باشا والله عجبني ردك جدا و علي رايك تبوظ و هي سليمه احسن ما تبوظ و تكلفني جيوان وش سلندر
و احب اضيف حاجه انا في عربيتي ال 405 الموديل 90 لما العربيه بتسخن بتديني كلمه ستوب و تديني تنبيه ان العربيه في حاله خطر
و انا شايف ان دي ميزه
عرض للطباعة
انا عارف و الله كلامك
بس العربية خلاص بردت و هديت متدورش خالص
الموضوع عملوه علشان يحموا العربية على عيني وراسي
بس ده مينكرش انه بيقلل الاعتمادية
و بيتحكم فيك
موضوع فيشة ده معرفش ان كان صحيح و لا لأ
لان في التوكيل اتضطر يحط العربية على الكمبيوتر الخاص علشان يدي اوردر لكمبيوتر العربية بالتشغيل مرة ثانية
افرض الموضوع ده حصلك في شرم الشيخ مثلا
حتجيب ونش من هناك لحد القاهرة علشان يتعمل
زي ماقولت الموضوع اراء بس انا مبحبش النظام ده خالص
معلش متاخر عن التكنولوجيا بس بحب العربية اللي بتستحمل البهدلة
اه البيجو ال405 فيها الحوار ده هيا مع والدى عربيه جميله الصراحه بس والدى مبهدلها و مش بيركز اوى فى مواضيع المياه فا جاب ردياتير 406
العربية لما تسخن يديني تحذير و خلاص العربية عملت اللي عليها و الباقي عليا انا طبقا لتقديري للموقف
انا عربيتي مرة سخنت علشان المروحة عطلت و كنت على كوبري ستة اكتوبر
كنت ماشي زي المجنون بسرعة و الماكنة سخنة بس مدخلتش الاحمر
ولما الطريق وقف وقفت الماكنة و بطلت العربية لحد ما هديت و هكذا
يوميها كان يوم الاحد و الكهربائية كلهم قافلين
رغم قدم سيارتي لكن اعتماديتها نفعتني في الموقف ده
و قضيت بيها اليوم كله و انا في القاهرة لحد ما رجعت الزقازيق و صحتها تاني يوم
فهمت قصدي لو البيجو كانت معايا لما اقف على الكوبري و ابطل العربية علشان تهدى و ابطلها لما اجي ادورها مش حتدور و حجيب الونش يسحبني من على كوبري ستة اكتوبر و ما ادراك بكوبري ستة اكتوبر خصوصا لو مطلع او منزلليوديني التوكيل
ارجو تكون فهمت وجهة نظري
على فكرة انا مش بقتنع في البيجو
غير ال405 و معشوقتي ال406
و 504
و السفينة اللي كان ليا الشرف اني سقتها مرة
بيجو 607
307 و 207 و 206 مش مقتنع بيهم
ال 308 باين عليها حلوة بس مجدش ليا الفرصة اني اشوفها في الصيانة
و أنت عرفت منين أذا كانت العربية سليمة ولا لأ بعد لما بردت ؟؟؟ مش ممكن تكون السخونة عملت مشكلة ؟؟
وبعدين خللى بالك الناس بتوع بيجو لما عملوا العربية عملوها للعالم كله مش لشرم الشيخ ولا طابا.......ولو مفيش توكيل لبيجو فى سيناء يبقى غلطة التوكيل هنا مش غلطة الشركة اللى بتحاول تحافظ على العربية عشان متجيش صاحبة العربية بدل ما تقولك العربية سخنت ومرضتش تدور تروح قايلة العربية سخنت و جابت وش سلندر من غير ما تدينى تحذير.
ده غير أن هانى عميد البيجو قالك على الحل.......يعنى الموضوع محتاج خبرة و يتحل من غير توكيل.
مجرد ما العربية تعدي النص بالنسبال بتبدي تسخن
السخونية بالنسبة ليا مش انهاتوصل للاحمر
حضرتك انا مش غشيم متخفش عليا
و عاوز اوضح لحضرتك ان البيجو لما سخنت مبطلتش لوحدها
لو كان عاوزين يحموا العربية فعلا من انها تضرب وش سلندر
اول ما العربية تسخن تبطل لوحدها مش لما تقف هي متشتغلش تاني خالص
لان البساطة العربية وهو واقفة و الموتورمش شغال مش حتضرب وش سلندر لكن حتضرب لو انا ماشي بيها و هي سخنة
فاهمين قصدي
موضوع الفيشة ده انا رديت عليه
العربية فعلا لما بتتعمل بتتعمل للعالم كله في كل الاوقات و الظروف
الموضوع مش موضوع توكيل
الموضوع موضوع عربية تعتمد عليها و عارف انها مش حتكسفك حتى لو حصل فيها ايه
و ده الاساس بالنسبة ليا
ممكن بالنسبة ليك او اي حد تاني لأ
انا عرضت و جهة نظري و ده يرجعلي
و لولا اختلاف الازواق لبارت السلع
و ارجو ما اكنش ازعجت حد برايي
الباشا قال شيل كابل الecu و فى ناس بتقول انك ممكن تشيل اوطاش البطاريه و تركبه تانى
207 الاولى فى اوروبا
على كلامك.....افترض انته سايق على الصحراوى و العربيه سخنت ووقفت فى نصف الطريق؟؟؟؟؟؟؟
الله يفتح عليك
طب لو سخنت على الصحراوي ووقف على جنب و بطل العربية علشان تهدى
حتعطل
و موضوع ال ecu
معلش بس انا مشفتهوش في المركز و لازم اشوفه بعنيا
ممكن ببساطة شديدة اي غلطة السوفت وير بتاع عربة يضيع بالكامل و حصلت مع صديق ليا في سيات كوردوبا
و ممكن كمان الهارد وير نفسه تغيره