أنا اشتريت عربية دوجان تركي موديل 1992 فيها كماليات زجاج كهرباء و سنتر لوك و تكييف عايز من كل الأخوة الأعزاء ياتري اختياري مناسب وايه ياتري مشاكل العربية دي وازاي أحافظ علي حالتها الكويسة اللي عليها وهيا مفيهاش بور ستيرنج ياتري لو حبيت أركبه يتكلف قد ايه ؟
الف مبروك و ربنا يحفظهالك و اهلا بيك معانا في المنتدي.
بالنسبه للدوجان عربيه جميله جدا جدا و هيا هيا الشاهين بس علي ما اعتقد الموتور بتاعك نفس موتور ال 131 القديم و حيبقي 1600 مش 1300.
العربيه بتعاملها عادي زي اي عربيه مالهاش شروط معينه علشان تحافظ عليها خصوصا ان العربيه ما ظهرش منها اي مشاكل في اي حاجه.بس اهم حاجه انك تعمل ليها صيانه كامله يعني تغير زيت و فلتر و بوجيهات و فلاتر بنزين و سير دينامو و سير تكييف و متهيالي الكاتينه عندك جنزير مش كاوتش زي الموديلات العاليه خلي برضه الميكانيكي يبصلك عليه .
و اكشف علي عفشه العربيه كويس و لو محتاجه مقصات او بيض او مساعدين غيرها ما تستخسرش علشان تطمن لها انها ما تعملش حركه نقص علي اي طريق.
و انصحك ما تسافرش بيها نهائي دلوقتي الا لما يمر شهر علي ركوبك علي ما يظهر فيها اي عيب او اي حاجه ممكن اللي بعهالك ما عملهاشز و اتاكد من حاله الكاوتش و الاستبن و اتاكد ان الكوريك و مفتاح العجل موجود علشان ما تتزنقش و انت ماشي.
بالنسبه للباور فهو حيتكلف من 2500 الي 3000 جنيه بس نصيحه لو مش محتاجه اوي ما تركبوش علشان بيبقي عاوز صنايعي محترف مش اي حد يقدر يركبه.
و الف مبروك تاني و ربنا يملهالك بركه :)
أنا عاجز عن الشكر لردك الجميل و أتمني أن نكون أصدقاء في المستقبل
أنا كنت عايز أسألك سؤال عن معدلات استهلاك البنزين في العربيات ال 1600 CC و كمان المستعملة وياتري ايه اللي ممكن يتعمل علشان يقلل استهلاك البنزين وشكرا
السيارات ال 1600 القديمة إستهلاكها داخل المدينة في المتوسط 150 كيلو في الصفيحةاقتباس:
المشاركة الأصلية كتبت بواسطة mahmouda
وعلى الطوالي ممكن 200 كيلو في الصفيحة
طبعا ده يعتمد على كفائة الموتور وأسلب القيادة ويفرق من عربية للتانية
بالنسبة لتقليل إستهلاك البنزين أهم حاجة السواقة الهادية يعني التسارع الهادي بدون ضغط جامد على دواسة البنزين
أنا أشكرك يا م/ أحمد بشدة وعلي فكرة أنا كمان مهندس مدني بس أنا كنت عايز اسألك سؤال كان في حد قالي ان ممكن يكون استهلاك البنزين الزيادة يرجع ل الكربيراتير مش عارف ايه رأيك ؟
وشكرا
اولا اهلا بك في نايل موتورز ومبروك على العربية وربنا يبارك لك فيها :)
اقتباس:
استهلاك البنزين الزيادة يرجع ل الكربيراتير مش عارف ايه رأيك
فعلاً لو الكربياتير مش مظبوط العربية هتاكل بنزين زيادة
العفو يا م/محمود إنت تأمر
بالنسبة لزيادة الإستهلاك له أسباب كثيرة أهمها:
1 - مشكلة في الكاربيراتير (نضافة أو خلوصات البيكات أو نسبة الهواء والبنزين غير مضبوطة أو فلتر الهواء مسدود أو.... )
2 - مشكلة في دائرة توزيع الشرارة (بوجيهات وأسلاكها وإبلاتين وموبينة وكوندنسر)
3 - مشكلة في ضبط الزوايا والإتزان والترصيص
4 - مشكلة في دائرة التبريد (سخونة زيادة أو برودة زيادة)
5 - مشكلة في الزيوت وفلاترها (نقص أو بحاجة لتغيير)
6 - مشكلة في مجموعة الدبرياج
7 - عدم ضبط ضغط الإطارات
8 - عدم ملائمة نوع البنزين للموتور ( 80 أو 90 أو 92 أو ..)
9 - عدم ضبط تقسيمة الصمامات مع الكرنك بدقه
10- عدم ضبط خلوص الصمامات (التاكيهات)
11- موتور حالته سيئة (الشنابر فوتت)
12- أسلوب قيادة عنيف (رياضي أو شبابي أو أمريكاني أو منفعل)
13- قيادة في أماكن مزدحمه وكثرة التوقف (لو الإشارة أو الوقفة هتطول إطفي السيارة)
14- تحميل العربية (كلما زاد الوزن المحمل زاد الإستهلاك)
15- القيادة على سرعات عالية فوق ال 100 كلم\س
16- مشكلة في الشكمان تؤدي في بعض الأحيان لزيادة الإستهلاك
طبعا هذه ليست كل الأسباب لزيادة إستهلاك البنزين ولكن هذا ما أتذكره الآن
والله أعلم
حرام عليك!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!1اقتباس:
طبعا هذه ليست كل الأسباب لزيادة إستهلاك البنزين ولكن هذا ما أتذكره الآن
والله أعلم
:Dاقتباس:
المشاركة الأصلية كتبت بواسطة Nader
ممكن كمان لو البنزين مغشوش
عشان تكمل القايمة :D
طب يا جماعة أنا عايز أركب وحدة رفع زجاج و جهاز انذار ياتري يتكلف قد ايه ويتركب فين وعايز أعرف كمان أسعار الكاست CD وشكرا
فيه السجان بشارع دمشق بمصر الجديدة وأسعارهاقتباس:
المشاركة الأصلية كتبت بواسطة mahmouda
الإنذار التيواني ب 240 بتركيبه وضمان سنة
وحدة الرفع ب 80 جنيه
عنده CD طبعا لكن أنا معرفش سعره
عندك من اول 600 جنية وانت طالعاقتباس:
وعايز أعرف كمان أسعار الكاست CD وشكرا
اما انا فبجد مش هاقدر افيدك فيها غير اني اقولك انك اخترت كويس لانك جبت دفع خلفي
مبارك عليك الدوجان استاذ محمود
اختيارك موفق ...اعتقد كلام الاخوه هنا كافى جدا وخصوصا الاخ حازم خضر
لكن ممكن افيدك بعض الشئ لانى كنت امتلك دوجان 95 منذ فتره
هى عربيه جميله ودركسوينها خفيف جدا لا يحتاج بور انصحك متكلفش نفسك
وموتورها هو نفسه موتور ال 131 1600 فيه ميزه جميله هخذا الطراز الللى قبل موتور التمبرا
فى يوم قطع منى الكتينه رحت عند الميكانيكى وانا واثق انى حعمل نصف عمره خصوصا انى حاولت كتير ادور الموتور بعد قطع الكاتينه كنت فاكر انه عطل كهربا او بنزين
كانت المفاجأه ان الميكانيكى قالى حظك حلو ان موتورك القديم ذات الكامه السفليه لما بيقطع كتينه لا يؤثر على الصبابات
غيرنا الكتينه الجلد وأشتغل الموتور بعد تغييرها وكأن شيئا لم يكن ( الكتينه عدد اسنانها 54)
انصحك تروح عند حداد يبص لك على العفشه وخصوصا الخلفيه
فى يوم كنت مسافر وفوجئت بالعربيه بتحدف من الخلف بمقدار حوالى متر يمين او شمال وكأنه دركسيون خلفى تماما
ولحسن الحظ ان ساعة ماحصل ده كنت ماشى هادئ وقبلها بلحظات كنت ماشى 100 حمدت الله كثيرا ان هذا حدث بعد ماهديت
والا كانت اكيد انقلبت بى السياره (الف حمد وشكر ليك يارب ) نزلت تحت العربيه اشوف ايه السبب
وجدت ان هناك ذراعين ماسكين الكارونه احدهما انكسر نتيجة انه كان مصدى من احد اطرافه ولم اراجعه قبل السفر
بعد مارجعت عملت صيانه كامله للعفشه كلها وفضلت العربيه تمام لغاية مابعتها
احكيلك كمان جهاز الانذار ووحدة الرفع حلوين جدا وهتحس برفاهيه عاليه بعد ماتركبهم
التكييف كان ضعيف شويه عندى وكان لما اشغله العربيه تغلى من السخونه
بحثت عن السبب لقيت الرادياتير حديد غيرته بواحد نحاس وكمان ركبت مروحه تلف مع الموتور ركبناها على طلمبة الميه
ولغينا المروحه الكهربا كانت بتسحب كهربا كتير خصوصا ان فى مروحه كهرباء تانيه امام سربانتينة الفريون بتشتغل مع التكييف دى ملغيتهاش طبعا وبكده اتحلت مشكلة السخونه نهائيا
عارف فى الشتا كنت بضطر احط كرتونه امام الرادياتير علشان الموتور يسخن
التكييف بقى ثلاجه بعد التغييرات السابقه لكن كان بيحمل شويه على الموتور
دى كانت بعض ما اتذكر من مغامراتى مع الدوجان ولو افتكرت غيرها هحكيلك
ولو عندك اى سؤال انا تحت امرك
اخيكم اشرف
والله يا جماعة أنا مش عارف أشكركم قد ايه علي ذوقكم واهتمامكم بالرد علي تسؤلاتي و يارب أكون صديق لكل أعضاء المنتدي اللي أنا سعيد جدا بالانضمام ليه
انت فعلا صديق و اهلا بيك معانا :)اقتباس:
يارب أكون صديق لكل أعضاء المنتدي
يارب
المتدى كله يبقى اصدقاء مع بعض
و ربنا يوفقكم كلكم يارب
مبارك عليك السيارة ربنا يعطيك خيرها ويكفيك شرها , العربية أصيله جدا غير مكلفة تماما صيانتها سهله بقالها معايا اكتر من 5 سنوات بدون اى مشاكل حاول تضبط مواعيد تغيير الزيوت ( الكرونا والفتيس والموتور) يازين ماخترت ياولدى :D :D
تحياتى
غير الردياتير بواح نحاس الماني 4 ماسورة او حتى 3
غير ترموستات الردياتير بترموستات تشتغل من 62
ركب كتاوت حماية لترموستات الردياتير
Welcome on board Mahmoud :)اقتباس:
والله يا جماعة أنا مش عارف أشكركم قد ايه علي ذوقكم واهتمامكم بالرد علي تسؤلاتي و يارب أكون صديق لكل أعضاء المنتدي اللي أنا سعيد جدا بالانضمام ليه
أنا عايز مساعدة جميع الزملاء في كيفية المحافظة علي سيارة مستعملة و ماهي الخطوات الواجب مراعاته