ارجو الافادة 160 Km/h علي 4500 RPM وشكرا علي كدة

**M_Nabil** · 18-01-2009 10:49 PM

امبارح كنت مسافر اسكندرية المهم قلت اجرى شوية العربية جمعت كويس جدا لحد الـ 160 والـ rpm كان علي 4.5 وبعد كدة اجيب اخر الدواسه مفيش اشيل رجلي شوية ودوس تانى مفيش ولا الـ rpm عاوز يتحرك علما ان الماتور حالته تمام، المشكلة فين هل ممكن يكون في مشكلة في الـ Control ولا اية !!؟

**mshamy** · 19-01-2009 10:07 AM

و ليه الجري و الشقاوة دي يا باشا :colsmil
إن شاء الله يكون الموضوع بسيط في رأيي الشخصي ممكن تكون ظروف هواء جامد جاي في وش العربية أو فلتر هواء محتاج يتنظف أو يتغير و برضه إكشف على فلتر البنزين و البوجيهات

بس إبقى قولنا عملت إية و طمنا عليك

المشاركة الأصلية كتبت بواسطة Lazerman

امبارح كنت مسافر اسكندرية المهم قلت اجرى شوية العربية جمعت كويس جدا لحد الـ 160 والـ rpm كان علي 4.5 وبعد كدة اجيب اخر الدواسه مفيش اشيل رجلي شوية ودوس تانى مفيش ولا الـ rpm عاوز يتحرك علما ان الماتور حالته تمام، المشكلة فين هل ممكن يكون في مشكلة في الـ Control ولا اية !!؟

**M.Mokhtar** · 19-01-2009 11:56 AM

المشاركة الأصلية كتبت بواسطة mshamy

و ليه الجري و الشقاوة دي يا باشا :colsmil
إن شاء الله يكون الموضوع بسيط في رأيي الشخصي ممكن تكون ظروف هواء جامد جاي في وش العربية أو فلتر هواء محتاج يتنظف أو يتغير و برضه إكشف على فلتر البنزين و البوجيهات

بس إبقى قولنا عملت إية و طمنا عليك

+100000000

بص مادام محستش حاجة غريبه فى الموتور لما بتدوس على الاخر يبقى العيب فى المغذيات بتاعت الموتور
- نوع البنزين
- فلتر البنزين
- فلتر الهواء
- بوجيهات (احتمال ضعيف)
- نظافة كربراتير او رشاشات (مش عارف انت موتور نظامه ايه)

**M_Nabil** · 19-01-2009 05:47 PM

شكرا يا رجالة لا اعتقد يا محمد باشا انه موضوع هواء عشان الطريق كان نازل والهواء معايا بس الغريب اني لسه مغير الحاجات دي كلها من حوالي شهر ومغير السيور كمان وكلها قطع غيار أصلية هي العربية كانت من فترة مكتومة و السرعة مابتعديش الـ 140 ورحت للميكانيكي ونظفلي بوابة المانفول و مداخل الرشاشات علي ما أذكر ورحت مغير الفلاتر كلها والسيور وفعلا السحب اختلاف بس مش عارف اية موضوع السرعة دة هل ممكن يكون معرفش ينظاف الرشاشات كويس؟ وممكن يكون فعلا البنزين اللي حطيته مضروب

**mshamy** · 19-01-2009 05:55 PM

فعلا يبقى كده الموضوع غالبا بنزين مضروب و تقدر تحكم أكتر على موضوع البنزين لو كانت العربية بتصقف أو بتكركر لما تدوس بنزين جامد ...بس أنا عايز أعرف الراجل اللي حضرتك روحتله نضفلك الرشاشات إزاي؟ ..علشان المفروض يبقى عنده جهاز الموجات الصوتية و ده مش حتلاقية عند اي حد..

المشاركة الأصلية كتبت بواسطة Lazerman

شكرا يا رجالة لا اعتقد يا محمد باشا انه موضوع هواء عشان الطريق كان نازل والهواء معايا بس الغريب اني لسه مغير الحاجات دي كلها من حوالي شهر ومغير السيور كمان وكلها قطع غيار أصلية هي العربية كانت من فترة مكتومة و السرعة مابتعديش الـ 140 ورحت للميكانيكي ونظفلي بوابة المانفول و مداخل الرشاشات علي ما أذكر ورحت مغير الفلاتر كلها والسيور وفعلا السحب اختلاف بس مش عارف اية موضوع السرعة دة هل ممكن يكون معرفش ينظاف الرشاشات كويس؟ وممكن يكون فعلا البنزين اللي حطيته مضروب

**M_Nabil** · 19-01-2009 06:06 PM

هو فعلا منظفهاش بجهاز الموجات الصوتية عشان معندوش هو نظفها بالطريقة العادية مسدس الظغط وشوية جاز وشكرا

**mahmoudzaied** · 19-01-2009 09:36 PM

هيا العربية كام سى سى؟
معلش السؤال ملهوش علاقة بمشكلة حضرتك
بس انا معايا لانسر 1300 وبجيب بيها 160 برضو وال Rpm على 4500

**M_Nabil** · 20-01-2009 01:32 PM

هيا العربية كام سى سى؟

العربية يا باشا 1600

**M_Nabil** · 21-01-2009 12:55 AM

بس أنا عايز أعرف الراجل اللي حضرتك روحتله نضفلك الرشاشات إزاي؟ ..علشان المفروض يبقى عنده جهاز الموجات الصوتية و ده مش حتلاقية عند اي حد..

طيب يمكن تكون الرشاشات فعلا متنظفتش كويس، لنفترض كدة فـ النهاردة كنت في السوبر ماركت ولقيت منتج اسمة Jetgo خاص بتنظيف الرشاشات من منتجات شركة Penray هو صناعة امريكية و العبوة حجمها 355 مللي بتحطها مع 20 لتر بنزين وسعرها 16.50 جنية السؤال هل فعلا بتأثر في نظافة الرشاشات ولا ليس لها اي تأثير وهل لها اضرار علي الماتور او الرشاشات ؟ ولا لازم تتنظف من الأخر بجهاز الموجات الصوتية ؟ مرفق صورة للمنتج المذكور بعاليه

**M_Nabil** · 22-01-2009 05:17 PM

اية يا شباب مفيش حد استخدمة قبل كدة ولا اية وياريت حد يعملنا موضوع عن جميع انواع المنظفات المستخدمة في السيارات وفوائدة واضرارها علي المدى الطويل، يمكن يكون حد عمله في المنتدى بس انا الصراحة ماشفتوش حتى الان.