عربيتي اتخبطت و هي راكنه!!

**fady911x** · 20-01-2009 12:46 AM

ماشي في الشارع علي رجليا و معدي جمب العربيه و هي راكنه اكتشفت انها مخبوطه من الجمب من الشمال من ورا الرفرف
بخلاف اني معرفتش مين الحيوان اللي خبطها وخبطها ازاي لأنه اساسا مركونه في حته صعب اوي انه حد يخبطها فيها
الرفرف اتفصل من الناحيه الشمال و بقي طالع لبره و في حته حديد وراه اتنت من جوه و مش شايف ملامحها كويس في الضلمه

دلوقتي بقي اتصرف ازاي؟
هل في خطوره من المشي بيها كده؟
هل لازم اوديها الصيانه؟ ولا ممكن عند اي ورشه؟
تكلفه تصليحها في الحالتين سواء في الصيانه او الورشه تبقي كام؟
تكلفه اكصدام جديد عامه تبقي كام في حاله الأصلي و في حاله الصيني؟
العربيه نوعها هيونداي فيرنا لزوم التوضيح

**MoToRiZeR** · 20-01-2009 02:05 AM

عادي يا باشا انا عربيتي اتخبطت و هي راكنة ييجي .. و الله مش فاكر كام مرة بس كتير أوي !

و عامة في الغالب مفيش إكصدام جديد إنت هتستعدل الحالي و تزبطه و مفيش خطورة ان شاء الله .

**zeyad1810** · 20-01-2009 03:03 AM

بسيطة ان شاء الله
انت خلى سمكرى يبصلك عليها وهو هيقولك المفيد

**dr_timo** · 20-01-2009 11:04 AM

لا مش ضروري توكيل روح لسمكري وان شاء الله يظبطهولك كويس

**fady911x** · 20-01-2009 01:58 PM

المشاركة الأصلية كتبت بواسطة dr_timo

لا مش ضروري توكيل روح لسمكري وان شاء الله يظبطهولك كويس

طيب ده ميخرجهاش بره الضمان؟

**r0xer** · 20-01-2009 04:06 PM

Welcome To The Club :d

**Rsarabia** · 20-01-2009 05:32 PM

سمكرى شاطر هيظبطهالك و هترجع زى الاول مفيش فرق و مش هتترش لان واضح ان العملية الحمد لله بسيطة و مش هتخرجها من الضمان و مفيش اكصدام فيرنا صينى و تقليد و الكلام دا

**thegoodhacker** · 20-01-2009 05:56 PM

بسيطة ان شاء الله و قدر الله وماشاء فعل...
انا عربيتي اتخبطت وهي واقفة اكتر من مرة... مرة الباب اتطبق ومرتين فوانيس الاشارة اتكسرت و مرة الاكصدام جزء منه اتكسر و كل ده في خلال سبعة شهور فقط من شرائها....... مع العلم اني حريص في ركنة العربية يعني مش باسيبها في نص الشارع ولا عمري باركن صف تاني ....... انا باحكيلك بس علشان اقولك ان الحذر لا يمنع القدر......
انت شوف سمكري كويس يعني حد من صحابك يكون جربه قبل كده وهو حيظبطلك العربية كويس ان شاء الله