تعريب ال iphone

**Sameh** · 13-04-2009 03:13 PM

الأخوة مالكى ال iPhone اللى غاويين ينزلوا برامج ويجربوا هيسعدوا جداً بالبرنامج ده ، تقريباً كلنا بنستخدم برنامج من إتنين ، يا إما Installer وهو ممتاز فعلاً بس مشكلته مع ال firmware الجديدة زى 2.2 البرامج اللى عليه قليلة جداً ، والبرنامج التانى Cydia وده مليان برامج للفيرموير الجديد بس مشكلته إنه تقيل وعايز كونكشن سريع

إمبارح نزلت برنامج إسمه Icy وده موجود على Installer والمفروض إنه على ال featured دلوقتى و most popular كمان (يمكن جديد عليا أنا) ، ولو إتشال ممكن نبحث بإسمه طبعا

البرنامج ده بيقرأ من نفس ال Sources بتاعت ال Cydia وفيه نفس ال Categories وأكتر كمان ، يعنى على سبيل المثال فيه كاتيجورى إسمه Navigation فيه برامج جى بى إس غير برنامج Maps اللى ينزل default

إيه الفرق بقا : ميزة ال Icy الجميلة إنه خفيف جداً جدأ أكتر من ال Installer حتى + نفس Sources ال Cydia والبرامج + كمان Categories أكتر + ممكن تخفى أو تظهر بعض الكاتيجوريز زى السيديا بالظبط + الصفحة بتاعت ال Installed فيها إتنين تاب فوق واحدة installed عشان تشيل بيها البرامج اللى نزلتها سواء من ال Icy نفسه أو من أى برامج تانية حتى قبل تنزيل ال Icy على الجهاز وده مكانش موجود بين السيديا والإنستولر قبل كدة والتاب التانية إسمها Updates وطبعاً وظيفتها معروفة + واجهة فى منتهى الأناقة وعند تنزيل أى برنامج توضح فى أى مرحلة من التزيل تتم Preparing then Downloading then Installing then Finishing بشكل أنيق جداً يليق بال iPhone

البرنامج Free طبعاً وأى حد ممكن ينزله ، ماتنسوش إنه موجود على Installer

من البرامج الجميلة اللى نزلتها من على ال Icy:

من ال كاتيجورى بتاع Navigation :

برنامج xGPS : عليه خرائط طرق زى برنامج Map بالظبط بس الجميل بقا إنه فيه Route Manager و Driving Directions زى الجى بى إس الحقيقى ، وبعدين فيه زرار إسمه Go Home عشان من أى مكان إنت فيه دلوقتى يقولك لموقع الهوم اللى إنت تخزنه بنفسك فى الأول

برنامج تانى xGPS Util : بيقرأ ال Latitude & Longitude & Altitude بتاعك زى أى جى بى إس محترم + بيحسب سرعة تحركك

أسيبكم بقا تجربوا ومش عايز أطول عليكم أكتر من كدة

**M.Mokhtar** · 14-04-2009 02:31 PM

شكرا ليك يا باشا
طبعا ال icy معروف بس مش بشهره ال cydia
بس فعلا مفيد
ياريت بعد اذن حضرتك المشرف يدمج الموضوع ده مع الموضوع المخصص للايفون تعريب ال iphone
عشان يبقى كل حاجة للايفون فى مكان واحد ومش ندور كتير

منتظر رد صاحب الموضوع لو موافق نبلغ المشرف

**Sameh** · 14-04-2009 03:05 PM

موافق طبعاً ومافيش مشاكل ، الهدف واحد نفيد أكبر عدد من الأعضاء
شكراً على إقتراحك

**solyahmed** · 12-06-2009 01:26 PM

اعلنت ابل عن اي فون الجديد اللذي لم يختلف في الشكل عن الاي فون الحالي ولكن جاء ببضعة اضافات في الامكانيات الاي فون الجديد اسمه 3Gs اسرع من الحالي وافضل في التصوير ويدعم الزووم و تصوير الفيديو وال mms وخاصية الاوامر الصوتيه

**M.Mokhtar** · 15-06-2009 11:53 AM

المشاركة الأصلية كتبت بواسطة solyelissa

اعلنت ابل عن اي فون الجديد اللذي لم يختلف في الشكل عن الاي فون الحالي ولكن جاء ببضعة اضافات في الامكانيات الاي فون الجديد اسمه 3Gs اسرع من الحالي وافضل في التصوير ويدعم الزووم و تصوير الفيديو وال mms وخاصية الاوامر الصوتيه

الايفون الجديد 3Gs مش هيفرق عن الايفون ال 3G بعد Mac OS 3.0 الا فى الاتى
- كاميرا 3 ميجا بكسل فيها اوتو فوكس
- تسجيل وتعديل الفيديو
- المعالج اسرع
- التحكم بالصوت فى حاجات كتير
- بوصله مع خرائط جوجل (موجوده فى اى برنامج جى بى اس اخر)

http://www.apple.com/iphone/compare-iphones/

انا مش شايف الفرق يستاهل خالص
لسه عايزين نسخه احدث من الايفون يكون فعلا التوب فى كل حاجة

**kimo-nubira** · 15-06-2009 01:17 PM

يا اهل ال اي فون سؤال مهم جدا ....... التاتش عندي خرف وبقي يشتغل بمزاجه مره اه ومليون مره لاءه

وغيرت السوفت وير ولسه الحال كما هو عليه انا تليفوني 2g ورحت التوكيل قالولي انه محتاج شاشه

والشاشه بتاعته ب 1000 جنيه وانا بصراحه مستكترهم يا تري اعمل ايه افيدوني في القصه ديه

هل ممكن اصلحه بتكلفه اقل ولا صعب ؟؟؟

**solyahmed** · 02-07-2009 03:55 AM

استكمالا لموضوع تعريب الايفون
اولا احب اهنىء عشاق الاي فون بنزول التحديث الجديد على الاي تيونز ونزول برنامج الالترا سنو الخاص بفتح الشبكه وانا كنت من الناس الي حدثت للاصدار الجديد والحمد لله استغنيت عن التربو سيم والاصدار الجديد جميل وغني بل تعديلات المفيده مثل اللغه العربيه ورسائل الميديا و اضافات السفاري وغيره كثير

والتحديث الجديد فتح المجال لبرامج جديده احب اهدي عشاق الاي فون في المنتدي احد اجمل هذه البرامج وهو برنامج gps+خريطه مصر+خاصيه التوجيه الصوتي وانا جربت البرنامج وكانك اشتريت جهاز gps والذي يميز هذا البرنامج اشياء كثيره
ممكن تحدد العنوان الي انت رايحه وهو يوجهك بالخريطه وبالصوت ايضا و رسم اتجاهك وتحديد سرعتك وحفظ خط سيرك و الكثير الكثير
طبعا انا جربت البرنامج في الاسكندريه معرفش هل الخريطه تغطي مصر كلها ام لا بس اكيد تغطي القاهره
البرنامج
http://rapidshare.com/files/248097903/Sygic_Egypt.zip

**M.Mokhtar** · 04-07-2009 08:38 PM

المشاركة الأصلية كتبت بواسطة solyelissa

استكمالا لموضوع تعريب الايفون
اولا احب اهنىء عشاق الاي فون بنزول التحديث الجديد على الاي تيونز ونزول برنامج الالترا سنو الخاص بفتح الشبكه وانا كنت من الناس الي حدثت للاصدار الجديد والحمد لله استغنيت عن التربو سيم والاصدار الجديد جميل وغني بل تعديلات المفيده مثل اللغه العربيه ورسائل الميديا و اضافات السفاري وغيره كثير

والتحديث الجديد فتح المجال لبرامج جديده احب اهدي عشاق الاي فون في المنتدي احد اجمل هذه البرامج وهو برنامج gps+خريطه مصر+خاصيه التوجيه الصوتي وانا جربت البرنامج وكانك اشتريت جهاز gps والذي يميز هذا البرنامج اشياء كثيره
ممكن تحدد العنوان الي انت رايحه وهو يوجهك بالخريطه وبالصوت ايضا و رسم اتجاهك وتحديد سرعتك وحفظ خط سيرك و الكثير الكثير
طبعا انا جربت البرنامج في الاسكندريه معرفش هل الخريطه تغطي مصر كلها ام لا بس اكيد تغطي القاهره
البرنامج
http://rapidshare.com/files/248097903/sygic_egypt.zip

الف شكر يا باشا

بس بما انك عملت التحديث

ياترى اخبار البطاريه معاك ايه؟
سمعت انها مش بتقعد كتير مع النظام الجديد

**alisleman** · 04-07-2009 09:13 PM

انا كمان معايا اى فون من زمان الزمان وبعمل فى البدع لو انتم محتاجين حاجة قالولى وانا معاكم

**solyahmed** · 04-07-2009 10:04 PM

بالعكس ياباشا دي بتقعد اكثر من الاول. بصراحه التحديث جميل جدااا وأي سؤال في التحديث تحت أمرك

الموضوع: تعريب ال iphone

LinkBack

أدوات الموضوع

عرض

-

الاي فون الجديد -

-

-

-

-

-

المواضيع المتشابهه

تعريب كيبورد اللاب

المساعدة في تعريب Windows 7

تعريب sms على iPhone??????

- لكل من يريد ال Iphone او Iphone 3G وكل الناس الي حيضحك عليها -

تعريب الـ i phone

الكلمات الدلالية لهذا الموضوع

المفضلات

المفضلات

ضوابط المشاركة