مقارنة بين الfrv والأفيو

**makufa** · 19-01-2009 09:53 PM

أريد من حضارتكم مقارنة فعلية عن السيارة frv والأفيو من حيث
1- الثبات
2-الكماليات
3-الموتور
4-العفشة
5-القوة
6-السعر
7-الشكل
7-التقيم العام

**emadmody2010** · 20-01-2009 03:49 PM

انا محتار بين الاتنين والله

**makufa** · 20-01-2009 04:20 PM

كل دا ومحدش قال راية

* أنا على فكرا زيك بالظبط يا باشا

**abou_ruqi** · 20-01-2009 05:45 PM

يا سيدي الفاضل المقارنة غريبة !
ازاي حنقارن بين عربية بقالها ٤ سنين بعربية بقالها ٤ شهور ؟؟

انا بصراحة العربية ما شاء الله داخله معايا في ٤ سنين وماشي بيها فوق الـ ٧٥ آلف
آقدر آقولك آنها غير البنزين و الصيانة الدورية

زيرو مصاريف زيرو اعطال

فحتي لو كانت الصيني احسن علي كل اوجه المقارنة بتاعتك
فالزيروهين دول اهم للمستهلك المصري ويرجحوا كافة الثقة ، لانه تعبان في حياته اساسا مش ناقص عربية تقرفه اكتر

انا معنديش مشاكل مع بريليانس ،اتمني ان كفائتها واعتماديتها تكون زي الافيو
وربنا يوفقنا جميعا في اختيارتنا

**makufa** · 20-01-2009 08:14 PM

يعنى كدا أن الأفيو أفضل من الfrv
ودا كلام جميل
شكرا ليك على المعلومات يا باشا

**ahmedaly84** · 20-01-2009 10:18 PM

بس انا قريت ان الافيو الجديده فيها مشاكل
الار بى ام بيعلى و مشكله فى الطمبورة

**abou_ruqi** · 20-01-2009 10:57 PM

المشاركة الأصلية كتبت بواسطة ahmedaly84

بس انا قريت ان الافيو الجديده فيها مشاكل
الار بى ام بيعلى و مشكله فى الطمبورة

أنا برضه سمعت زيك ولاحظت إن كل اللي بيشتكوا ,عربياتهم تقفيل محلي
وبعيد عن أي قومية أو عنصرية أو أي مشاعر وطنية
بكل صدق وأمانة وصراحة مع النفس
التقفيل المحلي أسوأ بكثير من تقفيل الخارج حتى ولو كانت بي ام دبليو (عن تجربة)
وأعتقد دي حقيقة لا نستطيع إنكارها
ومش بالضرورة يكون العيب فينا , ربما يكون العيب في إن الشركات العالمية حريصة على تكريس هذا الواقع المر
الله أعلم

علشان كده لما أنت قارنت الFRV اللي هيه تقفيل خارجي فأنا اتوقع إن الأفيو المذكورة هي الكورية علشان العدالة
وبخاصة إن الإتنين مانيوال ونفس الأوبشنز

واللي أنا قلته شهادة حق أمام الله ,ووالله أنا لا علاقة بيني وبين المنصور إطلاقاً ولا لي مصلحة

وبجد بجد إقرأ في المنتدى عن عربيات موتورها أقوى وثباتها أعلى وأوبشنها أكثر ,لكن الناس بعد 2000 كيلو الإزاز الكهرباء باظ , وفي منهم عداد البنزين علق والكهرباء بتقطع ومشاكل عجيبة جداً و عربيات تقفيل الخارج , وفي أخ هنا بعد ما استلم العربية (مش حقول نوعها) لقى الموتور بيسرب زيت !!!!! والأعجب إن التوكيل مغييرش العربية , إنما صلحها, يا سلام !!

بصراحة لو الزمن رجع بيا تاني لسنة 2005 كنت حشتري بـالـ 75 ألف جنية أفيو تاني بدون تردد

**M.Osman** · 20-01-2009 11:12 PM

بصراحة انا عمرى ما هنصح بالــFRV ....

ايوا عربية شيك و جميلة و ثبات و كماليات و airbags و abs و كل الكلام ده ... بس برضه مهما كان هختار شيفروليه الأفيو قبلها ... لأنها متجربة ... ممكن انصح بيها ( الfrv ) بعد 4 سنين بعد ما الاقي سمعتها بقت زي البروتون مثلا ...( اللى الكل كان حايف منها )

و بالتوفيق :)

**acer4000** · 22-01-2009 01:13 AM

ممكن بدون الدخول في قضايا كتير نقول حاجة واحدة بس

سعر اعادة البيع للأفيو اكبر بكتير من سعر البريليانس ايا كان نوعها
نظرا للطلب العالي على الافيو و الثقة اللي واخداها لأنها من روح الدايو لانوس