Opel Vectra

**ezz2006** · 19-01-2009 04:09 PM

السلام عليكم ورحمة الله وبركاتة

أريد شراء Opel Vectra مستعملة موديل من 1996 حتي 2002

فهل من أحد يفيدني في سعر هذه السيارة
ولو منطقة حرة بكام؟

وهل قطع غيارها رخيصة أم لا ؟

**M.Osama** · 19-01-2009 06:48 PM

المشاركة الأصلية كتبت بواسطة ezz2006

السلام عليكم ورحمة الله وبركاتة

أريد شراء Opel Vectra مستعملة موديل من 1996 حتي 2002

فهل من أحد يفيدني في سعر هذه السيارة
ولو منطقة حرة بكام؟

وهل قطع غيارها رخيصة أم لا ؟

في اخ عزيز علينا هنا عارض عربيته للبيع هي موديل 2000 CDX

أوبل فيكترا 2000 سي سي ايكوتك للبيع

بالنسبه للمنطقه الحره مقدرش افيدك فيها

وقطع الغيار راجع الموضوع ده

قطع غيار أوبل الجديده

**Ahmad Allawy** · 20-01-2009 11:37 AM

تسلم ايدك يا باشا..
و لو محتاج معلومات اكتر..
ممكن تبص بصة علي المواضيع اللي هنا..
و اكيد هتلاقي كل اللي انت عايزه..
(ما عدا موضوع المنطقة الحرة ده.. بس برضه في اخ فاضل معانا هنا جايب واحدة من برة.. ف ممكن يفيدك ف الموضوع ده.. بس بصراحة مش فاكر هو مين..)

**ezz2006** · 20-01-2009 11:58 AM

شكراً جزيلا ،،،،،،،،،

**M.Mokhtar** · 20-01-2009 12:52 PM

مين بيجيب سيرة عربيتى من ورايا :k26:

شوف يا باشا
عربيتى متعدله CDX ودى اعلى فئة فى الفكترا ككماليات وكسعر

فى فكترا 1600 سىسى وفى 2000 سىسى
انت بتفكر فى انهى عربيه؟ مانيوال ولا اوتو؟

**tamertamer** · 20-01-2009 01:30 PM

بالنسبة للمنطقة الحرة مش هينفع تجيب فكتراء لان فى حاجة لا يعلمهاء الكثرين ان المنطقة الحرة اخرهاء 1400 عشان كدة الهوندات هناك 1400 والكلام دة من واحد صحبى من بورسعيد ممكن تدخلهاء بمتور تجراء 1400 بس هتبقاء رخيصة اوى بس مشعارف تعمل كام لو هتجبهاء من هنا من موديل 96 الى 2003 بتتكلم من 48 الى 75 لا اكثر حسب الموديل والحالة

**opel1996** · 20-06-2017 04:28 PM

السلام عليكم ورحمة الله وبركاته .. كل عام وانتم بالف خير
اكتب اليكم من بورسعيد .. مشكلتي انى اشتريت عربية اوبل مو 1996 مانيوال ماتور Eco-tech
المشكلة عندي كالآتي :
اول ما العربية بتدور بلاقي رعشة قوية وبعد فترة بسيطة وقبل ما اتحرك الاقي الRPM بيلعب ومش ثابت ..
كمان مع النقلة الاولى والتانية فيه خنقة قوية جدا لدرجة ان العربية سحبها شبه معدوم .. لو سرعة العربية في اول التاني لازم انزل ع الاولاني عشان اعمل عزم .. وده طبعا مش كويس على الماتور ..
ثانيا وده الاهم .. لمبة الcheck بتنور بعد فترة من المشي .. لما اطفي المكنة وارجع اشغل تاني تروح .. هتجنني يا جدعان ..
انا اتخنقت من العربية دي لدرجة اني بفكر ابيعها ..
غيرت حاجات كتير اوي ليها علاقة او ملهاش .. مانفول وبوجيهات وبطارية وفلاتر زيت وبنزين وطرمبة بنزين ورداخ .. التانك كمان غيرته عشان قاعده الرداخ مكنتش حالة الزيرو .. ماستر فرامل وسيرفو .. حتى الفوانيس اللي ادام والله :D:D
بجد يا جماعة حد يقولي اعمل ايه