الكلام ده فى العربية الجديدة ؟؟ :120146b ....لا حول و لا قوة الا بالله
عرض للطباعة
الموتور :
بالنسبة للموتور لان ده اكتر حاجة بتهم الناس و هو ده التغيير الجذرى اللى حصل
ياجماعة الموتور الـ iafm افضل واحسن من الكامبرو العادى انا يمكن قولت قبل كده انه مافيش فرق كبير بس بعد لما سوقتها لفترات طويلة شايف ان الفرق افضل على السرعات المتوسطة و القليلة و العربية صوتها انعم و اهدى من الاول
برضه اخدت رايى واحد من الاصدقاء اللى ركبوا معايا العربية كتير قبل كده و الفرق واضح و اخد باله منه
اضيف ان استهلاك البنزين يبدو انه احسن من الطرازات القديمة و ان كانت العربية لسه عاملة 270 كلم بس باين اوى ان استهلاك البنزين اقل بس حاجة بسيطة و من المتوقع انه يبقى افضل بعد كده
استاذ احمد معليش انت هنا قولت ان الموتور الـ iafm افضل واحسن من الكامبرو العادى
و فى موضوع تانى ردا على احد الاعضاء قولت (المفروض ان موتور 2009 احسن فى العزم و السحب و اقل فى استهلاك البنزين
وده الى حد ما صحيح
بس بعد لما خلصت التليين و بدأت اتعامل مع العربية عادى مالقيتش فروق كبيرة مابينهم
بس على طرق السفر المواتير القديمة اقوى الى حد ما من مواتير 2009 الـ iafm)
هل فعلا الموتور الجديد مش فارق فى حاجه و الفجوه لسا موجوده ولا راحت وهل هو فعلا اضعف من المواتير السابقة
معلش لو كنت بتقل عليك بس انت من الناس القليله اللى جربت الموتورين فا يا ريت توضح تانى ايه الفروق علشان انا فرحت بكلامك عن الموتور الجديد بس قلقت تانى لما قولت انه اضعف نسبيا
و يا ريت تقولنا على المشاكل اللى واجهتك اتحلت ولا لأ علشان انا بحب العربيه دى جدا و المفروض انى هاجيبها خلاص ان شاء الله بس قلقت اكتر دلوقتى
معلش انا عارف انى بتقل عليك و ربنا يكرمك ان شاء الله و تتحل كل المشاكل دى
شوف يا اخ مدحت
العربيتين اللى ركبتهم كانوا اوتوماتيك علشان تاخد الكلام ده بعين الاعتبار
موتور iafm احلى بكتير من campro على السرعات القليلة يعنى مناسب جدا للقيادة داخل المدينة
موتور الـ campro على سرعات عالية او بمعنى اصح من بعد 4 rpm بيبقى اداءه احسن من الـ iafm بس الفرق موش كبير اوى و ده هاتحسه على طرق السفر و من بعد الـ 150 كلم
استهلاك البنزين احسن فى موديل 2009 بنسبة بسيطة
وبعدين انت كده كده لو هاتجيب هاتجيب 2009 لانه موديل السنة الموجود لدى الوكيل اضف لكده مستوى الصالون و الشغل اللى فيه احسن من الموديلات القديمة من وجهة نظرى
ولو عايز رايى الجين-2 تجيبها مانيوال لان الاوتوماتيك بصراحة عادى جدا و موش هاتحس بقوة العربية فيه
انا جربت عربيتين جين-2 مانيوال بصراحة فرق شاسع جدا مابينهم و مابين الاوتوماتيك فى كل مايتعلق بالجرى و الشد و السحب و الكلام ده
انما انا باسوق بالراحة دلوقتى ونادر لما اجرى بالعربية فيما عدا و انا مسافر فقط علشان كده جبت الاوتوماتيك .
تحياتى و ربنا يوفقك لما فيه الخير
أستاذ أحمد شاكرين ليك نقل خبراتك وتجاربك لينا وربنا يجازيك كل خير
معلش سؤالين
ليه رغم ان حضرتك كان ليك تجربة مش كويسة مع الجين تو ومع ذلك جبتها مرة تانية ...فهل هى فعلا سيارة تستحق؟
وهل حضرتك ندمت بعد جبت الموديل الجديد؟
وشكرا ليك مقدما
الاخ / مصطفى صديق
اولا انا ماجبتهاش بمزاجى انا كنت مضطر اغير العربية بنفس الماركة يعنى اجيب بروتون برضه
ثانيا العربية جميلة جدا فى حاجات كتير و برضه فيها عيوب موش قليلة و دمها ثقيل على الرغم من هيافتها
100000000000 مبروك
شكرا ليك وربنا يباركلك فيها وتختفى كل العيوب
العفو يا اخى الفاضل