نور السياره

**AMRSPEED** · 17-08-2007 10:09 PM

انا معايا اسبيرانزا 2007 والنور بتاع العربيه لما بتكون دايره بيرعش او بمعنى اصح بيعلى ويوطى فده ممكن يكون من ايه
ولما العربيه تكون مبطله مبيحصلش كده

**Nader** · 17-08-2007 10:11 PM

معني كدة ان في حاجة غلط في كهربة العربية

**Abdallah** · 18-08-2007 12:46 AM

ممكن تكون فى مشكلة فى الدينامو لان انت لما بتدور العربية بتلغى البطارية وتشتغل على الدينامو ولما بتبطلها بترجع للبطارية تانى.

**عزوز** · 18-08-2007 01:05 AM

مجرد تخمين أنه ممكن يكون الكتاوت هي السبب واللة أعلم

**Nader** · 18-08-2007 01:15 AM

في حجات كتير ممكن تاثر علي كهربة العربية ابتدا من كتاوت النور و البوجيهات واسلاك الاسبياتير و لحد الدنمو.

**hazem_khidr** · 18-08-2007 03:50 AM

والموضوع ده ممكن يكون ليه علاقه بسحب البنزين كمان لآنى العربيه معايا بتسحب بنزين

لو الموضوع دا انت حاسس بيه فعلا يبقي فعلا حاجه في الكهربا عندك مش مضبوطه.
و احتمال كبير يكون الدينامو مش بيشحن البطاريه كويس علشان كده النور بيعلي و يضعف راجع علي شحن الدينامو

**محمد البحيري** · 18-08-2007 03:20 PM

هي المشكله دي غالبا ملهاش علاقه بسحب العربيه وغالبا سببها الدينامو الي بتزيد سرعته مع دوسه البنزين فبيشحن اكتر والعكس صحيح
راجع التوكيل

**emam** · 18-08-2007 04:04 PM

اكيد الكتاوت عشان هى المفروض بتشتغل لما العربية بتكون دايرة وبتضبط شحن الدينامو للبطارية على فولت واحد لكن لو فى مشكلة فى الكتاوت اكيد هيلعى ويوطى الشحن زى مبيحصل مع حضرتك - ملحوظة العربية اثناء توقف المحرك بتسحب من البطارية مباشرة لذلك مش هتلاحظ اى اختلاف فى الاضاءة .