تغيير تيل الفرامل

**original** · 18-01-2009 10:42 PM

http://www.golfmkv.net/blog/archives/5

**ahit** · 18-01-2009 11:23 PM

شكراً

بس المشكلة محتاجة عدة كتير و إمكانيات

**original** · 19-01-2009 05:52 AM

الصيانة دى متعة

**shekoz** · 25-01-2009 03:42 PM

يا جماعه انا كنت عايز اشترى طمبورتين و تيل فرامل قدام محدش يعرف اشترىهم منين بسعر معقول و يكونو اصليين لان كل اللى شوفتو صينى حتى فالتوكيلات اللى فالتوفيقيه بتوع الفولكس برضو صينى و مبيستحملش...انا الميكانيكى قالى انزل الوكاله و اجيب استيراد هيبقى احسن و انضف من الجديد انتو ايه رايكو؟

**iBiZa** · 26-01-2009 09:31 AM

انا لسة كنت جايب اعربيتى من الصفوة اللى فى التوفيقية و كانوا المانى محفور عليهم و التيل كان اسبانى, الموضوع كلة عمل 440 جنية.

انت لو بتوعك موجودين اكيد هيبقى ارخص شوية, كلمهم و اسال 25788357.

و ممكن بردة من عند الشهابى فى شارع دمشق, بس معنديش نمرتة.

**umoussa** · 26-01-2009 07:41 PM

لو عربيتك بولو 99 روح عند أشرف الشهابي في شارع دمشق

التيل الأصلي والطنابير تصنيع شركة Ate ودول موجودين عنده

من غير مفتي أظن الطنابير بحوالي 500-600 جنيه والتيل الأمامي بتاع 200-300 جنيه

**ابوهاشم** · 26-01-2009 10:20 PM

شكرا على المعلومه

**original** · 27-01-2009 01:40 AM

أنا كنت شارى طمبورتين إستعمال خارج من سنة خلعتهم بنفسى من نص عربية أمامى مفيهمش غلطة عملو 220جنيه وتقريبا كانو ممشيوش كتير أصلا
والتيل جديد كان مايلى عمل 130جنيه
وأهم حاجة تغير زيت الفرامل Ate ألمانى موجود فى السوق وصلاحيته سنة تقريبا مش مدى الحياه

**shekoz** · 27-01-2009 02:17 PM

الف شكر على اهتمامك يا ابيزا انا هكلم المحل و اسال كدا و اشوف الاسعار ايه

umoussa اولا شكرا على الرد بس مش شايف ان الحاجه كدا غالييييييه اوى بالنسبه للسعر اللى قال عليه ابيزا(حوالى440جنيه) و بالنسبه للسعر اللى انا شفته قبل كدا (500 جنيه)

original ممكن اعرف جبت الطنابير استعمال الخارج منين و قعدوا معاك قد ايه؟

**umoussa** · 27-01-2009 11:59 PM

بص أنا حقولك حاجة.

في ناس بتحب تستعمل تيل فرامل أسباني بتاع ريمسا بس المشكلة أن صبة الريمسا نشفة مش طرية في ناس بتحب الصبة النشفة علشان عمر التيل أطول بس الصبة النشفة بتعمل ريجة في الطنابير.

بالنسبة للطنابير والتيل الـ Ate إلى أنا بقولك عليهم أنا عارف انهم أغلى بس دي حاجة تحطها في العربية وتنساها أولاً تيل الفرامل طري يعني على حسب استخدامك لو رجلك على الفرامل كتير أو تقيلة في الفرملة وبذات لو عربيتم مفيهاش دنجل خلفي سكاكين يبقى حتغيره اخرك على 20 ألف لو فيها دنجل سكاكسن واستعمالك كويس ممكن تزيد على كده لو فيها Abs كمان حتزيد أكتر.

بص أنا بصراحة مجربتش أي تيل تاني غير الأصلي وبعديه الـ Ate علشان أنا تيل العربية الأصلي الأمامي بتاعي بيعمل حوالي 1000 جنيه والتيل الـ Ate سعره تقريباً النص فالموضوع مش فارق أوي يعني 2 Ate = 1 أصلي بس 2 Ate > من حيث العمر التشغيلي من 1 أصلي وغير كده التيل الأصلي مش موجود في البلد.

بالنسبة للطنابير أنا مش حقدر افتي فيها لأن بصراحة أنا أول لما بشوف طنابير استيراد زيرو بشتريها على طول، كل الي تعمله معاها تجيب اسبراي طنابير وترشه على الطنابير وسنفرة نعمة تشيل الصدأ وبعدين تجيب تيل جديد تطبعه عليها تبقى جبت جون في مصر.

الموضوع: تغيير تيل الفرامل

LinkBack

أدوات الموضوع

عرض

-

-

-

-

-

المواضيع المتشابهه

تغيير تيل الفرامل

هل ممكن تغيير زيت الفرامل يبوظ حاجه في منظومة الفرامل ؟؟؟

تغيير تيل الفرامل

بعد تغيير تيل الفرامل

تغيير تيل الفرامل

الكلمات الدلالية لهذا الموضوع

المفضلات

المفضلات

ضوابط المشاركة