الركنه

**دينا أبوالعلا** · 20-01-2009 01:11 PM

بابا بيقولي دلوقتي ان الراجل قرا الورقه وقعد يضحك تفتكرو ممكن يرخم

**شاهين - بنز** · 20-01-2009 01:13 PM

أنا مرة فعلا مكنتش لاقي مكان أركن وكانت الساعة 2 بليل ولقيت عربية حرقت دمي سابيه مكان يكفي تلتين عربية قدام وتلتين عربية ورا فاضي فقعدت أزق العربية والهاند بريك بتاعها مرفوع لحد أما عرفت أركن ودايما بعمل كده أما بغلب لكن بصراحة زق العربية وهاندبريكها مرفوع متعب شوية

**AHMEDCAR** · 20-01-2009 01:14 PM

مكنتش اعرف انه جراج كان مدخل عماره ومش مكتوب جراج

و الله انا كنت عامل يفتطين لكن هيه برضو دمغها كده بس برضو انا مرحمتها فتحتلها الكبوت و شيلتلها سلوك البوجيهات و سلميلى على المترو بقى

**دينا أبوالعلا** · 20-01-2009 01:17 PM

المشاركة الأصلية كتبت بواسطة AHMEDCAR

و الله انا كنت عامل يفتطين لكن هيه برضو دمغها كده بس برضو انا مرحمتها فتحتلها الكبوت و شيلتلها سلوك البوجيهات و سلميلى على المترو بقى

:k48::k48::k48:معلش بقي طمنتني الحمد لله اني لقيت العربيه عمودي علي الرصيف بس

**AHMEDCAR** · 20-01-2009 01:19 PM

المشاركة الأصلية كتبت بواسطة دينا أبوالعلا

بابا بيقولي دلوقتي ان الراجل قرا الورقه وقعد يضحك تفتكرو ممكن يرخم

ده يرجع للراجل نفسه لو زوق مش هايحط فى باله و بعد كده هاياخد باله من ركنته لكن لو العكس :k26:

**eino666** · 20-01-2009 01:20 PM

مشكلة ازلية مالهاش حل واذا اتكلمتى معاهم يقولك انا راكن فى الشارع
او انا اركن فى المكان اللى يعجبنى

انا بحلها ازاى هقولك
انا بركن صف تانى جنب عربيته ما يقدرش يطلع بالعربية الا اذا انا وسعت له
بسيبه واقف ساعة او اتنين هو ورزقه علشان يحرم

**hazzan32** · 20-01-2009 01:20 PM

بالنسبه للركان قدام بعض
كان فى واحد قريبى عنده واحد بيركن زى الى عندك يادينا بالضبط
فقريبى اخر مازهق منه قام سايب عربيه قافله على مكان خروج عربيه الراجل يومين
فالراجل معرفش يخرج عربيته ف اخر مازهق قام واخد نمرة العربيه بتاعت قريبى وكانت خناقه مقلكيش
بس من ساعتها الراجل حرم يركن ف المكان ده وبقى يركن ف شارع تانى خالص

**HeMa_LanCeR** · 20-01-2009 01:24 PM

انا كمان مابلاقيش مكان والأجل اني عندي جراج
بس لو خرجت ورجعت متأخر بابا بيركن قدام الجراج فا مابعرفش اركن
وكمان ممكن لو راكن ونازل الصبح الاقي ناس راكنه قدام باب الجراج
وفي الحاله دي ممكن اخد اي عربيه تانيه بس لو انا فعلا محتاج عربيتي
فا اضطر احرك العربيه دي حتي لو معشق (بجيب عربيه من النقل بتوعنا واديها زق)
وكمان بكل زوق بكتب علي الزجاج الاماي والخلفي بقلم دوكو محترم (برجاء الاعتناء جراج خصوصي) وطبعا مش هيعرف يطلعها غير لما يطلع عينه
وبالنسبه للركنه في الشارع انا بقيت اركن في اي شارع وخلاص من كتر العربيات اللي بقت في الشارع عندنا بالرغم من ان كل شارع عندنا فيه تقريبا جراجين ومليانين
فا احسن حل انك تركني في اي مكان وتريحي دماغك مش لازم تحت البيت يعني

**EZABY** · 20-01-2009 01:29 PM

انا معنديش مشكله اني اركن بعيد شويه دانا احيانا بركن بعيد عن بيتي ب حوالي 300متر

كل يوم الاقي واحد يركن سايب ييجي 80 سم قدامه ييجي اللي وراه يسيب زيه طبعا

بس موضوع ال80 سنتي ده مجنني
انا في مره بليل مكنتش لاقي مكان خالص ولاقريب ولابعيد ولقيت واحد مسنطر نفسه في وسط مكان ياخد عربيتين مرتاحين
وقدامه اتنين متر ووراه زيهم
والله فكرت اكسر ازاز عربيته وازقها بس لحقت نفسي قبل ماتجنن ومشيت

انتي جيتي عالجرح يادينا
كل كلامك حاسس بيه
بيننا جيران

**دينا أبوالعلا** · 20-01-2009 01:32 PM

المشاركة الأصلية كتبت بواسطة eino666

مشكلة ازلية مالهاش حل واذا اتكلمتى معاهم يقولك انا راكن فى الشارع
او انا اركن فى المكان اللى يعجبنى

انا بحلها ازاى هقولك
انا بركن صف تانى جنب عربيته ما يقدرش يطلع بالعربية الا اذا انا وسعت له
بسيبه واقف ساعة او اتنين هو ورزقه علشان يحرم

ممكن اعمل كده بس انا مش مستغنيا عن عربيتي اذا كان اللي بيركنو كده فتخيل بقي اللي يا دوب هبعدي فالشارع هيعمل فيا ايه

الموضوع: الركنه

LinkBack

أدوات الموضوع

عرض

-

-

-

-

-

-

-

المواضيع المتشابهه

السيراتو و الركنه لمده طويله !

الركنه في الشمس

هل الركنه فوق الرصيف مخالف

اليابان حلت مشكله الركنه

يا جماعه انا زهقت من الركنه؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة