تسلم إيدك يا إسلام باشا
تم تثبيت الموضوع
عرض للطباعة
تسلم إيدك يا إسلام باشا
تم تثبيت الموضوع
شكرا جزيلا لك يا أخ اسلام على عدم ردك على سؤالى.
و تقبل تحياتى و أحترامى
بجد تسلم
موضوع مفبد
ومعلومات قيمه
بارك الله فيك
اللى اعرفه كل عربية بيبقى لها مقاسين تقريبا تقدر تتحرك ما بينهماقتباس:
شكرا جزيلا لك يا أخ اسلام طيب سؤال بسيط بعيد عن الرياضيات لأنى فاشل فيها ممكن لما أغير العجل فى عربيتى أركب 205 بدلا من 195 على نفس الجنط بدون أن يكون لها تأثير سلبى ولا لا مفر من التأثير السلبى ؟؟ ان كان على استهلاك البنزين مش هيكون فرق جبار على ما أعتقد. و شكرا
بيبقى مكتوب فى كتالوج العربية بتاعتك او على باب السولق من الجنب فى بعض السيارات المقاسات المناسبة للسيارة
لما تغير عرض الاطار من 195 الى 205 ده هيأثر على البنزين و العفشة على الاقل
شوف عربيتك كام و التغيير بيبقى فى حدود بسيطة جدا
شكرا جزيلا لك يا أخ معاذ على ردك على سؤالى جزاك الله خيرا :) شكرا على أهتمامك , حتى الأن لم اجد المعلومة ديه فى الكتالوج يمكن عدت عليه و اللى مكتوب على باب السواق هبص عليه :) فى الاغلب خليها 195 مش هتفرق كتير.
اقتباس:
المشاركة الأصلية كتبت بواسطة اسلام المصرى
أولا أنا آسف جدا جدا جدا والله ماشفت المداخلة بتاعت حضرتك غير دلوقتي
ثانيا :- إنت من الناس اللي أنا بحترمهم جدا في المنتدى ده
ثالثا :- اسمك على اسمي (إسلام )
رابعا :- عربيتك زي عربيتي يبقى الزعل ممنوع والعتب مرفوع
خامسا :- بص يا سمسم أنا هاقولك حاجة قولتها لهاني المهاتما أنا عن نفسي لو هتسألني موضوع الجنوط ده بالنسبة ليا شكل بيحيلي ويروش العربية بس يبقى بلاش ألعب فيه يعني أنا لو هجنط هجيب نفس مقاس الجنط ونفس مقاس العجلة مش هغير حاجة خالص علشان أحافظ على العفشة وفي نفس الوقت هخلي شكل العربية حلو مع المحافظة على المقاس الاستوك بتاع العربية بدون اللعب فيه لأن ده لو أنا غيرت لمقاس أكبر أو أصغر أو أي حاجة تانية هيأثر طبعا على ثبات العربية او العفشة فأنت لو عايز تجنط جنط بس بنفس المقاس بتاع عربيتك .
وتقبل خالص اعتذاري وتقديري لشخصك الكريم
لا داعى للأسف يا اسلام حصل خير :) شكرا جزيلا على كلامك الجميل و ربنا يديم المعروف , مفيش زعل و الله كلنا أخوه فى الله و أنا تحت أمرك. و شكرا على الرد و التوضيح :) أنا هسمع كلامك و ان شاء الله لما أغير العجل هركب نفس المقاس لأنى مقتنع بكلامك 100 فى 100
و كل سنة و أنت طيب :) رمضان كريم و تكون مسابقة شيقة و نتعلم و نستفيد منها كلنا.
تقبل أنت خالص تحياتى و أحترامى لشخصك الكريم :)
موضوع مفيد جدا :wink:
احب بس اضيف ان فيه كمان حاجتين بيفرقوا بيت الكاوتش و بعضة و هم:
Traction و دة اللى هو التصاق الكاوتش بالطريق ودة بيقرق فى تماسك العربية مع الطريق فى الانطلاق و الفرامل و الملفات و بيبقى مكتوب امامة حرف او اتنين من الاحسن الاقل بيبقى
AA
A
B
و فى كمان threadwear و دة بيبقى رقم الغرض منه المقارنة فقط بين انواع الاطارات فيما يخص تاكل النقشة فا لو عندنا فردة 100 و فردة 300 يبقى نظريا الفردة ال100 حتتاكل فى تلت المدة اللى حتتاكل فيها الفردة ال300 او بمعنى اخر الفردة ال300 بتعمر 3 مرات اكتر
دا مش معناه ان الفردة ال100 وحشة... هى بس طرية عن الفردة ال300 و غالبا حتلاقى الtraction بتاع الفردة ال100 احسن من ال300 يعنى هى حاجة على حساب حاجة
اخر حاجة برضة مهمة لازم نشوفها لما نشترى كاوتش هى تاريخ الانتاج و دة بيبقى رقم من اربع خانات... مثلا تاريخ انتاج 1206 معناه ان الفردة دى اتصنعت فى الاسبوع ال12 من سنة 2006 يعنى فى شهر مارس 2006... و لازم نعرف كويس ان الكاوتش له فترة صلاحية 6 سنين فا متشتريش فردة مثلا انتاج 2003 عشان سعرها رخيص او كدة لان الفردة دى بعد سنتين حتبقى غير صالحة... دا بفرض انها متخزنة بشكل صحيح من 2003 لحد النهاردة
MMamdouh
شكرا جزيلا لك يا أخ ممدوح على الأضافات المفيدة ديه :) جزاك الله خيرا , قبل ما أشترى كاوتش جديد سوف ألجأك لك و الى اسلام بعد أذنكم.
ربنا يبارك فيك يا اسلام على المعلومات المفيدة دي.