حد يعرف اى شركة مشتركة فى معرض الاهرام للسيارات

**som3aa** · 18-01-2009 07:22 PM

المعرض فاضله كام يوم (3 ايام ) و لحد انهردة مكتبوش اسم اى شركة هتشترك اساسا
كل اللى كتبوه قاعة ال4x4 و دى حاجة تعبانة طبعا
معقول مفيش و لا شركة اشتركت؟؟
و لا فى شركات قليلة جداااا و مستنيين يعملوا مفاجاة للناس لما تروح و تشترى التذكرة تكتشف ان مفيش شركات عارضة؟؟
الشركات كلها بتشترك فى معرض الاخبار بس ايه نظام المعرض دا بتاع الاهرام؟
حد يعرف؟

**AshTurbo** · 18-01-2009 09:10 PM

جرت العادة أنهم ينشروا أعلان كبير نصف صفحة أو صفحة كاملة بأسماء الشركات المشاركة في المعرض من قبل أفتتاح المعرض بأسبوع على أقل تقدير بس بصراحة اللي حصل مش لاقي ليه أي تفسير غير الركود اللي سوق السيارات بيمر بيه ولو هما عاوزين يعملوا مفاجأة هيعملوها جوة المعرض سواء من ناحية التنظيم أو من ناحية طريقة عرض السيارات أو أستخدام تكنولوجيات جديدة في تنظيم المعرض أو حتى في عروض ترويجية لبيع السيارات داخل المعرض لكن ولا حصل دعاية للمعرض بالشكل المتعارف عليه ولا نزلت قائمة فيها أسماء الشركات المشاركة في المعرض ولا حتى العروض اللي من المتوقع أنها تجذب ولو القليل من المشتريين اللهم غير أنهم تفائلوا وتعشموا خيراً بجناح البنوك ووضعوا كل ثقتهم فيه وهو الجانب الوحيد اللي أتعمله دعاية متواضعة على أمل تنشيط السوق وهو الجانب الوحيد اللي هيثبت خسارتهم للرهان .

**MoToRiZeR** · 18-01-2009 09:16 PM

معرض أوتوماك الأخير حط ستاندرد عالي نسبياَ لمعارض السيارات في مصر .. فا يا ريت بتوع الأهرام يكونوا حاطين ده في دماغهم و منروحش نلاقي عربيتين لانوس و عربية تيريوس في قاعة الفور باي فور و دمتم .

و يا ريت يكون فيه تواجد أكتر من كدة لإكسسوارات السيارات و تعديلها بجد عيب أخش المعرض السنة اللي فاتت ملاقيش في محل الإكسسوارات الوحيد غير شوية مخدات و حوافظ سيديهات !

**إبراهيم.صادق** · 19-01-2009 12:27 AM

المشاركة الأصلية كتبت بواسطة som3aa

معقول مفيش و لا شركة اشتركت؟؟

شكلها كده فعلا :k17:
لو تاخد بالك هتلاقيهم كاتبين الفرصة مازالت موحود للاشتراك في المعرض!!
طبعا ده كلام شكله وحش جداً قبل المعرض باسبوع :k17: لو تفتكروا خالد أباظة كان قبل المعرض بتاع الأخبار بفترة طويلة يفضل يعمل دعاية ان جميع الاماكن تم حجزها ومش قادر يلبي طلبات باقي الشركات!!!
واضح ان الجماعة بتوع الأهرام مابيتعلموش!!