ألف مبروك و ربنا يباركلك فيها
عرض للطباعة
ألف مبروك و ربنا يباركلك فيها
الف شكر يا باشمهندس ابو عبد الرحمن
و دى يارجالة صور العدادات بتاعة العربية الـ 2009
http://www.postimage.org/aV8uot0.jpg
http://www.postimage.org/aV8uXo0.jpg
ودى صورة العداد القديم
http://www.postimage.org/Pq60jCi.jpg
استاذ احمد مبرووووووووووووووك الف مليون مبروك ربنا يباركلك فيها ويديك خيرها ويكفيك شرها بس نصيحهه ديما تذكر دعاء الركوب لاتنساه ابدااا وربنا يحميك ان اشاء الله
الف مبروك
وربنا يكفيك شرها
استاذ احمد الف مليون مبروك ويارب يباركلك فيها ويديك خيرها ويكفيك شرها وتكون وش السعد عليك
الله يبارك فيكم يا رجالة و هارفع الصورة ان شاء الله للتابلوه من غير اضاءة بس اصوره الصبح
على فكرة انا لسه واخد بالى من الموضوع دلوقتى
بجددددددددددددددددد الف مليون وتريليون مبروووووووووووووووووك
لييييييييييييييييييييك يابو صيااااااااااااام
وربنا يكرمك بيها يارب
وياريت تبقا تقولينا موضوع البيع والشراء تم معاك ازاى
ومرة تانية ربنا يباركلك فيها إن شاء الله
استاذ احمد ممكن استفسار بسيط؟
انا عندي معدل استهلاك البنزين دايما 8.2 او 8.3 ميبتقلش عن كده, مع ان عداد الrpm مش بيخليه يعدي ال3000 لفة.
هل ده المعدل الطبيعي لاستهلاك البنزين ولا لازم في كل نقلة اقلل عدد لفات الrpm؟
الف مبروك و ربنا يباركلك فيها
ياريتهم ماكانو غيرو العدادات لان القديمه احسن
نفس الموضوع بالنسبه للساعه الانالوج كانت شيك جدا بس يلا بقى الحلو مايكملش
الف مبروك على العربيه
الاخ creative
الله يبارك فيك و التغيير تم ان العربية القديمة اتباعت عن طريق قسم المستعمل عندهم و انا اخدت العربية الجديدة و دفعت فرق موش قليل الصراحة
M.Nabil
ده معدل كويس جدا على فكرة و موضوع انك تقلل او تزود فى القرص على العربية يرجع لطبيعة سواقتك بس انت اكيد عارف اى عربية 1600 بتبقى وحش بنزين
formoza & KingMu
الف شكر يا شباب
ألف مبروك أ / أحمد وربنا يباركلك فيها ويديك خيرها
الله يبارك فيك
الف الف مبروك يا حاج احمد
ربنا يديك خيرها و يكفيك شرها
فين ياباشا الصور الى اتفقنا عليها للعدادات متنسنيش وياريت كمان شوية للعربية للافادة :36_1_37[1]: .... ربنا يملهالك بركة :Ob_mak1[1]:
ربنا يوفق
الله يكرمك يا ابوحميد و يبارك فيك
الاخ خالد باشا هاصوره الصبح ان شاء الله بس افتكر و احطلك الصورة من عينى حاضر
صباح الفل يا كبير و دى الصورة التابلوه من شوية
http://www.postimage.org/aVnFtzJ.jpg
الف مبروك ...........استاذ احمد مع العلم انها متاخرة شويه
بس انا بقى لى مده مشغول ومش بدخل على المنتدى ....... اسمح لى ابقى اوجع دماغك واسالك شويه اساله عن العربية....... والف مبروك وربنا يبارك لك فيها
ياباشا اهلا بيك فى اى وقت و الله يبارك فيك
استفسار بقى يا استاذ احمد بما انك دلوقتي معاك 2009.
هل بعد ما بتسخن العربية الrpm بيبقى صفر ولا بيفضل واقف بردوا على ال10؟
بينزل عن الـ 10 حاجة بسيطة ممكن تقول بيبقى على 8 مثلا
مليون مبروك يا باشا
أخيراً النهاية السعيدة إللي إنتظرناها كتير
أنا بقالي فترة طويلة مكتفي بمتابعة بعض المواضيع القليلة في المنتدى بدون مشاركة لكن الموضوع ده فرحني فعلاً وإتمنيت أني أباركلك مع تمنياتي بدوام الصحة وأن يكفيك الله شرها وشر عباده وأن يرزقك من فضله وأن يمتعك بها. :36_1_37[1]:
الف مبروك با ابو صيام والله انا فرحتلك جدا و انت تستاهل كل خير
الف مبروك با باشا
الله يبارك فيكم يا رجالة و مشكورين على مروركم و ردكم الجميل
اهلا بيك يا دكتور
ملاحظاتى على الموتور انه صوته اهدى و عزمه افضل على السرعات القليلة و فعلا تفادوا العزم القليل مابين 2 و 3 rpm
اضف الى ذلك استهلاك البنزين افضل بنسبة بسيطة
الحمد لله يا دكتور امير كله تمام
الف مبروك يا استاذ احمد
و يارب متحصلش معاك مشاكل فيها تاني خالص
و الله فيها مشاكل بس موش عازين نسد نفس الناس بس
انما الصراحة هم بموديل 2009 اثبتوا برضه انهم لسه على قدهم فى صناعة السيارت بس المميزات تطغى على العيوب
ياريت يا استاذ احمد تنور المحكمة علشان نعرف برده الفروق ايه بين الموديلات السابقة و 2009
في الموضوع الخاص بالعيوب
وهل هي مشاكل صناعة و لا مشاكل ال عاديه بتاعت التقفيل .... لان بصراحة انا شايف الناس الي معاها الجين 2 2009 او البيرسونا تقريباً معندهمش عيوب تذكر
و لك جزيل الشكر
- حدفة يمين جامدة
- العربية كانت محتاجة ترصيص
- خبطة فى الدركسيون جامدة
- تسريب هواء من مقبض الباب الخاص بالسائق
- ثرموستات التكييف محتاج يتغير مكانه و لازم التابلوه يتفك
- خبط و هبد فى الكنبة و الشنطة
- العربية بعد التليين لا تتعدى الـ 160 كلم بالعافية بتجيبها اصلا
ايه رايك يا باشمهندس ؟؟؟
طب ممكن اعرف من حضرتك اة هي المشاكل عشان انا خلاص قربت اجبها
يايااستاذ احمد ماتشغلش بالك بالحاجات دي
المهم ان شاء الله مايكونش في عيب جذري
وربنا يباركلك فيها ويديك خيرها ويكفيك شرها
واقول لحرتك على حاجه
اتعود لما تحصللك حاجه حلوه اوي كده زي مثلا لما تشتري عربيه جديده
اذبح حاجه لوجه الله تعالى بنية الحمد والشكر وادعي ربنا انه يباركللك في الحاجه دي ويبقى شكل من اشكال شكرك لله
صدقني بتبقى كبيره اوي جواك كده وحلوه
والحمد لله
بس اوعى تلطخ العربيه بالدم بأه وخمسه وخميسه هاااا
ده حرااااااام وبدعه اساسا وجهل
أحمد باشا صيام تحياتي يا زميلي البروتوني و صديقي في النادي البروتوني الجامد قوي .
مع تحفظي على كلمة
ان بروتون على ادها في صناعة السيارات
كل المشاكل اللي عندك دي ملهاش دعوة بالصناعة و لا جودة الصناعة
لسة أوبل فكترا في ألمانيا ساحبين 166 ألف سيارة من السوق الألماني و اللي تم إنتاجهم ما بين 2002 و 2007 .......... علشان عيب صناعة في فرامل اليد ......... و هوندا ساحبة عربيات كتير من السوق الأمريكي علشان عيب في الموتور
طيب لما نتكلم عن أوبل بجلالة قدرها اللي هي ألماني و أوعى وشك محدش في المنتدى يقدر يشتم في المانيا و لا عربيات ألمانيا حتى لو العربية فكت من بعضها قدام عينك و برضه الناس هاتطلع أعذار
المهم مش عيب ان أوبل تنتج عربية لمدة 5 سنين و ما يكتشفوش مشكة الفرامل إلا بعد 6 سنين بحالهم من الإنتاج !!!!!!!!؟؟؟؟؟؟؟؟
عيب و لا مش عيب ....
و هوندا و تويوتا ومرسيدس و بي ام دبليو و الأمثلة كتيرة و بالاثباتات لو عايز يا عسل .
و بعدين أنا شايف أن المشاكل اللي عندك دي مشاكل حساسية زايدة منك .
أنا عارف ان انت راجل ليك خبرة محترمة في السيارات و لكن برضه أنت حساس زيادة عن اللزوم مع العربية .
أنا كان عندي الخبطة اللي في الشنطة و الكنبة
و حلهم بسيط و أكيد أنت عارفه .
ربنا يباركلك في العربية و يبسطك منها و يخليك راضي دايما و يرزقك البركة في حياتك و في عربيتك و يبارك في أسرتك يارب العالمين إن شاء الله .
مع تحياتي لك و كل أعضاء المنتدى الكرام و تحية خاصة للنادي البروتوني .
انا مش عارف اقول لك ايه بس يا استاذ احمد
بس بصراحة انا مش عارف ليه نصيبك مع بروتون كدا مع انك بتحب العربية دي اوي
يعني انا شايف ان الناس من بداية موديلات 2009 و الناس بدأت تشوف اختلاف في بروتون عن الموديلات السابقة و خصوصاً في الموضوع الخاص بالتقفيل وشايف كمان ان التوكيل في تحسن ملحوظ و يمكن في القاهره عندكوا اكثر اهتمام (ودا راجع لعدد العربيات )
بس انا مش عارف تقول لحضرتك ايه ؟؟؟
طب حضرتك هل المشاكل الوقتي اختفت و لا مزلت حاسس بيها ؟؟؟ :ask:
وديتها التوكيل و ماحصلش اى حاجة باستثناء الترصيص
بس انا لسه ماقابلتش السيد المهندس مدير خدمات مابعد البيع و ان شاء الله هابقى اقابله و اشوف رايه ايه فى العربية و مستوى اداء الورشة
وبعد كده نبقى نحكم
بس الحمد لله انا باحاول امشى نفسى و العربية موش وحشة طبعا بالعكس انا علشان باحبها ساكت و موش عايز اتكلم بصورة موش ظريفة عنها
بس للصبر حدود