هو الهوا اللي يكون داخل لفلتر الهوا ، المفروض يكون بارد ولا سخن ؟

**roky** · 20-01-2009 12:35 PM

أصدقائي الأعزاء ،
دك النهار مخي هفني أفك فلتر الهواء و اشوف حالته ايه ، و بالمرة انفخ منه التراب عند بتاع الكوتش ...
كان الفك سهل مافيه مشكلة لكن فوجئت عند التركيب ان فيه مدخلين بيدخلو هواء للفلتر ... واحد من قدام فتحه في الموتور ، و التاني فتحة في الهوا كده مع نفسها... و غطا الفلتر فيه مكان مفتوح و مكان مسدود - عامل كده زي غطا شفشق العصير - و واضح انه مطلوب مني احط الغطا بحيث الهواء يدخل للفتلر من ناحية واحدة بس ...
ف مش عارف اسد انهي مدخل و اسيب انهي مدخل مفتوح

أزا تكرمتم حد يشوف الرسمة اللي تحت و يدلني يا ولاد الحلال

و بالمرة اذا حد يعرف فلتر الهوا لـ 127 بكام عشان الموجود عندي بقي اسـود خــــالص ولا يفوت لا هوا ولا نور ... و بفكر أغيره

الهي ما يرميكم في ضيقة

**MMamdouh** · 20-01-2009 12:44 PM

المفروض ان فيه درجة حرارة معينة هى المناسبة للموتور... لان الهواء السخن بيتمدد و نسبة الاكسجين بتقل لما الهواء يتمدد بشرط ثبات المساحة

و الهواء البارد جدا برضة وحش لانة بياثر على عملية اختلاط البنزين بالهواء و ممكن ينتج عنة تجمد الوقود... و لعلاج القصة دى بيتعمل مدخل هواء من جنب فرن الشكمان عشان الهواء يبقى سخن و يمنع تجمد الوقود

سيبك بقى من الكلام النظرى و تعالى للواقع... فى مصر درجات الحرارة بطبيعتها عالية مقارنة باوروبا و كدة... و بالتالى انت مش حتحتاج تحول مدخل الهواء للناحية السخنة (اللى بسحب هوا من حوالين الفرن) لان الحرارة مش برد اوى للدرجة اللى تسبب مشاكل

خللى مدخل الهواء دايما عند الناحية اللى بسحب هواء بارد لاداء افضل

MMamdouh