يا بروح معاك الشهر العقارى و أسجلك
سواء ده أو ده فى النهاية لازم تسجل و لما تروح تسجل لو العربية موديل حديث بيدفعوك رقم ممكن يعدى ال 1500 جنيه مش لحاجة بس عشان إنت راجل معاك فلوس ...دى نظرة الدوله بتنظرلك على أنك تقدر تدفع فى سيارة رقم فوق ال 50 ألف إذن مش خسارة فى الدوله 1000 و لا 2000 إتاوة يعنى
التسجيل هدفه إثبات الملكيه ذي ما بتروح تسجل شقتك أو أرضك ...أتمنى أكون وضحت
أنا مردتش أرد غير لما يتجمع اكبر قدر من الردود علشان أشوف انطباع الناس
أولا بالنسبه للناس اللي قالوا حرام وأن المحامي بياكل سحت وان ده نصب
ممكن أعرف نصب ليه ؟ ونصب على مين؟ نصب على اداراه المرور ولانصب على الشهر العقاري ولا نصب على الحكومه كلها ؟ متهيألي موش نصب على الشهر العقاري لأن المحكمه بتقدميلي نفس الخدمه وهي اثبات ملكيتي للعربيه بس بسعر أقل زي بالظبط ورشتين بيدهنوا عربيتات واحد مشهور وكل الناس بتروح له وغالي جدا وواحد موش معروف أوووي وسعره رخيص هل غلط أني أروح للرخيص رغم انهم كفاءه واحده؟
ولو قصدهم نصب على الحكومه موش الشهر العقاري والمحمكه الهيئتين دول تابعين للحكومه زي فكره وكلاء البيع اللي عنده كذا فرع وكلهم بيقدموا خدمه واحده للجمهور بس صاحب المحلات شايف اني في واحد معروف ومشهور وبيقدم الخدمه أسرع فغلى الأسعار فيه والتاني محدش عارفه واجراءته صعبه فرخصه شويه ياريت الناس تفكر شويه قبل ما ترمي الاتهامات على الناس جزافا".
واللي موش مقتنع بكلامي ياريت يناقشني
عزيزى عبدالله
أكرر . . مع احترامى لكل صاحب رأى و لنوايا الجميع الحسنة ، هنا احنا بنتكلم على صحة اجراء ، بنوصف و بنقيم اجاراء بمنتهى الحرية بدون اسقاط على أشخاص أو أسماء، أخذا فى الاعتبار تجريم الفكرة بوصفها تحايل مع كافة الاحترام لصاحبها. .
- بمنهى الوضوح مع النفس قبل الصراحة و الوضوح مع الأخرين :هل هذا تصرف سليم ، هل لما يبقى ظاهرة ، مش هايصدر تشريع خاص لتجريمه . . هذا سؤال
- لحد امتى هانشترى عربية بمبلغ كبير، و نستخسر 1% حق الدولة اللى هى احنا ( وليست عدو لنا أو مراة أبونا )
- مش الجمارك اتخفضت قريبا ، و معظم الناس ركبت ال 1600 !!!! و لسه تخفيض 2000 و يتسنى ركوبها لفئة كبيرة كانت تكتفى بمشاهدتها و التغنى بمفاتنها فقط ....!!!
- ألم يكن معروف للجميع أن رسوم الشهر العقارى ستزيد على السيارات بنسبة محدودة بعد قرارات تخفيض الجمارك، فى المقابل تم تخفيض رسوم تسجيل العقارات، أليس هذا جزء من منظومة اصلاح اقتصادى ( بشكل عام يمكنك بهدوء ملاحظة طفرة فى اقتناء السيارات كما و نوعا بين جيل حالى و جيل سابق كان قمة اعجابه الـ 128 و اللادا و الـ 133 و 132 و خلافه من الأرقام )
و فى الأول و الأخر : استفد من أى ثغرة قانونية كماشئت ، لكن ساعة الحساب النهائى (أمام الله) لن يكون هناك أى ثغرات
فلا تحجر على رأى أحد فى وصف الاجراء أو تسمية الاجراء، مع كامل الاحترام لأصحاب الرأى
كيف تهرب من رسوم تسجيل الشهرالعقاري
ياجماعة حتى العنوان : كيف تهرب من . . .
الاخ صاحب الموضوع لم يكن موفق فى اختيار العنوان المناسب لموضوعة على الاطلاق -- لدرجة انى كنت فاكر انة بيتكلم عن حاجة -جديدة او غريبة وهو اكتشف طريقة للتهرب منها --ولكن بعد توضيح الاستاذ حفناوى --اعتقد ان ما يقصدة الاستاذ-صلحب الموضوع --هو --صحة توقيع وتحل محل التسجيل --وهذا ليس تهرب كما وصفة هو --ولكنة حل بديل وتكاليفة اقل --وتأخذ بة حكم من المحمكة --يعنى مش اختراع --شكراا للتوضيح يا استاذ محمود حفناوى--على فكرة والله العظيم انا اول مرة اعرف ان السيارات كمان لازم تتسجل--لان الاجراء اللى اسمة صحة توقيع دة عملتة فى شقتين قبل كدة---وواحد من المحامين اللى اتعاملت معهم كان شيخ او ى يعنى --مل فيهاش حرمانية --ولا فيها تهرب --
"ياأيها الذين امنوا أتقوا الله وقولوا قولاً سديداً يصلح لكم أعمالكم ويغفر لكم ذنوبكم ومن يطع الله ورسوله فقد فاز فوزاً عظيماً"
ياأخى هل أنت من داخلك مقتنع بأن هذا غير حرام ، أظن لا ، بالظبط مثل المحامى اللى عارف أن موكله قتل أو سرق ويكون القاتل أو السارق معترف بهذا أمام المحامى ويأخذ براءة من قتل نفس مثلاً ولا عقوبة عليه ، لا لشئ ألا لخطأ فى إجراءات الضبط مثلاً أو ثغرة فى القانون ينفذ منها ويحصل لموكله على البراءة ، وبالطبع فهو اثم مع القاتل ويفتكرها شطارة والناس هاتدعيله ، وأفعل ماشئت فكما تدين تدان ، أو كما قال صلى الله عليه وسلم - فيما معناه - الحلال بين والحرام بين ، وبينهما أمور مشتبهات فأدجتنبوا الشبهات صدق رسول الله صلى الله عليه وسلم
الأخ الفاضل الأستاذ / جنيدى
بالنسبة للى حضرتك بتقول عليه وعملته عند تسجيل الشقتين فده طبعاً إجراء قانونى سليم ولاغبار عليه ، لأن سعادتك كنت بتعمل إثبات لصحة توقيع الشخص اللى باعلك الشقة يعنى أمام الجهات الرسمية التوقيع مش مزور ( وأدى الجمل وأدى الجمال )
ولكن ماأثاره الأخ الفاضل بكيف تهرب من رسوم التسجيل بالشهر العقارى فشوف هوه والمحامى بيعملوا أيه وده كلامه " انت هترفع على نقسك قضيه تطلب فيها من نفسك انك تتملك العربيه يعني انت المدعي وانت المدعي عليه انت المدعي علشان معاك توكيل وانت المدعي عليه علشان انت اللي معاك العربيه المهم هيطلع ليك عقد صحه ونفاذ من المحكمه تاخد العقد وتوثق بيه "
يعنى عملية لف ودوران على القانون ، هل يعقل أنك ترفع على نفسك قضية !
الحلال بين والحرام بين
اقتباس:
يعنى عملية لف ودوران على القانون ، هل يعقل أنك ترفع على نفسك قضية !
الحلال بين والحرام بي
يا عم خالد القانون دة لا هو قرآن و لا سنة ... يبقى فين الحلال و الحرام هنا بقى؟ الاجراء دة هدفه اثبات ملكية السيارة و القاضى اللى فى المحكمة فاهم كويس ان البائع هو نفسه المشترى و رغم كدة حكم له عادى ما قاللوش انت بتتحايل أو بتلف و تدور و بعدين العربية ملك الراجل بالفعل ماسرقهاش و المحكمة كل اللى عملته انها اعطته مستند يثبت به اعتراف الدولة بملكيته للسيارة ... مش فاهم ايه الحرام فى الكلام دة كله؟؟؟؟؟
أولا أنا أقبل ما اختار عنوان الموضوع فكرت كتير واختياري جاء من قناعه شخصيه بأن رسوم الشهر العقاري رسوم مبالغ فيها فعلى أي أساس يتم تحصيل 1% من قيمه العربيه وكنت أقصد بالهرب التخلص والفرار من ظلم الشهر العقاري ومبالغه المبالغ فيها ومع ذلك اعترف بأنه كان من الممكن اختيار عنوان أفضل.
ثانيا الأخوه اللي مازالوا بيتكلموا على أنه حرام أنا ليا عده اسئله اولا هل يعقل وانت مسافر الاسكندريه تدفع 2جنيه رسوم الخروج من القاهره وتدفع 2 جنيه رسوم دخول الاسكندريه وانت راجع تدفع تالت 2 جنيه الحروج من الاسكندريه وتدفع رابع2 جنيه دخول القاهره هل ده موش ظلم؟ وانت بتجدد الرخصه في مبلغ بيروح اصلا لطرق تحت بند استخدام الطريق يعني بتدفع مرتين مره لما تستخدم الطريق فعليا ومره لما تجدد الرخصه دي واحده.
الحاله التانيه حضرتك بتدفع ضريبه دخل ولما تيجي تشتري أي منتج تدفع ضريبه مبيعات يعني ضربيتين ليه ماتعرفش؟
الحاله التالته حضرتك تعرف سعر العربيات كام في ليبا وفي الخليج؟ حضرتك تعرف ان الكورلا في السعوديه ب42الف تقريبا يعني حوالي 65 الف مصري بالكتير وفي مصر بحوالي 115 يعني فرق اكتر من 45 الف داخلين خزينه الدوله جمارك وكمان موش عاجبهم فقرروا يزودوا 1% كمان.
الحاجه المهمه اللي عايز اقؤلها ان ده موش حرام والله أعلم لأنه موش نصب ويارت حد يقؤلي نصب على مين ؟ والأهم من كده انه لو ثغره زي ما بتقؤلوا كان المرور رفض التعامل بالعقد ده لكن اداره المرور بتتعامل بيه عادي يعني مافيش اوامر بمنعه او منع التعامل بيه يعني من الاخر المفروض يكتبوا في لائحه المرور اثبات ملكيه السياره بعقد مسجل في الشهر العقاري أو عقد صحه ونفاذ من المحكمه ولكن علشان يضللوا الناس ويغشوهم ويشغلوا الشهر العقاري اكتفوا بكلمه الشهر العقاري وتجاهلو عن عمد موضوع عقد الصحه والنفاذ وده لو موش اجراء قانوني ميه في الميه كان القاضي او وكيل النيابه رفض الدعوه ومرداش ينظر فيها والله أعلم.